پاکستان میں سیٹلائٹ انٹرنیٹ کے آغاز کیلئے ایلون مسک کی سٹارلنک کواین اوسی جاری
اشاعت کی تاریخ: 22nd, March 2025 GMT
اسلام آباد (نمائندہ خصوصی +نوائے وقت رپورٹ) ایلون مسک کی کمپنی سٹار لنک کو این او سی جاری کیے جانے کے بعد پاکستان سیٹلائٹ انٹرنیٹ کی دنیا میں قدم رکھنے کو تیار ہے۔ پاکستان سپیس ایکٹیوٹیز ریگولیٹری بورڈ نے سٹار لنک کو این او سی جاری کردیا ہے۔ ذرائع کے مطابق سٹار لنک نے سپیس ریگولیٹری بورڈ کے تمام تقاضے پورے کرلیے ہیں جس کے بعد وزارت داخلہ کی کلیئرنس کے بعد سپیس ریگولیٹری بورڈ نے این او سی جاری کیا ہے اور اب پی ٹی اے آئندہ 2 ہفتوں میں سٹار لنک کو لائسنس جاری کردے گا۔ واضح رہے کہ سٹار لنک پہلے ہی پی ٹی اے میں ٹیکنیکل اور بزنس پلان جمع کروا چکا ہے۔ سٹار لنک نے پاکستان میں رجسٹریشن کے حوالے سے 3 مراحل مکمل کرلیے ہیں۔ کمپنی نے ایس ای سی پی پاکستان سافٹ وئیر ایکسپورٹ بورڈ اور پاکستان سپیس ایکٹیوٹیز ریگولیٹری بورڈ سے رجسٹریشن حاصل کرلی اور اب آخری مرحلہ پاکستان ٹیلی کمیونیکیشن اتھارٹی سے رجسٹریشن حاصل کرنا ہے۔ پی ٹی اے کی جانب سے لائسنس کے اجراء کے بعد کمپنی اپنی سروسز کا آغاز کرسکے گی۔ پی ٹی اے سٹار لنک کی جمع کروائی گئی دستاویزات کا جائزہ لے رہا ہے۔ سٹار لنک کی سروسز موجودہ نیٹ ورک میں کسی قسم کا خلل پیدا نہیں کریں گی۔
.ذریعہ: Nawaiwaqt
کلیدی لفظ: ریگولیٹری بورڈ سٹار لنک پی ٹی اے لنک کو کے بعد
پڑھیں:
پاکستان میں سیٹلائٹ انٹرنیٹ کا نیا دور، اسٹار لنک کو این او سی ملنے کے بعد لائسنس کا انتظار
پاکستان میں سیٹلائٹ انٹرنیٹ کے شعبے میں اہم پیش رفت سامنے آئی ہے ایلون مسک کی کمپنی اسٹار لنک کو پاکستان اسپیس ایکٹیوٹیز ریگولیٹری بورڈ کی جانب سے این او سی جاری کردیا گیا ہے جس کے بعد ملک میں سیٹلائٹ انٹرنیٹ سروسز کی فراہمی کے امکانات مزید واضح ہو گئے ہیں اس پیش رفت کے بعد پاکستان سیٹلائٹ انٹرنیٹ کی دنیا میں قدم رکھنے کے لیے تیار ہے اور اب صرف پاکستان ٹیلی کمیونیکیشن اتھارٹی کی جانب سے لائسنس کا اجرا باقی رہ گیا ہے ذرائع کے مطابق اسٹار لنک نے اسپیس ریگولیٹری بورڈ کی تمام شرائط پوری کرلی ہیں اور وزارت داخلہ سے کلیئرنس حاصل کرنے کے بعد اسپیس ریگولیٹری بورڈ نے این او سی جاری کیا ہے اب اگلے مرحلے میں پاکستان ٹیلی کمیونیکیشن اتھارٹی آئندہ دو ہفتوں میں کمپنی کو لائسنس جاری کرے گی جس کے بعد اسٹار لنک پاکستان میں اپنی سروسز کا باقاعدہ آغاز کر سکے گی اسٹار لنک پہلے ہی پاکستان میں اپنے آپریشنز کے حوالے سے متعدد مراحل مکمل کر چکی ہے کمپنی نے پاکستان ٹیلی کمیونیکیشن اتھارٹی میں لائسنس کے لیے درخواست دینے کے ساتھ ساتھ اپنا ٹیکنیکل اور بزنس پلان بھی جمع کروا دیا تھا مزید برآں اسٹار لنک نے پاکستان میں رجسٹریشن کے تین اہم مراحل بھی کامیابی سے مکمل کر لیے ہیں ایلون مسک کی کمپنی نے سیکیورٹیز اینڈ ایکسچینج کمیشن آف پاکستان اور پاکستان سافٹ ویئر ایکسپورٹ بورڈ سے بھی اپنی رجسٹریشن حاصل کر لی ہے اس کے علاوہ کمپنی پاکستان اسپیس ایکٹیوٹیز ریگولیٹری بورڈ سے بھی اپنی رجسٹریشن مکمل کر چکی ہے اور اب آخری مرحلہ پاکستان ٹیلی کمیونیکیشن اتھارٹی سے رجسٹریشن کا باقی ہے پاکستان ٹیلی کمیونیکیشن اتھارٹی کی جانب سے لائسنس جاری ہونے کے بعد اسٹار لنک ملک میں سیٹلائٹ انٹرنیٹ سروسز فراہم کرنے کے قابل ہو جائے گی اس وقت پی ٹی اے اسٹار لنک کی جانب سے جمع کروائی گئی تمام تکنیکی اور کاروباری تفصیلات کا جائزہ لے رہا ہے تاکہ اس بات کو یقینی بنایا جا سکے کہ کمپنی کی سروسز ملکی نیٹ ورک کے معیار پر پورا اترتی ہیں اور کسی قسم کی مداخلت یا خلل کا باعث نہیں بنتیں پاکستان میں انٹرنیٹ کے شعبے میں ترقی اور ڈیجیٹل کنیکٹیویٹی کو فروغ دینے کے لیے حکومت کی جانب سے مختلف اقدامات کیے جا رہے ہیں اسی سلسلے میں پاکستان نے 2023 میں نیشنل سیٹلائٹ پالیسی متعارف کروائی تھی جبکہ 2024 میں اسپیس کمیونیکیشن کے شعبے کو مزید مضبوط بنانے کے لیے اسپیس ایکٹیویٹیز رولز بھی متعارف کرائے گئے تھے اسٹار لنک کی آمد سے نہ صرف ملک میں انٹرنیٹ کی سہولیات میں بہتری آئے گی بلکہ دور دراز علاقوں میں بھی تیز رفتار انٹرنیٹ کی رسائی ممکن ہوسکے گی
مشہور سنگر نصیبو لال پر تشدد کا معاملہ،شوہر کے ساتھ صلح کر لی،پولیس کو مقدمہ کی درخواست واپس لینے کی استدعا