کراچی میں موٹرسائیکل کی ڈبل سواری پر دفعہ 144 کے تحت پابندی عائد
اشاعت کی تاریخ: 22nd, March 2025 GMT
کراچی:
کمشنر کراچی کی جانب سے جاری کردہ نوٹیفکیشن کے مطابق شہر میں موٹر سائیکل کی ڈبل سواری پر دو روز کے لیے پابندی عائد کر دی گئی ہے۔ اس پابندی کا اطلاق 22 مارچ تک رہے گا۔
نوٹیفکیشن کے مطابق یہ فیصلہ یوم علی کے جلوس کے موقع پر سیکیورٹی خدشات کے پیش نظر کیا گیا ہے۔ اس اقدام کا مقصد شہر میں امن و امان کی صورتحال کو یقینی بنانا اور کسی بھی ممکنہ ناخوشگوار واقعے سے بچاؤ ہے۔
پولیس اور دیگر قانون نافذ کرنے والے اداروں کو ہدایات جاری کر دی گئی ہیں کہ وہ اس حکم نامے پر سختی سے عملدرآمد کو یقینی بنائیں۔ خلاف ورزی کرنے والوں کے خلاف قانونی کارروائی کی جائے گی۔
حکومت نے شہریوں سے تعاون کی اپیل کی ہے اور عوام سے درخواست کی ہے کہ وہ قانون کی پاسداری کرتے ہوئے حکومتی فیصلے پر عمل کریں تاکہ امن و امان کو برقرار رکھا جا سکے۔
.ذریعہ: Express News
پڑھیں:
پی ٹی آئی کمیٹی برائے خارجہ امور کو تحلیل کردیا گیا
فوٹو: فائلپاکستان تحریک انصاف (پی ٹی آئی) کے کمیٹی برائے خارجہ امور کو تحلیل کردیا گیا ہے۔
اس سلسلے میں پی ٹی آئی سیکریٹریٹ کی جانب سے نوٹیفکیشن بھی جاری کردیا گیا ہے۔
نوٹیفکیشن کے مطابق چیئرمین پی ٹی آئی بیرسٹر گوہر نے خارجہ امور کمیٹی تحلیل کرنے کا نوٹیفکیشن جاری کیا۔
پی ٹی آئی خارجہ امور کمیٹی میں ذلفی بخاری، سجاد برکی، شہباز گل اور عاطف خان شامل تھے۔ کمیٹی 28 جنوری کو بنائی گئی تھی۔
راولپنڈی: سانحہ 9 مئی کے 13 مقدمات کی سماعت 12 اپریل تک ملتوی