وفاقی وزرا اور وزرائے مملکت کی تنخواہوں میں اضافہ، کابینہ نے سمری کی منظوری دیدی
اشاعت کی تاریخ: 21st, March 2025 GMT
وفاقی کابینہ نے وفاقی وزرا اور وزرائے مملکت کی تنخواہوں میں اضافے کی سمری کی منظوری دے دی ہے، جس کے بعد وفاقی وزیر، وزیر مملکت اور مشیر کی تنخواہ 5 لاکھ 19 ہزار روپے ہوگئی ہے۔
میڈیا رپورٹس کے مطابق وزرا، وزرائے مملکت اور مشیروں کی تنخواہ میں 188 فیصد تک اضافہ ہوا ہے، اس سے قبل وفاقی وزر 2 لاکھ اور وزیر مملکت ایک لاکھ 80 ہزار روپے تنخواہ وصول کرتا تھا۔
یہ بھی پڑھیں سرکاری ملازمین کی تنخواہوں میں کمی اور وفاقی وزرا کی تعداد کم کرنے کی تجویز
نئے بل کے مطابق وفاقی وزیر کی تنخواہ میں 159 فیصد تک اضافہ ہوگیا ہے، جبکہ وزیر مملکت اور مشیر کی تنخواہوں میں 188 فیصد تک اضافے کی منظوری دی گئی ہے۔
میڈیا رپورٹس میں کہا گیا ہے کہ وفاقی کابینہ کی جانب سے سرکولیشن سمری کے ذریعے تنخواہوں میں اضافے کی منظوری دی گئی ہے۔
واضح رہے کہ 2 ماہ قبل اراکین پارلیمنٹ کی تنخواہ اور مراعات وفاقی سیکریٹری کے برابر کرنے کی منظوری فنانس کمیٹی نے متفقہ طور پر دی تھی۔
یہ بھی پڑھیں وفاقی کابینہ میں توسیع کی 3 وجوہات سامنے آگئیں
اپوزیشن جماعتوں نے میڈیا پر تنخواہوں میں اضافہ کی مخالفت کی تھی، تاہم اسپیکر قومی اسمبلی نے دعویٰ کیا تھا کہ پی ٹی آئی کے 67 اراکین نے تنخواہوں میں اضافے کا تحریری طور پر مطالبہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تنخواہوں میں اضافہ سمری منظور وزرائے مملکت وفاقی کابینہ وفاقی وزرا وی نیوز.ذریعہ: WE News
کلیدی لفظ: تنخواہوں میں اضافہ وزرائے مملکت وفاقی کابینہ وفاقی وزرا وی نیوز کی تنخواہوں میں وفاقی کابینہ وزرائے مملکت وفاقی وزرا کی منظوری کی تنخواہ
پڑھیں:
وی ایکسکلیوسو: پی ٹی آئی پر فوری پابندی کا کوئی پلان نہیں، ڈاکٹر طارق فضل چوہدری
مسلم لیگ ن کے رہنما ڈاکٹر طارق فضل چوہدری نے کہا ہے کہ اس وقت پی ٹی آئی پر پابندی عائد کرنے کا کوئی کا کوئی پلان نہیں ہے، وفاقی کابینہ میں اہلیت کی بنیاد پر وزرا کو شامل کیا جاتا ہے اور کارکردگی نہ دکھانے والوں کو کابینہ سے نکال دیا جاتا ہے۔ اس وقت کابینہ میں شامل وزرا تنخواہ نہیں لے رہے۔ احتجاج کرنا اپوزیشن کا حق ہے۔ اگر پی ٹی آئی عوام کو نقصان نہ پہنچائے، مسلح جتھوں کے ساتھ حملہ آور نہ ہو اور کفن پوشوں کو اپنے احتجاج میں شامل نہ کرے تو وہ بھی احتجاج کر سکتی ہے۔
