یوٹیلٹی سٹو رز کے آڈٹ کے بعد کنٹریکٹ اور ڈیلی ویجز ملازمین کو فارغ کر دیاجائیگا، ایم ڈی
اشاعت کی تاریخ: 21st, March 2025 GMT
اسلام آباد(اردوپوائنٹ اخبار تازہ ترین۔21 مارچ 2025)ایم ڈی یوٹیلٹی سٹورز کارپوریشن کا کہنا ہے کہ آڈٹ کے بعد کنٹریکٹ اور ڈیلی ویجز ملازمین کو فارغ کر دیاجائیگا ، آڈٹ نہ ہونے کے سبب یوٹیلیٹی سٹورز کی نجکاری رک گئی، سینیٹر عون عباس کی زیر صدارت سینیٹ کی قائمہ کمیٹی برائے صنعت و پیداوار کا اجلاس ہوا، میڈیا رپورٹس کے مطابق یوٹیلیٹی سٹورز کارپوریشن کے مستقبل پر تفصیلی بریفنگ دی گئی۔
ایم ڈی یوٹیلٹی سٹورز کارپوریشن نے اجلاس میں بتایا کہ آڈٹ مکمل ہونے پر نجکاری کی جائیگی۔ 5 ہزار مستقل ملازمین کو سرپلس پول بھیجا جائیگا۔ چھ ہزار کنٹریکٹ اور ڈیلی ویجز فارغ ہوجائیں گے۔انہوں نے کہا کہ دو سالہ آڈٹ نہ ہونے کے باعث نجکاری کا عمل رک گیا ہے۔ آڈٹ اگست 2025 تک مکمل کرنے کا ہدف مقرر کیا گیا ہے۔(جاری ہے)
یوٹیلیٹی سٹورز حکومت کی نجکاری لسٹ پر ہے۔
یوٹیلٹی سٹورز کی پراپرٹی کی ابتدائی تخمینہ لگایا گیا ہے۔ایم ڈی یوٹیلٹی سٹورز کارپوریشن نے بریفنگ کے دوران یہ بھی بتایا کہ نقصان میں چلنے والے سٹورز بند کرنے کے بعد ماہانہ خرچہ 52 کروڑ روپے رہ گیا ہے۔ ایک ماہ میں یوٹیلٹی سٹورز بند کرنے سے ماہانہ نقصان 22 میں کروڑ میں کمی آئی ہے۔ ملک بھر میں 3200 سے زائد یوٹیلیٹی سٹورز موجود ہیں جن میں سے 1700 نقصان میں چل رہے ہیں اور انہیں بند کیا جائے گا۔ نجکاری کے بعد صرف 1500 سٹورزکیلئے عملہ درکار ہو گا جبکہ باقی ملازمین کو سرپلس پول میں بھیج دیا جائے گا۔ ایک ہزار کے قریب اس وقت فرنچائزز ہیں۔ یوٹیلٹی اسٹورز کا ماہانہ خرچہ 1ارب 2کروڑ تھا لیکن نقصان میں چلنے والے سٹورز بند کرنے سے یہ کم ہو کر 52 کروڑ روپے رہ گیا ہے۔ان کایہ بھی کہنا تھا کہ یوٹیلٹی سٹورز کارپوریشن حکومت کی سیکنڈ نجکاری لسٹ پر ہے۔ یوٹیلٹی سٹورز کے پانچ ہزار ملازمین ریگولر ہیںجبکہ چھ ہزار کے قریب کنٹریکٹ اور ڈیلی ویجز پر ہیں۔ مستقل ملازمین کو سرپلس پول میں بھیجا جائے گااور ڈیلی ویجز اور کنٹریکٹ ملازمین کو کوئی پیکیج نہیں دیا جائے گا۔ جب ادارہ پرائیویٹ ہوگا تو ڈیلی ویجز اور کنٹریکٹ ملازمین فارغ ہوجائیں گے۔.ذریعہ: UrduPoint
کلیدی لفظ: تلاش کیجئے
پڑھیں:
امریکی ایچ ون بی ویزا کی درخواستوں کیلئے آج سے نیا نظام نافذ ، پرانی درخواستیں فارغ
واشنگٹن(نیوز ڈیسک) امریکا کے محکمہ یوایس سٹیزن شپ اینڈ امیگریشن سروسز نے غیر ملکی ہنرمند کارکنوں کی بھرتی کے لئے معروف ایچ ون بی ویزے کا نیا اور شفاف نظام متعارف کرادیا ۔
