پنجاب کی دیہاتی خواتین کے لیے آن لائن ڈیجیٹل اینڈ آئی ٹی پروگرام، اپلائی کیسے کریں؟
اشاعت کی تاریخ: 21st, March 2025 GMT
لاہور(نیوز ڈیسک) وزیراعلیٰ پنجاب مریم نواز شریف کے ویژن کے تحت دیہی خواتین کے لیے ڈیجیٹل فیوچر کے دروازے کھول دیے گئے۔ پنجاب میں پہلی بار “چیف منسٹر مریم نواز آئی ٹی ٹریننگ اور ڈیجیٹل اسکلز پروگرام” کا آغاز کر دیا گیا، جس کے تحت صوبے بھر کی 27 ہزار دیہی خواتین کو جدید ڈیجیٹل اور آئی ٹی ٹریننگ دی جائے گی۔
یہ پروگرام پنجاب اسکلز ڈویلپمنٹ ڈیپارٹمنٹ کے تحت 6 ماہ کی آن لائن ٹریننگ پر مشتمل ہوگا، جس میں خواتین کو ویب ڈویلپمنٹ، کوڈنگ، ڈیجیٹل مارکیٹنگ، ای کامرس، سوشل میڈیا مینجمنٹ، گرافک ڈیزائن، ملٹی میڈیا، فری لانسنگ، ریموٹ ورک، ڈیٹا انٹری، آفس آٹومیشن اور سائبر سیکیورٹی کی مہارتیں سکھائی جائیں گی۔
ٹریننگ مکمل کرنے والی خواتین کو اسکالر شپ، ڈیسک ٹاپ کمپیوٹر اور فری وائی فائی ڈیوائس فراہم کی جائے گی۔ مزید برآں، پنجاب اسکلز ڈویلپمنٹ ڈیپارٹمنٹ انہیں سرٹیفکیٹ اور جاب لنک بھی دے گا تاکہ وہ روزگار کے مواقع حاصل کر سکیں۔
دیہی خواتین گھر بیٹھے فری لانسنگ اور آن لائن بزنس کر سکیں گی، اپنے گھروں کو مائیکرو انٹرپرائز میں تبدیل کر کے معاشی طور پر خود مختار بن سکیں گی۔ پروگرام میں شمولیت کے لیے خواتین PSDF کی ویب سائٹ (psdf.
وزیراعلیٰ مریم نواز کا کہنا ہے کہ یہ ٹریننگ خواتین کو باوقار روزگار فراہم کرے گی، صنفی مساوات کو فروغ دے گی اور پنجاب میں ڈیجیٹل انقلاب کی بنیاد رکھے گی۔ انہوں نے کہا کہ 27 ہزار دیہی خواتین آئی ٹی کے میدان میں عالمی مارکیٹ سے مقابلہ کرنے کے قابل ہوں گی۔
یہ اقدام دیہی خواتین کو بااختیار بنانے، معاشی ترقی میں شمولیت، اور جدید ٹیکنالوجی تک رسائی کو ممکن بنانے کی جانب ایک انقلابی قدم ثابت ہوگا۔
مزیدپڑھیں:سرکاری ملازمین کو عیدالفطر کی 9 چھٹیاں ہونگی، اعلان کردیا گیا
ذریعہ: Daily Ausaf
کلیدی لفظ: دیہی خواتین خواتین کو آن لائن آئی ٹی
پڑھیں:
نادرا کا بڑا اقدام ،پاکستان کا پہلا ڈی میٹریلائزڈ شناختی کارڈ متعارف
اسلام آباد(نیوزڈیسک)نیشنل ڈیٹا بیس (نادرا) نے حال ہی میں اپنی پہلی ‘ڈی میٹریلائزڈ ڈیجیٹل شناختی کارڈ’ متعارف کرادیا ہے، جو شہریوں کو اپنے شناختی کارڈز کو اسمارٹ فونز پر محفوظ کرنے کی سہولت فراہم کرتا ہے۔ اس اقدام کا مقصد قومی شناختی نظام میں جدت لانا اور شہریوں کے لیے حکومتی خدمات تک رسائی کو آسان بنانا ہے۔
