اقوام متحدہ نے 2025ء کو گلیشیئر کا بین الاقوامی سال قرار دیدیا
اشاعت کی تاریخ: 21st, March 2025 GMT
اقوام متحدہ نے 2025ء کو "گلیشیئرز کے تحفظ کا بین الاقوامی سال” قرار دیتے ہوئے 21 مارچ کو 2025ء سے ہر سال گلیشیئرز کا عالمی دن منانے کا اعلان کیا ہے۔ اسلام ٹائمز۔ اقوام متحدہ نے 2025ء کو "گلیشیئرز کے تحفظ کا بین الاقوامی سال” قرار دیتے ہوئے 21 مارچ کو 2025ء سے ہر سال گلیشیئرز کا عالمی دن منانے کا اعلان کیا ہے۔ سرکاری خبر رساں ادارے اے پی پی کے مطابق جمعہ کو سپارکو کی جانب سے جاری بیان کے مطابق پاکستان میں ہندوکش قراقرم ہمالیہ خطہ گلیشیئرز کا ایک اہم ذخیرہ ہے، جسے قطبی خطوں کے بعد برف کے سب سے بڑے ذخیرے کی وجہ سے "تیسرا قطب” بھی کہا جاتا ہے۔ یہاں 6,500 سے زائد گلیشیئرز تقریباً 13,000 مربع کلومیٹر پر پھیلے ہوئے ہیں جو دریائے سندھ کے نظام کو برقرار رکھنے کے لیے انتہائی اہم ہیں۔ یہ نظام پاکستان میں زراعت، پینے کے پانی اور ہائیڈرو پاور جنریشن کی بنیاد ہے۔ موسمیاتی تبدیلیوں کے چیلنجز سے نمٹنے کے لیے پاکستان کی قومی خلائی ایجنسی سپارکو نے گلگت بلتستان میں گلیشیئر مانیٹرنگ اینڈ ریسرچ سنٹر قائم کیا ہے۔ یہ مرکز گلیشیئرز اور برف کے تیزی سے پگھلائو اور گلیشیئر جھیلوں کے اچانک بہاؤ (گلوف) جیسے مسائل پر تحقیق کر کے ملکی موسمیاتی مزاحمت کی کوششوں میں معاون ہے۔ اس کے علاوہ پاکستان کے گلیشیئرز کی پہلی ڈیجیٹل "انوینٹری” تیار کی گئی ہے جس میں تمام گلیشیئرز کے اہم پارامیٹرز درج ہیں۔
سپارکو جدید خلائی ٹیکنالوجیز کے ذریعے ملک بھر میں گلیشیئرز اور برف کے ذخائر میں تبدیلیوں اور موسمیاتی اثرات کا جائزہ لے رہی ہے۔ 1972ء کی سیٹلائیٹ تصاویر اور زمینی پیمائشوں (جیسے برف کے نمونوں کی نکاسی، گلیشیئر ماس بیلنس سٹڈیز، اور فیلڈ اسسمنٹس) کے تجزیے کے ذریعے گلیشیئرز کی حرکیات، آبی وسائل اور موسمیاتی موافقت کی حکمت عملیوں پر اہم ڈیٹا فراہم کیا جارہا ہے۔ اس کے علاوہ پاکستان بین الاقوامی "آئس میموری پراجیکٹ” میں بھی شریک ہے جس کا مقصد گلیشیئرز کے برف کے نمونوں کو مستقبل کی تحقیق کے لیے محفوظ کرنا ہے۔ موسمیاتی تبدیلیوں کی وجہ سے گلیشیئرز کے تیزی سے پگھلنے کے پیشِ نظر یہ منصوبہ سائنسی ڈیٹا کو انٹارکٹیکا میں محفوظ کرے گا تاکہ آنے والی نسلیں ماضی کے موسمیاتی پیٹرن اور ان کے طویل المدتی اثرات کا مطالعہ کر سکیں۔ بیان کے مطابق سپارکو گلیشیئرز پر موسمیاتی تبدیلیوں کے اثرات کو کم کرنے کے لیے آگاہی اور سائنسی ڈیٹا فراہم کرنے کے عزم کو جاری رکھے ہوئے ہے۔ پاکستان میں پانی کی قلت اور گلیشیئر سے جڑے خطرات بڑھنے کے ساتھ ہی خلائی مانیٹرنگ اور بین الاقوامی تعاون تحفظ کی موثر حکمت عملیوں کے لیے ناگزیر ہیں۔
