عیدالفطر کا چاند دیکھنے کیلئے مرکزی رویت ہلال کمیٹی کا اجلاس طلب
اشاعت کی تاریخ: 21st, March 2025 GMT
عیدالفطر کا چاند دیکھنے کیلئے مرکزی رویت ہلال کمیٹی کا اجلاس طلب WhatsAppFacebookTwitter 0 21 March, 2025 سب نیوز
اسلام آباد (سب نیوز)عید الفطر کا چاند دیکھنے کے لیے مرکزی رویت ہلال کمیٹی کا اجلاس اتوار 30 مارچ کو طلب کرلیا گیا۔
تفصیلات کے مطابق عید الفطر کا چاند دیکھنے کے لیے مرکزی رویت ہلال کمیٹی کا اجلاس اتوار 30 مارچ کو طلب کرلیا گیا، جو شوال 1446 کے چاند کی شہادتیں جمع کرے گا۔مرکزی رویت ہلال کمیٹی کا اجلاس وزارت مذہبی امور اسلام آباد میں ہوگا، جس کی صدارت چیئرمین رویت ہلال کمیٹی مولانا عبدالخبیر آزاد کریں گے۔رپورٹ کے مطابق رویت ہلال کمیٹی کی زونل کمیٹیوں کے اجلاس مقررہ مقامات پر ہوں گے۔
.ذریعہ: Daily Sub News
کلیدی لفظ: مرکزی رویت ہلال کمیٹی کا اجلاس کا چاند دیکھنے
پڑھیں:
ملک میں شوال کا چاند نظر آنے سے متعلق ایک اور پیش گوئی
لاہور:رمضان المبارک کے اختتام اور عید الفطر کی تاریخ کے تعین کے حوالے سے پاکستان میں نئی پیش گوئی سامنے آ گئی ہے۔
نجی ٹی وی کی رپورٹ کے مطابق غیر سرکاری رویتِ ہلال ریسرچ کونسل کے سیکرٹری جنرل خالد اعجاز مفتی نے فلکیاتی اور سائنسی شواہد کی بنیاد پر بتایا ہے کہ پاکستان میں شوال کا چاند 30 مارچ کو نظر آنے کا قوی امکان ہے، جس کے بعد عید الفطر 31 مارچ کو منائی جا سکتی ہے۔
خالد اعجاز مفتی کے مطابق شوال کا نیا چاند 29 مارچ کو پاکستان کے معیاری وقت کے مطابق سہ پہر 3 بج کر 58 منٹ پر پیدا ہوگا۔ چاند کی رویت کے لیے فلکیاتی اصولوں کے تحت چند بنیادی شرائط ہوتی ہیں، جن میں چاند کی عمر کم از کم 18 گھنٹے ہونا اور غروب آفتاب اور غروب قمر کے درمیان کم از کم 40 منٹ کا فرق ہونا شامل ہے۔
انہوں نے بتایا کہ 30 مارچ کی شام یعنی 29 رمضان المبارک کے غروب آفتاب کے وقت چاند کی عمر پاکستان کے تمام علاقوں میں 26 گھنٹے سے زائد ہوگی۔ اس کے علاوہ غروب آفتاب اور غروب قمر کے درمیان فرق مختلف شہروں میں درج ذیل ہوگا:
کراچی: 69 منٹ
جیوانی: 71 منٹ
کوئٹہ اور لاہور: 74 منٹ
اسلام آباد: 76 منٹ
پشاور اور مظفرآباد: 77 منٹ
گلگت: 78 منٹ
چونکہ یہ فرق 40 منٹ کی کم از کم حد سے کہیں زیادہ ہے، اس لیے اگر موسم صاف رہا تو 30 مارچ کی شام چاند با آسانی نظر آ سکے گا اور 31 مارچ کو عید الفطر منائی جا سکتی ہے۔
انہوں نے وضاحت میں بتایا کہ بعض اوقات جب چاند تاخیر سے نظر آتا ہے تو اگلی شام اس کی موٹائی زیادہ محسوس ہوتی ہے، جس پر لوگ سوشل میڈیا پر یہ سوال اٹھاتے ہیں کہ کہیں علمائے کرام نے ایک روزہ تو نہیں کھا لیا؟
خالد اعجاز مفتی نے وضاحت کی کہ اگر چاند 29 مارچ کی شام کو نظر آتا تو اس کی عمر صرف ایک گھنٹہ اور چند منٹ ہوتی جو انسانی آنکھ سے نظر آنا ممکن نہیں،لیکن جب چاند کی رویت ایک دن بعد ہوتی ہے تو اس کی عمر 51 گھنٹے تک پہنچ جاتی ہے، جس کے باعث وہ زیادہ روشن اور موٹا دکھائی دیتا ہے۔ یہی وجہ ہے کہ بعض افراد کو شبہ ہوتا ہے کہ چاند 2 دن کا نظر آ رہا ہے۔
سائنسی بنیادوں پر چاند کے نظر آنے اور فلکیاتی شواہد کے واضح ہونے کے باوجود ہر سال رویتِ ہلال پر تنازعات جنم لیتے ہیں۔ خالد اعجاز مفتی نے بتایا کہ اسلامی مہینوں میں تقریباً 10 مہینے ایسے ہوتے ہیں جب دنیا بھر میں ایک ہی دن چاند نظر آتا ہے لیکن رمضان اور شوال کے مہینوں میں یہ فرق زیادہ نمایاں ہوتا ہے۔
انہوں نے مزید کہا کہ سعودی عرب کا طریقہ کار دیگر ممالک سے مختلف ہے۔ سعودی رویتِ ہلال کمیٹی چاند کی پیدائش کے بعد چاہے وہ غروب آفتاب کے ایک منٹ بعد ہی غروب ہو جائے اسے نظر آ جانے کا اعلان کر دیتی ہے۔ یہی وجہ ہے کہ سعودی عرب کی پیروی کرنے والے ممالک، جیسے افغانستان اور بعض پاکستانی علاقوں میں بھی قبل از وقت چاند نظر آنے کے دعوے کیے جاتے ہیں۔
خالد اعجاز مفتی نے واضح کیا کہ شریعت کے مطابق روزہ اور عید چاند دیکھ کر ہی رکھنے اور منانے چاہییں۔ انہوں نے کہا کہ یہ ممکن نہیں کہ چاند پشاور میں نظر آجائے لیکن کراچی، کوئٹہ اور لاہور میں نہ آئے کیونکہ ان شہروں میں مطلع عام طور پر زیادہ صاف ہوتا ہے۔
اگرچہ 30 مارچ کی شام پاکستان میں شوال کا چاند نظر آنے کے امکانات انتہائی قوی ہیں لیکن حتمی اعلان مرکزی رویتِ ہلال کمیٹی کرے گی۔ پورے ملک میں عید الفطر کا فیصلہ اسی کمیٹی کے اعلان کے مطابق کیا جائے گا۔
خالد اعجاز مفتی نے عوام سے درخواست کی کہ وہ مرکزی رویتِ ہلال کمیٹی کے فیصلے کا انتظار کریں اور اس کے مطابق ہی عید منائیں۔ انہوں نے کہا کہ فلکیاتی اور سائنسی شواہد کی روشنی میں 30 مارچ کی شام پاکستان میں چاند نظر آ سکتا ہے، جس کے بعد 31 مارچ کو عید الفطر ہونے کا قوی امکان ہے۔
جعفرایکسپریس حملےکے دوران بھی پی ٹی آئی نےسیاست کی، طلال چودھری