حسن نواز پی ایس ایل میں کس ٹیم کی نمائندگی کریں گے؟
اشاعت کی تاریخ: 22nd, March 2025 GMT
نیوزی لینڈ کیخلاف دھواں دار ریکارڈ سینچری اننگز کھیلنے والے نوجوان اوپنر حسن نواز پاکستان سپر لیگ (پی ایس ایل) میں کوئٹہ گلیڈی ایٹرز کی نمائندگی کریں گے۔
پی ایس ایل ڈرافٹس میں نوجوان اوپنر کو پاکستان سپر لیگ کی سابق چیمپئین ٹیم کوئٹہ گلیڈی ایٹرز نے پلئیرز ڈرافٹس میں اپنے اسکواڈ کا حصہ بنایا تھا۔
فرنچائز نے نوجوان اوپنر کو ایمرجنگ کیٹیگری میں منتخب کیا تھا، جو 2025 کے ایڈیشن میں گلیڈی ایٹرز کی نمائندگی کا اعزاز حاصل کریں گے۔
مزید پڑھیں: پاکستان کا ٹی ٹوئنٹی میں 200 سے زیادہ رنز کا ہدف حاصل کرکے منفرد ریکارڈ
اس سے قبل حسن نواز نے پاکستان سپر لیگ (پی ایس ایل) 2023 میں اسلام آباد یونائیٹڈ کی نمائندگی کی تھی تاہم انہیں محض 3 میچز مل سکے تھے جہاں وہ اپنی صلاحیتوں کا اظہار کرنے میں ناکام رہے تھے، نوجوان اوپنر نے 3 میچز میں 100 کے اسٹرائیک ریٹ اور 9.
مزید پڑھیں: ٹی20 میں تیز ترین سنچری، حسن نواز نے اپنے ہم وطن کھلاڑی کا ریکارڈ توڑ دیا
واضح رہے کہ حسن نواز نے نیوزی لینڈ کیخلاف اپنے تیسرے ٹی20 میچ میں پاکستان کیلئے تیز ترین ٹی20 سنچری کا ریکارڈ اپنے نام کیا تھا، اس سے قبل یہ کارنامہ بابراعظم کے پاس تھا جنہوں نے 49 گیندوں پر سینچری بنائی تھی۔
مزید پڑھیں: تیسرا ٹی20؛ کھلاڑیوں کی میچ کے دوران افطار کرنے کی ویڈیوز وائرل
تاہم حسن نواز نے کیویز کیخلاف یہ کارنامہ محض 44 گیندوں پر سرانجام دیا، انکی اننگز میں 10 چوکے اور 7 چھکے شامل تھے۔
ذریعہ: Express News
کلیدی لفظ: نوجوان اوپنر کی نمائندگی حسن نواز نے پی ایس ایل
پڑھیں:
پاکستان نے تیسراٹی ٹونٹی جیت لیا ِ،حسن نواز کی 44گیندوں پر ریکارڈ سنچری
لاہور (سپورٹس رپورٹر) پاکستان نے نیوزی لینڈ کو تیسرے ٹی ٹونٹی میں 9 وکٹوں سے ہرا دیا۔ آکلینڈ میں کھیلے گئے میچ میں مہمان ٹیم پاکستان نے ٹاس جیت کر میزبان کو پہلے بیٹنگ کی دعوت دی۔ کیوی ٹیم نے 204 رنز بنائے اور 19.5 اوورز میں پوری ٹیم آؤٹ ہوگئی۔ کیوی ٹیم کو ابتدا میں ہی اوپنر فلن ایلن کے آؤٹ ہونے کا دھچکا لگا، وہ صفر پر یویلین روانہ ہوئے تاہم دوسری وکٹ کیلئے ٹم سیفرٹ اور چیپمین نے 40 رنز کا اضافہ کیا لیکن سیفرٹ 19 رنز بناکر پویلین لوٹ گئے۔ مارک چیپمین نے 94 رنز کی اننگز کھیلی جس میں 4 چھکے اور 11 چوکے شامل تھے۔ ڈیرل مچل 17، مائیکل پریسویل 31، جیمز نیشم 3، مچل ہے 9، ایشن سوڈھی 10، جیکب ڈفی 2 اور کائل جیمیسن صفر پر آئوٹ ہوئے۔ حارث رؤف نے 3، شاہین آفریدی، ابرار احمد، عباس آفریدی نے 2،2 اور شاداب خان نے ایک وکٹ حاصل کی۔ جواب میں پاکستانی ٹاپ آرڈر نے شاندار کارکردگی کا مظاہرہ کیا، اوپنر محمد حارث 41 بنا کر آئوٹ ہوئے جبکہ حسن نواز نے 44 گیندوں پر شاندار سنچری بنائی ور کپتان سلمان علی آغا نے 31 گیندوں پر 51 رنز بنائے۔ پاکستان ٹیم میں عباس آفریدی اور ابرار احمد کو شامل کیا گیا جبکہ محمد علی اور جہانداد خان کو ٹیم سے ڈراپ کیا گیا۔ میزبان ٹیم کو سیریز میں دو ایک کی برتری حاحل ہے ۔ سیریز کا تیسرا میچ کل کھیلا جائے گا۔ پاکستان ٹیم ٹی 20 انٹرنیشنل فارمیٹ میں کم سے کم اوورز میں 200 سے زیادہ رنز کا ہدف حاصل کرنے والی ٹیم بن گئی۔ پاکستانی بیٹر حسن نواز نے بابر اعظم کے ٹی ٹونٹی میں تیز ترین سنچری بنانے والے پاکستانی کرکٹر ہونے کا ریکارڈ توڑ دیا۔ 22 سالہ حسن نواز نے آکلینڈ میں 44 گیندوں پر سنچری بنائی، یہ میچ حسن نواز کے کیریئر کا تیسرا ٹی ٹونٹی انٹرنیشنل تھا‘ وہ پہلے دونوں میچوں میں صفر پر آئوٹ ہوئے تھے۔ بابراعظم نے 2021 میں 49 گیندوں پر جنوبی افریقہ کیخلاف سنچری سکور کی تھی۔ حسن نواز T20I میں پاکستان کیلئے تیز ترین سنچری میکر بن گئے جبکہ پاکستان کے پاور پلے نے چھ اوورز کے بعد 75 رنز بنا کرٹی ٹونٹی کرکٹ میں ایک نیا قومی بیٹنگ ریکارڈ قائم کیا۔ پاکستان نے 49 گیندوں (8.1 اوورز) میں 100 رنز تک پہنچ کر فارمیٹ میں اپنی ٹیم کی تیز ترین سنچری بنائی۔ پاکستان نے 205 رنز کا ہدف محض 16ویں اوور میں ہی حاصل کر لیا جو ٹی ٹونٹی میں ریکارڈ ہے۔ اس سے قبل، 2007 میں جوہانسبرگ میں جنوبی افریقہ نے ویسٹ انڈیز کیخلاف 17.4 اوور میں 200 سے زیادہ رنز کا ہدف حاصل کیا تھا۔
بوگوتا میں ’’چائنا ان اسپرنگ ‘‘ گلوبل ڈائیلاگ کا انعقاد