یوم شہادت امام علیؑ کے جلوسوں کے حفاظتی انتظامات کو یقینی بنایا جائے، علامہ باقر زیدی
اشاعت کی تاریخ: 21st, March 2025 GMT
پریس کانفرنس سے خطاب میں ایم ڈبلیو ایم رہنما نے کہا کہ دنیا بھر میں یوم القدس ہر سال منایا جاتا ہے، یوم القدس کا مقصد فلسطینیوں کی حمایت اور اس بات کی تائید ہے کہ فلسطین فلسطینیوں کا ہے، جو ممالک اسرائیل کے حق میں ہے وہاں پر بھی یوم القدس منایا جاتا ہے، یوم القدس کو حکومتی سطح پر منانے کا مطالبہ کرتے ہیں۔ اسلام ٹائمز۔ مجلس وحدت مسلمین صوبہ سندھ کے صدر علامہ باقر عباس زیدی کا کہنا تھا کہ یوم علیؑ منانے کا مقصد مظلوم کی یاد منانا ہے، دنیا بھر میں امام علی علیہ السلام کی شہادت کے ایام شروع ہوگئے ہیں اور اس حوالے عزاداری سلسلہ جاری ہے اور 21 رمضان المبارک دنیا بھر کی طرح ملک میں بھر کے چھوٹے بڑے شہروں میں مجالس عزاء و جلوس نکالے جائیں گے، اس حوالے سے حکومت و سیکورٹی اداروں سے سخت سکیورٹی کی اپیل کرتے ہیں۔ ان خیالات کا اظہار انہوں نے وحدت ہاؤس صوبائی دفتر میں منعقدہ پریس کانفرنس سے خطاب میں کیا۔ انہوں نے کہا کہ یوم علیؑ کو ایک دن کے شہر میں بہت سارے مسائل ہے کم از کم شہری حکومت کو چاہیئے کہ شہر کے مختلف اضلاع میں جلوس کے روٹس پر سیوریج کے نظام کو بہتر بنائے۔ ان کا کہنا تھا کہ فلسطین میں ظلم و بربریت جاری ہے، جنگ بندی کے بعد 400 سے زائد شہری شہید ہوچکے ہیں، غزہ دوبارہ حالت جنگ میں ہے اور جنگ بندی کا معاہدہ اسرائیل کی طرف سے توڑا گیا اور جنگ شروع کی۔
انہوں نے کہا کہ دنیا بھر میں یوم القدس ہر سال منایا جاتا ہے، یوم القدس کا مقصد فلسطینیوں کی حمایت اور اس بات کی تائید ہے کہ فلسطین فلسطینیوں کا ہے، جو ممالک اسرائیل کے حق میں ہے وہاں پر بھی یوم القدس منایا جاتا ہے، یوم القدس کو حکومتی سطح پر منانے کا مطالبہ کرتے ہیں۔ کانفرنس سے کراچی ڈویژن کے صدر علامہ صادق جعفری کا کہنا تھا کہ پاکستان میں علماء سمیت شہریوں کو ٹارگٹ کیا جا رہا ہے لہذا دوبارہ تاکید کی جارہی ہے کہ سیکیورٹی یقینی بنائیں، پاراچنار میں مسئلہ جوں کا توں ہے وہاں کے مسائل ختم ہونا چاہیئے، اگر کوئی حکومتی رٹ کو چیلنج کررہا ہے تو حکومت کو کارروائی کرنی چاہیئے، امید ہے ان تمام مسائل کو حل کریں گے۔ انہوں نے کہا سندھ میں یوم علی علیہ السلام سے قبل سیکیورٹی کے خدشات موجود ہیں، پولیس اور سیکیورٹی ادارے علماء کی سیکیورٹی کا خاص انتظام کریں، حکومت کی جانب سے علماء و شخصیات کی سیکیورٹی واپس لینا قابل مذمت ہے۔
ذریعہ: Islam Times
کلیدی لفظ: یوم القدس انہوں نے دنیا بھر نے کہا
پڑھیں:
ایڈیشنل آئی جی کراچی کا یومِ علیؑ کے مرکزی جلوس کے سیکیورٹی انتظامات کا تفصیلی جائزہ
ایڈیشنل آئی جی جاوید عالم اوڈھو نے جلوس کے مرکزی روٹ اور حساس مقامات کا دورہ کرکے سیکیورٹی انتظامات کا معائنہ کیا۔ انہوں نے جلوس کے حوالے سے متعلقہ انتظامیہ سے ملاقات کرکے سیکیورٹی اقدامات اور باہمی تعاون پر تبادلہ خیال کیا۔ متعلقہ فائیلیںاسلام ٹائمز۔ ایڈیشنل آئی جی کراچی جاوید عالم اوڈھو نے یومِ علیؑ کے مرکزی جلوس کے سیکیورٹی انتظامات کا تفصیلی جائزہ لیا۔ اس موقع پر ڈی آئی جی ایسٹ، ڈی آئی جی ساؤتھ، ضلعی ایس ایس پیز اور دیگر اعلیٰ پولیس افسران بھی موجود تھے۔ پولیس حکام نے ایڈیشنل آئی جی کو جلوس کے داخلی و خارجی راستوں کی سیکیورٹی، حساس مقامات پر پولیس تعیناتی، اسنائپرز کی پوزیشننگ، اور سی سی ٹی وی مانیٹرنگ سے متعلق تفصیلی بریفنگ دی۔ ایڈیشنل آئی جی نے جلوس کے مرکزی روٹ اور حساس مقامات کا دورہ کرکے سیکیورٹی انتظامات کا معائنہ کیا۔
انہوں نے جلوس کے حوالے سے متعلقہ انتظامیہ سے ملاقات کرکے سیکیورٹی اقدامات اور باہمی تعاون پر تبادلہ خیال کیا۔ بعد ازاں انہوں نے نشتر پارک میں قائم جعفریہ الائنس پاکستان کے مانیٹرنگ روم اور جلوس کے راستوں پر نصب سی سی ٹی وی کیمروں کی مدد سے جاری نگرانی کا جائزہ لیا۔ اس دوران، انہوں نے کنٹرول روم کے نگرانی کے نظام کو مزید مستحکم بنانے پر زور دیا۔ ایڈیشنل آئی جی نے متعلقہ پولیس افسران کو ہدایت کی کہ جلوس کی سیکیورٹی کو فول پروف بنایا جائے اور شہریوں کے جان و مال کے تحفظ کو یقینی بنانے کے لیے ہر ممکن اقدام اٹھایا جائے۔
مسنگ پرسنز کو دہشت گرد واقعات میں بہانے کے طور پر استعمال کیا جاتا ہے، طلال چوہدری