ذریعہ: Islam Times
کلیدی لفظ: بین الاقوامی گلیشیئرز کے کے لیے برف کے
پڑھیں:
غزہ: دھماکہ میں یو این اوپس کا ایک اہلکار ہلاک اور پانچ زخمی
اسلام آباد (اُردو پوائنٹ ۔ UN اردو۔ 19 مارچ 2025ء) وسطی غزہ کے علاقے دیرالبلح میں اقوام متحدہ کی عمارت کے احاطے میں بم دھماکے سے عملے کا ایک رکن ہلاک اور پانچ زخمی ہو گئے ہیں۔
یہ دھماکہ امدادی و ترقیاتی منصوبوں پر عملدرآمد کے لیے اقوام متحدہ کے دفتر (یو این اوپس) کی عمارت میں صبح گیارہ بجے ہوا جس کی تفصیلات جمع کی جا رہی ہیں۔ تاہم ادارے کا کہنا ہے کہ یہ واقعہ اَن پھٹے گولہ بارود کو تلف کرنے کی کسی کارروائی کے دوران پیش نہیں آیا۔
اطلاعات کے مطابق، اسرائیل کی فوج نے دفتر کے احاطے میں کسی طرح کی کارروائی کرنے کی تردید کی ہے۔ Tweet URL'یو این اوپس' کے ایگزیکٹو ڈائریکٹر ہورہے موریرا ڈا سلوا نے برسلز میں پریس کانفرنس کرتے ہوئے بتایا ہے کہ اسرائیل کی فوج اس دفتر سے اچھی طرح آگاہ ہے اور باہمی رابطوں کے ذریعے اس جگہ کو حملوں سے تحفظ دینے کا اہتمام بھی کیا گیا ہے جہاں صرف اقوام متحدہ کے اہلکار کام کرتے ہیں۔
(جاری ہے)
غیر حادثاتی دھماکہڈائریکٹر جنرل کا کہنا ہے کہ یہ دھماکہ حادثاتی طور پر نہیں ہوا اور اس بارے میں مزید اطلاعات حاصل کی جا رہی ہیں۔ تاہم، اب تک یہ تصدیق ہو چکی ہے کہ یہ واقعہ دھماکہ خیز مواد کے پھٹنے سے ہوا جو ادارے کی عمارت پر گرایا یا داغا گیا تھا اور گرنے کے بعد اس کے احاطے میں پھٹ گیا۔ البتہ یہ واضح نہیں ہو سکا کہ آیا یہ دھماکہ فضا سے برسائے گئے کسی بم کا تھا یا توپ اور مارٹر کا گولہ تھا۔
انہوں ںے بتایا کہ اس واقعے سے پہلے بھی ادارے کا یہ دفتر حملوں کی زد میں آ چکا ہے۔ ایسے ایک واقعے میں بم عمارت کے قریب گرے لیکن خوش قسمتی سے کوئی نقصان نہیں ہوا
ان کا کہنا ہے کہ امدادی مقاصد کے لیے استعمال ہونے والی عمارتوں پر حملے بین الاقوامی قانون کی خلاف ورزی ہیں۔ تمام فریقین پر لازم ہے کہ وہ اقوام متحدہ کے اہلکاروں اور عمارتوں کو حملوں کا نشانہ نہ بنائیں کیونکہ ان سے انتہائی المناک اور تباہ کن حالات کا سامنا کرتے لوگوں کی زندگی کو تحفظ مہیا کیا جاتا ہے۔
چینی کی قیمت، پیداوار اور برآمدات