پاکستان اور سعودی عرب میں عید الفطر ایک ہی روز ہونے کے قوی امکانات ہیں۔
اشاعت کی تاریخ: 22nd, March 2025 GMT
اسلام آباد(نیوز ڈیسک)ماہرین فلکیات کے مطابق پاکستان میں عیدالفطر 31 مارچ کو ہونے کے قوی امکانات ہیں اور چاند کی پیدائش 29مارچ کو ہوگی۔
ماہرین فلکیات نے بتایاکہ سعودی عرب میں 29 مارچ کو چاند نظر آنے کے امکانات نہیں لہٰذا پاکستان اورسعودی عرب میں اس سال ایک ہی روز عید الفطر ہونے کا امکان ہے اور دونوں ممالک میں عید 31 مارچ کو ہونے کے امکانات ہیں۔
ماہرین فلکیات کے مطابق 30 مارچ کو دنیا کے اکثرحصوں میں چاند انسانی آنکھ سے بھی دیکھاجاسکے گا اور 30 مارچ کو چاند اُن علاقوں میں دیکھا جاسکے گا جہاں موسم صاف ہوگا۔
ماہرین فلکیات نے بتایاکہ 30 مارچ کو مکہ میں چاند کی عمر 28 گھنٹے 38 منٹ ہوگی اور کراچی میں 30 مارچ کو چاند کی عمر 26 گھنٹے 50 منٹ ہو گی۔
دوسری جانب وفاق کے بعد سندھ حکومت نے بھی 31 مارچ سے دو اپریل تک عید کی چھٹیوں کا اعلان کردیا۔ اُدھر عیدالفطر کا چاند دیکھنے کیلئے مرکزی رویت ہلال کمیٹی کا اجلاس 30 مارچ کو اسلام آباد میں طلب کرلیا گیا۔
آج بروز ہفتہ 22مارچ آج کے روز موسم کیسا رہے گا؟محکمہ موسمیات نے بتا دیا
.ذریعہ: Daily Ausaf
کلیدی لفظ: ماہرین فلکیات مارچ کو
پڑھیں:
چاند سےمتعلق محکمہ موسمیات کی نئی پیشگوئی،اہم خبرآگئی
اسلام آباد(نیوز ڈیسک)مرکزی رویت ہلال کمیٹی نے عید الفطر کے چاند کی رویت کے حوالے سے 30 مارچ کو اجلاس طلب کر لیا ہے۔
تفصیلات کے مطابق ذرائع کا کہناہے کہ مرکزی رویت ہلال کمیٹی کا اجلاس اسلام آباد میں منعقد ہوگا جبکہ زونل کمیٹیوں کے اجلاس مقررہ مقامات پر ہوں گے۔
محکمہ موسمیات کے مطابق عید الفطر غالباً پیر 31 مارچ کو ہونے کا امکان ہے۔ شوال کا چاند 29 مارچ کو سہ پہر 3 بج کر 58 منٹ پر پیدا ہوگا اور غروب آفتاب کے بعد تقریباً 70 منٹ تک آسمان پر موجود رہے گا۔
مزید کہا گیا کہ 20 گھنٹے پرانا چاند عام آنکھ سے باآسانی دیکھا جا سکتا ہے اور 30 مارچ کو چاند کی عمر 27 گھنٹے ہو چکی ہوگی، جس سے اس کا نظر آنا مزید آسان ہوگا۔
یہ امر قابل ذکر ہے کہ بین الاقوامی فلکیاتی مرکز پہلے ہی تصدیق کر چکا ہے کہ 29 مارچ بروز ہفتہ عرب اور اسلامی ممالک میں شوال کا چاند دیکھنا ممکن نہیں ہوگا۔ اس کی وجہ یہ ہے کہ چاند سورج کے غروب ہونے سے پہلے ہی ڈوب جائے گا اور اس کی پیدائش غروب آفتاب کے بعد ہوگی۔
ان سائنسی حقائق کے پیش نظر، 29 مارچ کو کسی بھی طریقے سے چاند نظر آنا ناممکن ہوگا، چاہے وہ عام آنکھ، دوربین، یا جدید آلات کے ذریعے دیکھا جائے۔
ایسے ممالک جہاں چاند دیکھنے کی شرعی تصدیق ضروری ہوتی ہے، وہاں رمضان کے 30 مکمل ہونے کے بعد عید الفطر 31 مارچ بروز پیر کو منائی جائے گی۔ تاہم کچھ ممالک اپنے روایتی چاند دیکھنے کے طریقوں کے مطابق عید الفطر 30 مارچ بروز اتوار کو بھی منانے کا اعلان کر سکتے ہیں۔
مزیدپڑھیں:تربیلا ڈیم میں پانی کم،بجلی کے 12 یونٹ بند،لوڈشیڈنگ کا خدشہ
وزیراعظم کا بجلی صارفین کو بڑا ریلیف دینے کیلیے پیٹرولیم مصنوعات کی قیمتیں برقرار رکھنے کا فیصلہ