وفاقی وزیر داخلہ اور انسداد منشیات محسن رضا نقوی نے ڈی میٹریلائزڈ آئی ڈی کے اجراء کو ڈیجیٹل شناخت کی جانب ایک قدم کے طور پر سراہا۔پاک آئی ڈی موبائل ایپلیکیشن میں اس فیچر کے آغاز سے شہریوں کو اب شناختی کارڈ کی سافٹ کاپی رکھنے کی ضرورت نہیں رہے گی۔
ڈیجیٹل شناختی کارڈ ڈاؤن لوڈ کریں۔
نادرا نے اس نئے فیچر کو پاک آئی ڈی موبائل ایپ میں ضم کر دیا ہے۔ یہ شہریوں کو اپنے شناختی کارڈز کو اپنے اسمارٹ فونز میں محفوظ کرنے کے قابل بناتا ہے۔CNIC کی سافٹ کاپی ڈاؤن لوڈ کرنے کے لیے، آپ کو اپنے اسمارٹ فونز پر پاک آئی ڈی ایپ ڈاؤن لوڈ کرنی ہوگی اور متعلقہ مینو کو منتخب کرنا ہوگا۔
ڈیجیٹل شناختی کارڈ کی خصوصیات:
اسمارٹ فون انضمام: نئے ڈیجیٹل شناختی کارڈ کو ‘پاک آئی ڈی’ موبائل ایپ میں ضم کیا جائے گا، جس سے شہری اپنے شناختی کارڈز کو اپنے اسمارٹ فونز پر محفوظ کر سکیں گے۔
ڈیجیٹل تصدیقی نظام: ایک ڈیجیٹل تصدیقی نظام بھی متعارف کرایا جائے گا، جو مختلف خدمات کے لیے محفوظ اور فوری تصدیق کو ممکن بنائے گا۔ یہ نظام ورلڈ بینک کے تعاون سے جاری ‘ڈیجیٹل اکانومی پروجیکٹ’ کے تحت نافذ کیا جائے گا، جس کا پائلٹ مرحلہ 14 اگست 2025 کو شروع ہونے کی توقع ہے۔
‘پاک آئی ڈی’ موبائل ایپ کا استعمال:
‘پاک آئی ڈی’ موبائل ایپ کے ذریعے شہری درج ذیل خدمات سے مستفید ہو سکتے ہیں:
شناختی کارڈ کی درخواست اور تجدید: نئے شناختی کارڈ کی درخواست یا موجودہ کارڈ کی تجدید آن لائن کی جا سکتی ہے۔
ڈیجیٹل شناختی کارڈ کی وصولی: ڈیجیٹل شناختی کارڈ کو ایپ میں محفوظ کیا جا سکتا ہے، جس سے فزیکل کارڈ کی ضرورت کم ہو جائے گی۔
تصدیقی خدمات: مختلف سرکاری اور نجی خدمات کے لیے فوری اور محفوظ تصدیق ممکن ہو گی۔
‘پاک آئی ڈی’ موبائل ایپ کا استعمال کیسے کریں:
1. ایپ ڈاؤن لوڈ کریں: اپنے اسمارٹ فون کے متعلقہ ایپ اسٹور (گوگل پلے اسٹور یا ایپل ایپ اسٹور) سے ‘پاک آئی ڈی’ موبائل ایپ ڈاؤن لوڈ کریں۔
2. رجسٹریشن کریں: ایپ انسٹال کرنے کے بعد، اپنی ذاتی معلومات فراہم کر کے رجسٹر کریں۔
3. شناختی کارڈ کی تفصیلات درج کریں: اپنے موجودہ شناختی کارڈ کی تفصیلات ایپ میں درج کریں تاکہ آپ کا ڈیجیٹل شناختی کارڈ جاری کیا جا سکے۔
4. ڈیجیٹل کارڈ محفوظ کریں: تصدیق کے بعد، آپ کا ڈیجیٹل شناختی کارڈ ایپ میں محفوظ ہو جائے گا، جسے آپ مختلف خدمات کے لیے استعمال کر سکتے ہیں۔
اس نئے نظام کے ذریعے، پاکستان ڈیجیٹل شناختی نظام میں ایک اہم قدم اٹھا رہا ہے، جو شہریوں کے لیے حکومتی خدمات تک رسائی کو مزید آسان اور محفوظ بنائے گا۔
سابق آسٹریلوی سٹار کرکٹر ڈیوڈ وارنر کا سیاست میں آنے کا اعلان
فرانس کا معروف ایفل ٹاور حجاب اور برقع میں؛ حقیقت کیا ہے ؟