شادی کی تصویر بنانا خوفناک حادثہ بن گیا، دلہن کے جھلسنے کی ویڈیو وائرل
اشاعت کی تاریخ: 22nd, March 2025 GMT
بھارت میں شادی کی تصاویر کو یادگار بنانے کا خواب جوڑے کےلیے خوفناک حادثے میں بدل گیا۔ رنگ بھرے بم سے دلہن کے جھلسنے کی ویڈیو سوشل میڈیا پر وائرل ہوگئی۔
بھارتی میڈیا کے مطابق کینیڈا میں مقیم بھارتی نژاد جوڑے وکی اور پیا نے اپنی شادی کی تقریبات کےلیے بھارت کا رخ کیا، لیکن ان کا یہ خوشیوں بھرا دن ایک حادثے کی وجہ سے دکھ میں بدل گیا۔
واقعے کے مطابق شادی کے موقع پر ایک رنگ بھرا دھماکا کرنے والا آلہ (کلر بم) خراب ہوگیا، جس سے دلہن کو شدید چوٹیں آئیں۔ اس واقعے کی ویڈیو جوڑے نے انسٹاگرام پر شیئر کی ہے، جس میں دیکھا جاسکتا ہے کہ کس طرح یہ دھماکا دلہن کو براہ راست لگا۔
جوڑے نے اپنی شادی کی یادگار تصویر بنانے کےلیے رنگ بھرے دھماکے کا انتظام کیا تھا، تاکہ تصویر کے پس منظر میں خوبصورت رنگ بکھر سکیں۔ لیکن جیسے ہی دلہا نے دلہن کو تصویر کےلیے اٹھایا، کلر بم خراب ہوگیا اور دلہن کو براہ راست لگا۔ اس حادثے میں دلہن کی پیٹھ اور بال جھلس گئے، جس کے بعد انہیں فوری طور پر طبی امداد کی ضرورت پڑی۔
جوڑے نے اپنی پوسٹ میں لکھا: ’’ہماری منصوبہ بندی یہ تھی کہ پس منظر میں خوبصورت رنگ بھرے دھماکے ہوں، تاکہ ایک شاندار تصویر بن سکے۔ لیکن آلہ خراب ہوگیا اور ہم پر دھماکا ہوگیا۔ ہم اپنے بچے کو بھی ساتھ لینے والے تھے۔‘‘
جوڑے نے انسٹاگرام اسٹوری میں بتایا کہ یہ واقعہ شادی کی تقریب اور ولیمہ کے درمیان تصاویر بناتے وقت پیش آیا۔ انہوں نے کہا: ’’ہم جلدی سے قریبی اسپتال گئے، جہاں جھلسنے کا علاج کروایا گیا۔ اس کے بعد ہم ولیمہ میں شریک ہوئے۔‘‘
انہوں نے اپنی پوسٹ کے ذریعے لوگوں کو خبردار کیا: ’’یہ پوسٹ کلر بم جیسے پٹاخوں کے استعمال کے خطرات کے بارے میں ہے۔ ہم نے تمام حفاظتی اقدامات پر عمل کیا، لیکن پھر بھی کچھ غلط ہوگیا اور ہم زخمی ہوگئے۔ چاہے آپ نظرِ بد پر یقین رکھتے ہوں یا نہیں، ہم ضرور یقین رکھتے ہیں!‘‘
یہ ویڈیو شیئر ہونے کے بعد 22 ملین سے زیادہ بار دیکھی جاچکی ہے۔ صارفین نے دلہن کے ساتھ ہمدردی کا اظہار کیا اور ان کی جلد صحت یابی کےلیے دعائیں دیں۔
ایک صارف نے لکھا: ’’یہ واقعہ خوفناک اور افسوسناک ہے۔ آپ کی جلد صحت یابی کی دعا ہے۔ یقیناً یہ بہت برا لگتا ہے جب ایسا حادثہ آپ کے خوبصورت دن پر ہو۔ اپنا خیال رکھیں!‘‘
ایک صارف نے نظرِ بد کو جھٹلا کر تبصرہ کیا: ’’آپ کے ایونٹ پلانر ذمے دار ہیں۔ یہ واقعہ آپ کے دن پر ہوا، یہ بہت افسوسناک ہے۔‘‘
ایک صارف نے انتباہ لکھا کہ ’’یہ ہمیں شادی جیسے خوشی کے موقع پر بھی حفاظتی اقدامات کی اہمیت کی یاد دلاتا ہے۔ کلر بم جیسے پٹاخے خوبصورت تو لگتے ہیں، لیکن ان کے استعمال میں بہت احتیاط کی ضرورت ہوتی ہے۔
TagsShowbiz News Urdu.
ذریعہ: Al Qamar Online
کلیدی لفظ: نے اپنی دلہن کو شادی کی جوڑے نے کلر بم
پڑھیں:
پاکستان اور نیوزی لینڈ کے مابین کھیلے جانے والے ٹی20 میچ میں افطار کا وقفہ، ویڈیو وائرل
نیوزی لینڈ کے شہر میں آک لینڈ میں پاکستان نیوزی لینڈ کے مابین کھیلے جانے والے میچ کے دوران روزہ افطار کرنے کا باقاعدہ وقفہ کیا گیا۔ اور پاکستان کرکٹ ٹیم کے کھلاڑیوں نے میدان میں روزہ افطار کیا۔ کھلاڑیوں کو میچ کے 5 اوورز مکمل ہونے کے بعد افطار کے لیے وقفہ دیا گیا۔ اس کی ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ اسٹیڈیم میں مسلمان شائقین بھی اپنے گھروں سے لائی ہوئی کھانے پینے کی اشیا سے روزہ افطار کر رہے ہیں۔
pic.twitter.com/EVj4fLAyck
— urooj Jawed ???? (@cricketfan95989) March 21, 2025
واضح رہے کہ آج پاکستان اور نیوزی لینڈ کے مابین تیسرے ٹی 20 بین الاقوامی میچ میں نیوزی لینڈ نے پہلے کھیلتے ہوئے 204 رنز کیے ہیں۔ نیوزی لینڈ نے 19.5 اوورز میں کیا اور اس کے سارے کھلاڑی آؤٹ ہوگئے تھے۔
قبل ازیں آک لینڈ میں نیوزی لینڈ کے ساتھ تیسرے ٹی 20 بین الاقوامی میچ میں پاکستان نے ٹاس جیت کر نیوزی لینڈ کو بیٹنگ کی دعوت دی۔
پاکستانی ٹیم میں عباس آفریدی اور ابرار احمد شامل ہیں۔ جبکہ محمد علی اور جہانداد خان کو ڈراپ کیا گیا ہے۔
ٹیم کے دیگر کھلاڑیوں میں محمد حارث(وکٹ کیپر)، حسن نواز، سلمان علی آغا(کپتان)، شاداب خان، خوش دل شاہ، عبدالصمد، شاہین آفریدی، حارث رؤف اور عرفان نیازی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راولپنڈی: سانحہ 9 مئی کے 13 مقدمات کی سماعت 12 اپریل تک ملتوی