فلسطین میں اسرائیلی بربریت کیخلاف جماعت اسلامی نے ملک بھر میں احتجاجی ریلیاں نکالیں
اشاعت کی تاریخ: 21st, March 2025 GMT
اسلام آباد:فلسطینیوں سے اظہار یکجہتی اور اسرائیلی بربریت کے خلاف امیر جماعت اسلامی حافظ نعیم الرحمان کی کال پر ملک بھر میں احتجاجی ریلیاں نکالی گئیں، مظاہرین نے ہاتھ میں بینرز اور پلے کارڈز اٹھا کر شدید نعرے بازی کی۔
فلسطین میں امریکا اور اسرائیلی بربریت کے خلاف جماعت اسلامی کی جانب سے نماز جمعہ کے بعد ملک کے مختلف شہروں میں احتجاجی مظاہرے منعقد ہوئے جس میں شہریوں کی کثیر تعداد نے شریک ہوکر اپنا پر امن احتجاج ریکارڈ کرایا۔
لاہور میں جماعت اسلامی کے تحت مسجد شہدا سے امریکی سفارت خانے تک مارچ کیا گیا جس میں ہزاروں افراد نے شریک ہوکر امریکا اور اسرائیلی دہشت گردی کی پر زور مذمت کی۔
اس موقع پر سفارت خانے کے باہر کسی بھی ناخوشگوار واقعے سے نمٹنے کیلئے پولیس کی بھاری نفری بھی موجود تھی۔
اس کے علاوہ پنجاب کے شہر وہاڑی اور صادق آباد میں بھی فلسطینی سے یکجہتی کے لیے ریلی نکال کر احتجاجی مظاہرہ کیا گیا، مظاہرین نے حکومت سے اسرائیلی کے خلاف جہاد کا مطالبہ کیا۔
صادق آباد میں فلسطینوں سے اظہار یکجہتی کے لیے جماعت اسلامی نے پریس کلب کے سامنے احتجاج کیا، مظاہرہن نے ہاتھوں میں بینر اٹھارکھے جن پر نعرے درج تھے، احتجاجی مظاہرین کی جانب سے فلسطین کے حق میں نعرے بازی کی گئی۔
سندھ کے شہر میرپورخاص اور ٹھٹھہ میں فلسطینیوں کے حق میں ریلی نکال کر احتجاجی مظاہرہ کیا گیا، شرکا نے ہاتھوں میں بینرز اٹھا رکھے تھے، نماز جمعہ کے بعد مسجد کے باہر خصوصی دعائیں بھی کی گئیں جبکہ جماعت اسلامی لوئر دیر کی جانب سے بھی تیمرگرہ شہر میں ریلی نکالی گئی۔
امیر جماعت اسلامی حافظ نعیم الرحمان کا فلسطین مارچ سے خطاب
امیر جماعت اسلامی حافظ نعیم الرحمان نے لاہور میں امریکی سفارت خانہ کے باہر فلسطین مارچ کے شرکا سے خطاب کرتے ہوئے کہا کہ پاکستانی قوم اسرائیلی دہشت گردی کے خلاف سراپا احتجاج ہے، گزشتہ 2 دن سے جاری اسرائیلی دہشت گردی انسانیت کے لیے شرم کا مقام ہے۔
حافظ نعیم الرحمان نے کہا کہ غزہ کے بہادر لوگ اپنے حقوق کے لیے ڈٹ کر کھڑے ہیں جبکہ فلسطینیوں کی نسل کشی میں امریکا براہ راست ملوث ہے۔ انہوں نے الزام عائد کیا کہ سابق امریکی صدر ڈونلڈ ٹرمپ نے غزہ کو خالی کرانے کے لیے دہشت گردی کروائی۔
50 ہزار سے زائد شہادتیں، غزہ ملبے کا ڈھیر
امیر جماعت اسلامی نے افسوس کا اظہار کرتے ہوئے کہا کہ اب تک 50 ہزار سے زائد فلسطینی شہید ہو چکے ہیں اور 90 فیصد غزہ مکمل طور پر ملبے کا ڈھیر بن چکا ہے۔
انہوں نے عالمی برادری کو یاد دلایا کہ انسانی حقوق کی بات کرنے والی دنیا اسرائیلی بربریت پر خاموش کیوں ہے؟
حافظ نعیم الرحمان نے مزید کہا کہ اس دنیا کے سب سے بڑے دہشت گرد اسرائیل اور امریکا ہیں، جو فلسطینیوں پر ظلم کے پہاڑ توڑ رہے ہیں، جنگ بندی معاہدے کے باوجود اشیائے خوردونوش اور پانی کی فراہمی کو روکا جا رہا ہے، جو انسانی حقوق کی بدترین خلاف ورزی ہے۔
مسلم دنیا کی خاموشی پر سوالات
امیر جماعت اسلامی نے مسلم حکمرانوں پر شدید تنقید کرتے ہوئے کہا کہ مسلم دنیا کے پاس 88 لاکھ فوج اور 70 فیصد معدنی وسائل موجود ہیں مگر وہ اسرائیل کو روکنے میں ناکام کیوں ہیں؟ کیا مسلم دنیا کے پاس ٹینک یا میزائل ختم ہو گئے ہیں؟
انہوں نے کہا کہ فلسطینی خواتین پوری امت سے فریاد کر رہی ہیں مگر حکمران خوابِ خرگوش کے مزے لے رہے ہیں، اگر حکمران فلسطینیوں کے حق میں کھڑے نہ ہوئے تو جماعت اسلامی اگلا احتجاج سفارت خانے کے اندر کرے گی۔