وزراتیں بااعتماد لوگوں کو دی گئی ہیںوی ایکسکلوزیو میں گفتگو کرتے ہوئے وفاقی وزیر ڈاکٹر طارق فضل چوہدری نے کہا کہ کسی بھی شخصیت کو وفاقی کابینہ میں شامل کرنے کا فیصلہ اس کی اہلیت پر کیا جاتا ہے، جبکہ وفاقی کابینہ کا عہدہ برقرار رکھنے کا دار و مدار اس وزیر کی پرفارمنس پر ہوتا ہے، ایسا نہیں ہے کہ پارٹی میں موجود کسی بھی سینیئر شخص کو خوش کرنے کے لیے وفاقی کابینہ میں شامل کر لیا جائے۔ وزارتیں انہی لوگوں کو دی گئی ہیں کہ جن کے بارے میں وزیراعظم کو اعتماد ہے کہ وہ اس عہدے پر پرفارم کریں گے، جبکہ وزیراعظم نے پہلے ہی اپنے خطاب میں کہا ہے کہ ہر 3 ماہ کے بعد وزیروں کی کارکردگی کا جائزہ لیا جائے گا اور پھر ہر 3 ماہ بعد فیصلہ ہوگا کہ اس وزیر کو شاباش دینی ہے یا کابینہ سے نکال دینا ہے۔
پرویز خٹک کے تجربے سے ہمیں فائدہ ہوگاوفاقی وزیر ڈاکٹر طارق فضل چوہدری نے کہا کہ پرویز خٹک ایک سینیئر سیاستدان ہیں، سابقہ وزیر اعلیٰ رہے ہیں، ان کی عمران خان سے دوری ہو چکی ہے، ان کی الگ ایک سیاسی جماعت ہے اور ہمارے نئے اتحادی ہیں، ان کے تجربے سے ہمیں فائدہ ہو گا۔
ملک اس وقت ایک مشکل دور سے گزر رہا ہےمحسن نقوی کی کارکردگی کے حوالے سے گفتگو کرتے ہوئے ڈاکٹر طارق فضل چوہدری نے کہا کہ ایسا نہیں ہے کہ محسن نقوی کے وفاقی وزیر بننے کے بعد ملک میں دہشتگردی بڑی ہے یا خود کش حملوں کا اغاز ہو گیا ہے۔ ہمارا ملک اس وقت ایک مشکل دور سے گزر رہا ہے۔ گزشتہ 20 سالہ سے ہمارا ملک دہشتگردی کا شکار ہے، جس میں ہماری افواج، پولیس اور عوام اپنی جانوں کی قربانی دے رہے ہیں۔
ان کا کہنا تھا کہ محسن نقوی اچھا کام کر رہے ہیں، اسلام اباد کی طرف یلغار کرنے والوں سے محسن نقوی نے اچھے طریقے سے نمٹا ہے۔
وزرا تنخواہیں نہیں لے رہےڈاکٹر طارق فضل چوہدری نے کہا کہ اس وقت کابینہ میں شامل وزرا تنخواہیں نہیں لے رہے، مراعات بھی ویسی نہیں کہ جیسے پہلے کابینہ میں ہوتی تھیں، اگر وزرا کی پرفارمنس اچھی ہے اور تعداد آئین کے مطابق ہے تو اس میں کوئی بری بات نہیں کہ تعداد زیادہ ہے۔
نمبر گیم کو پورا کرنا مشکل ہوتا ہےوزیر برائے پارلیمانی امور ڈاکٹر طارق فضل چوہدری نے کہا کہ ایسا نہیں ہے کہ پارلیمنٹ میں قانون سازی کہیں اور سے کی جاتی ہے، ہمیں تو کبھی کسی نے نہیں کہا کہ یہ قانون سازی کی جائے، نمبر گیم کو پورا کرنا پاکستان میں مشکل ہوتا ہے، اس میں بہت ساری مشقت ہوتی ہے، ہمارے اتحادی ہمیں نمبر گیم پورا کرنے میں سپورٹ کرتے ہیں۔
احتجاج میں مسلح جتے نہیں ہونے چاہییںڈاکٹر طارق فضل چوہدری نے اپوزیشن کے احتجاج کے حوالے سے کہا کہ احتجاج کرنا اپوزیشن کا حق ہے، لیکن احتجاج ایسا ہونا چاہیے کہ جس سے کسی دوسرے کو نقصان نہ پہنچے، احتجاج میں مسلح جتے نہیں ہونے چاہییں، اس میں کفن پوش افراد نہیں ہونے چاہیے، پاکستان تحریک انصاف احتجاج کے نام پر یہ سب کچھ کرتی ہے، اگر یہ سب کچھ چھوڑ کر احتجاج کریں تو اس پر کسی کو کوئی اعتراض نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلال عباسی پرویز خٹک پی ٹی آئی دہشتگردی وفاقی کابینہ
نون لیگ اور پی پی کے رابطے بحال، ہفتے کو کوآرڈینیشن کمیٹی کا اجلاس طلب