رپورٹ کے مطابق H-1B ویزا پروگرام آج 20 مارچ سے اہم تبدیلیوں کے بعد نافذالعمل ہوگیا ہے جس کے تحت فارن لیبر ایکسیس گیٹ وے (FLAG) پانچ سال سے پرانی تمام درخواستوں کو حذف کر رہاہے۔
لہذا، اگر کسی کیس کی حتمی تاریخ 22 مارچ 2020 ہے، تو درخواست اس سال 22 مارچ کو حذف کر دی جائے گی۔
پرانی H-1B درخواستوں کو حذف کرنے کا کیا مطلب ہے؟
فنانشل ٹائمز کی ایک رپورٹ کے مطابق، H-1B سمیت تمام عارضی لیبر کنڈیشن ایپلی کیشنز کو 20 مارچ سے ڈیلیٹ کر دیا جائے گا اور FLAG سسٹم سے ختم کر دیا جائے گا۔ اس کے بجائے، USCIS درخواست کا ایک نیا عمل شروع کرے گا جو تمام درخواست دہندگان کے لیے زیادہ منصفانہ اور مساوی ہوگا۔
ایک فرد کیلئے ایک درخواست
نظرثانی شدہ نظام درخواستوں کے بجائے فائدہ اٹھانے والوں کا انتخاب کرے گا، ایک ہی شخص کے لیے ڈپلیکیٹ اندراجات کو روکے گا۔ اس سے وہ فائدہ ختم ہو جاتا ہے جو بڑی کارپوریشنز کو پچھلے نظام میں حاصل تھا، جس کی وجہ سے وہ ایک ہی فرد کے لیے متعدد درخواستیں دے سکتے تھے۔
ایچ ون بی ویزے کی رجسٹریشن فیس میں اضافہ
اسی طرح نئے نظام میں اب ایک ایچ ون بی ویزا کی رجسٹریشن فیس $10 ڈالر سے بڑھا کر $215 ڈالر مقرر کردی گئی ہے۔
ایک اور اہم تبدیلی یہ ہے کہ USCIS امیدواروں کو آن لائن رجسٹرڈ کرے گی۔ آجروں کو مکمل H-1B پٹیشن دائر کرنے سے پہلے رجسٹر کرنا ہوگا۔
ہنر مند غیرملکی کارکنوں کیلئے سالانہ 65 ہزار ایچ ون بی ویزے
امریک میں سالانہ 65 ہزار ایچ ون بی ویزے جاری کرنے کی حد ہے جبکہ 20 ہزار اضافی لوگوں کو یہ ویزے دیے جاتے ہیں جو امریکی تعلیمی اداروں سے ماسٹرز کی ڈگری حاصل کرتے ہیں۔
امیگریشن پر تحقیق کرنے والی تنظیم باؤنڈلیس کے مطابق قریب 73 فیصد ایچ ون بی ویزے انڈین شہریوں کو جاری کیے جاتے ہیں جبکہ 12 فیصد چینی شہریوں کو ملتے ہیں۔
ماضی میں صدر ڈونلڈ ٹرمپ کی مخالفت اور اب حمایت
ماضی میں صدر ٹرمپ اور ان کے نومنتخب نائب صدر جے ڈی وانس ویزوں کے مخالف رہے ہیں۔
اپنے پہلے دورِ اقتدار کے دوران ٹرمپ نے ایچ ون بی ویزا پروگرام کو محدود کیا تھا۔ تاہم اب صدر ڈونلڈ ٹرمپ اور انکے مشیروں ایلون مسک اور وویک راما سوامی نے ایچ ون بی ویزا پروگرام کی حمایت کا اعلان کیا ہے۔
مزیدپڑھیں:عمران خان، نواز شریف اور آصف زرداری مل بیٹھ کر قومی حکومت بنائیں،فواد چودھری کی تجویز
جعفرایکسپریس حملےکے دوران بھی پی ٹی آئی نےسیاست کی، طلال چودھری