پاکستان کا کردار اور حکومتی رویہ
حافظ نعیم الرحمان نے وزیراعظم شہباز شریف کے سعودی عرب کے دورے کا ذکر کرتے ہوئے کہا کہ پاکستانی اور سعودی قیادت کو اسرائیلی دہشت گردی کے خلاف مشترکہ اعلامیہ جاری کرنا چاہیئے۔
انہوں نے کہا کہ دنیا جانتی ہے کہ پاکستان ایک نیوکلئیر طاقت ہے مگر فلسطین کے حق میں واضح پیغام کیوں نہیں دیا جا رہا، جب پاکستان نے ایٹمی دھماکے کیے تھے تو پورے عالم اسلام میں خوشی کی لہر دوڑ گئی تھی مگر آج یہی مسلم نیوکلئیر طاقت فلسطین کے لیے خاموش کیوں ہے؟
امریکا کی غلامی اور اپوزیشن کی خاموشی
امیر جماعت اسلامی نے کہا کہ پاکستانی حکمران اپنی مدت اقتدار کے لیے امریکہ کی طرف دیکھتے ہیں، اگر امریکہ انہیں اشارہ دے تو یہ جمہوریت بھی الٹ دیتے ہیں۔ انہوں نے الزام عائد کیا کہ امت مسلمہ پر زمین تنگ ہو چکی ہے، مگر نہ حکمران اور نہ ہی اپوزیشن اس ظلم کے خلاف کوئی اقدام اٹھا رہی ہے۔
حافظ نعیم الرحمان نے مزید کہا کہ اپوزیشن جماعتوں کو بھی اسرائیل اور امریکہ کی مذمت کرنی چاہیے، عوام بے وقوف نہیں ہیں اور ہر وہ شخص امریکہ سے نفرت کرتا ہے جو فلسطین پر حملہ آور ہے۔
انہوں نے ن لیگ اور پیپلز پارٹی سے بھی مطالبہ کیا کہ وہ واضح طور پر فلسطینی عوام کے حق میں آواز بلند کریں۔
Post Views: 1.ذریعہ: Daily Mumtaz
کلیدی لفظ: حافظ نعیم الرحمان نے اسرائیلی دہشت گردی امیر جماعت اسلامی کرتے ہوئے کہا کہ اسرائیلی بربریت جماعت اسلامی نے نے کہا کہ کے حق میں انہوں نے کے خلاف کے لیے
پڑھیں:
حافظ نعیم الرحمن کی سیاست کی بنیاد ہی الزامات اور جھوٹ پر مبنی ہے، گہنور خان اسران
اپنے بیان میں ترجمان سندھ حکومت نے کہا کہ پیپلز پارٹی عوامی خدمت پر یقین رکھتی ہے، الزامات کی سیاست پر نہیں، کراچی کے عوام کی خدمت ہمارا مشن ہے اور رہے گا، جماعت اسلامی کو کبھی عوام کے ووٹ سے کراچی کی میئر شپ نہیں ملی۔ اسلام ٹائمز۔ ترجمان سندھ حکومت گہنور خان اسران نے امیر جماعت اسلامی پاکستان حافظ نعیم الرحمن کے بیان پر ردعمل دیتے ہوئے کہا ہے کہ حافظ نعیم الرحمن کی سیاست کی بنیاد ہی الزامات اور جھوٹ پر مبنی ہے، پیپلز پارٹی عملی خدمت پر یقین رکھتی ہے۔ اپنے بیان میں گہنور خان اسران نے کہا کہ پیپلز پارٹی پر بے بنیاد الزامات لگانے والے حافظ نعیم الرحمن ہمارے ترقیاتی منصوبوں پر اپنے بینرز اور تختیاں لگا کر کریڈٹ لینے کی کوشش کرتے ہیں، حکومت کراچی میں 17 سال سے پیپلز پارٹی کی حکومت کا دعوی جھوٹا ہے، ماضی میں بلدیاتی حکومت ایم کیو ایم اور قومی اسمبلی میں اکثریت پی ٹی آئی کے پاس رہی، کچھ عرصہ کے اندر پیپلز پارٹی نے کراچی میں اربوں روپے کے ترقیاتی منصوبے مکمل کیے، مگر کچھ جماعتیں صرف جھوٹ اور پراپیگنڈے پر سیاست کر رہی ہیں۔
ترجمان سندھ نے کہا کہ حکومت کراچی کے لوگ ترقی اور خدمت کی سیاست چاہتے ہیں، جماعت اسلامی اب ہمارا رستہ نہیں روک سکتی، فارم 45 تو بہانہ ہے، عوام نے بڑی ہی بے رحمی سے جماعت اسلامی کو انتخابات میں مسترد کردیا تھا۔ ترجمان سندھ نے کہا کہ حکومت جماعت اسلامی کو قومی اسمبلی کے حلقے میں صرف 239 ووٹ ملے لیکن کچھ عناصر انہیں زبردستی میئر بنانے کے لیے بے چین رہے۔ گہنور خان اسران نے کہا کہ بلاول ہاؤس اور وزیر اعلی ہاؤس پر کرپشن کے الزامات لگانے والے پہلے اپنا ماضی دیکھیں، کراچی کو یرغمال بنانے والے ہمیں طعنے نہ دیں، کراچی کے عوام سب جانتے ہیں اور جھوٹے دعوے کرنے والوں کو ان کے انجام تک پہنچائیں گے۔
مسنگ پرسنز کو دہشت گرد واقعات میں بہانے کے طور پر استعمال کیا جاتا ہے، طلال چوہدری