وزیر ریلوے حنیف عباسی کی زیر صدارت اہم اجلاس،ریلوے ہسپتالوں، تعلیمی اداروں اور پریکس کی کارکردگی کا جامع جائزہ لیا گیا
اشاعت کی تاریخ: 21st, March 2025 GMT
اسلام آباد(اُردو پوائنٹ اخبارتازہ ترین - این این آئی۔ 21 مارچ2025ء)وزیر برائے ریلوے حنیف عباسی نے وزارت ریلوے میں ایک اعلیٰ سطحی اجلاس کی صدارت کی جس میں پاکستان ریلوے ایڈوائزری اینڈ کنسلٹنسی سروسز (پریکس) اور جنرل منیجر ویلفیئر اینڈ اسپیشل انیشیٹوز (جی ایم ڈبلیو ایس آئی) کی کارکردگی کا تفصیلی جائزہ لیا گیا۔ اجلاس میں دونوں اداروں کی موجودہ خدمات، ترقیاتی اہداف اور مستقبل کے منصوبوں پر اہم گفتگو کی گئی۔
وزیر ریلوے کو بتایا گیا کہ اس وقت ملک بھر میں پاکستان ریلوے کے آٹھ ہسپتال اور 44 ڈسپنسریاں ریلوے کے موجودہ و سابقہ ملازمین اور ان کے اہل خانہ کو معیاری، سستا اور شفا بخش علاج فراہم کر رہی ہیں۔ صرف گزشتہ سال کے دوران ان ہسپتالوں سے 240194 آؤٹ ڈور مریض مستفید ہو چکے ہیں۔(جاری ہے)
ان اداروں میں لیب ٹیسٹ، ایکسرے، الٹراساونڈ اور دیگر بنیادی طبی سہولیات بھی دستیاب ہیں، جو صحت کے شعبے میں ریلوے کی اہمیت کو اجاگر کرتی ہیں۔
وفاقی وزیر نے ہسپتالوں کی گنجائش کو مزید بڑھانے، جدید سہولیات فراہم کرنے اور موجودہ عمارتوں کو جدید طرز پر ازسرنو تزئین و آرائش کرنے کی ہدایت کی، تاکہ ملازمین کو مزید مؤثر طبی سہولیات فراہم کی جا سکیں۔ اس ضمن میں انہوں نے پبلک پرائیویٹ پارٹنرشپ کے امکان پر بھی غور کرنے کی ہدایت دی، تاکہ جدید طبی سہولیات کے ساتھ ساتھ اسپتالوں کے انتظامی امور کو بہتر بنایا جا سکے۔اجلاس میں وزیر کو بتایا گیا کہ جی ایم ڈبلیو ایس آئی کے تحت اس وقت ۱۴ اسکولز اور ایک کالج مختلف ریلوے کالونیوں میں تعلیمی خدمات سرانجام دے رہے ہیں۔ ان تعلیمی اداروں میں ریلوے ملازمین کے بچوں کو معیاری تعلیم فراہم کی جا رہی ہے۔ وزیر نے ان اداروں کی کارکردگی مزید بہتر بنانے اور تدریسی معیار کو بڑھانے کی ہدایت کی، تاکہ ریلوے خاندانوں کے بچوں کو قومی سطح پر مقابلہ کرنے کے قابل بنایا جا سکے۔اجلاس میں پریکس کی کارکردگی کا بھی تفصیلی جائزہ لیا گیا۔ وزیر حنیف عباسی نے پریکس کی مشاورتی خدمات کو سراہتے ہوئے اسے جدید تقاضوں کے مطابق ڈھالنے کی ضرورت پر زور دیا۔ انہوں نے کہا کہ ادارے کو اخراجات میں کمی، شفافیت اور واضح، قابلِ پیمائش اہداف کے تحت کام کرنا ہوگا تاکہ اس کے نتائج مزید نمایاں اور مؤثر ہوں۔ انہوں نے اعلان کیا کہ جون 2025 میں پریکس کی کارکردگی کا جامع جائزہ لیا جائے گا اور مقررہ اہداف کے حصول کو یقینی بنایا جائے گا۔وزیر ریلوے نے کہا کہ پاکستان ریلوے کے وڑن کی تکمیل کے لیے اداروں کی استعداد کار کو بڑھانا اور خدمات کو مؤثر بنانا وقت کی ضرورت ہے۔ انہوں نے پریکس اور جی ایم ڈبلیو ایس آئی دونوں اداروں پر زور دیا کہ وہ آنے والے دنوں میں واضح کارکردگی اور نتائج کے ساتھ سامنے آئیں۔اجلاس میں چیئرمین ریلوے، بورڈ آف ڈائریکٹرز کے اراکین، اور متعلقہ اعلیٰ افسران نے شرکت کی۔.ذریعہ: UrduPoint
کلیدی لفظ: تلاش کیجئے کی کارکردگی کا جائزہ لیا اجلاس میں انہوں نے پریکس کی
پڑھیں:
بروز جمعۃ المبارک یوم حضرت علی المرتضیٰ تمام تعلیمی ادارے بند رہیں گے ، محکمہ تعلیم سندھ
کراچی (نیوزڈیسک)محکمہ تعلیم سندھ نے خلفیہ چہارم حضرت علیؓ المرتضیٰ کرم اللہ وجہہ الکریم کے یوم شہادت پر تعلیمی اداروں میں چھٹی کا اعلان کردیا۔سندھ کے تعلیمی اداروں میں یوم علیؓ پر تعطیل کا اعلان کر دیا گیا،
محکمہ اسکول تعلیم کے ڈپٹی سیکرٹری اشرف حسین انصاری کے دستخط سے نوٹیفکیشن جاری کردیا گیا۔نوٹیفکیشن کے مطابق سندھ میں 21 رمضان المبارک (22 مارچ) کو حضرت علی کے یوم شہادت پر تمام سرکاری و نجی اسکول اور کالجز بند رہیں گے۔
پاکستان کے مختلف علاقوں میں تیز ہواؤں کے ساتھ بارش کا امکان
جعفرایکسپریس حملےکے دوران بھی پی ٹی آئی نےسیاست کی، طلال چودھری