پاکستان کی طرف ٹی20 کرکٹ میں تیز ترین سینچری کرنے والے حسن نواز کون ہیں؟
اشاعت کی تاریخ: 21st, March 2025 GMT
پاکستان نے تیسرے ٹی20 میچ میں نیوزی لینڈ کو 9 وکٹوں سے شکست دیدی۔ پاکستان کرکٹ ٹیم نے 205 رنز کا ہدف 4 اوورز پہلے ہی ایک وکٹ کے نقصان پر حاصل کرلیا۔ میچ کی خاص بات حسن نواز کی تیز ترین سینچری ہے جو انہوں نے صرف 44 گیندوں پر اسکور کی۔ یہ ٹی20 کرکٹ میں پاکستان کی طرف سے تیز ترین سینچری بھی ہے۔ مردِ میدان حسن نواز نے آج اپنا تیسرا انٹرنیشنل میچ کھیلا تھا۔
Hasan Nawaz slams the fastest-ever Men’s T20I century by a Pakistan batter, off 44 balls ⚡#NZvPAK ????: https://t.
— ICC (@ICC) March 21, 2025
حسن نواز 21 اگست 2002 کو اسلام آباد میں پیدا ہوئے۔ ان کا تعلق جنوبی پنجاب کے شہر لیہ سے ہے۔ اگست 2022 میں انہیں 23-2022 کے نیشنل ٹی20 کپ کے لیے سوئی ناردرن کی ٹیم میں شامل کیا گیا تھا۔ اس سے قبل انہوں نے کشمیر پریمیئر لیگ میں میرپور رائلز کے لیے کھیلتے ہوئے دوسرے سب سے زیادہ اسکور کرنے والے کھلاڑی کے طور پر نمایاں پرفارمنس دکھائی تھی۔
مزید پڑھیں: 205 رنز کا ہدف 4 اوورز پہلے حاصل کرلیا، پاکستان نے نیوزی لینڈ کو 9 وکٹوں سے ہرا دیا
پی ایس ایل سیزن 8 میں انہوں نے اسلام آباد یونائیٹڈ کی نمائندگی کی تھی، انہین 3 میچ کھلائے گئے جن میں انہوں نے 9.33 کی اوسط سے 28 رنز بنائے تھے۔ تاہم ڈومیسٹک کرکٹ میں ان کی حالیہ کارکردگی کی بدولت انہیں پی ایس ایل سیزن 10 میں کوئٹہ گلیڈی ایٹرز نے منتخب کیا ہے۔
One of the greatest chases you will ever see! ????
Hasan Nawaz’s magnificent ton sets up a remarkable win in the third T20I ????#NZvPAK | #BackTheBoysInGreen pic.twitter.com/tJAimMs24U
— Pakistan Cricket (@TheRealPCB) March 21, 2025
رواں برس مارچ 2025 میں انہیں نیوزی لینڈ کے دورے کے لیے پاکستان کے ٹی20 اسکواڈ میں شامل کیا گیا۔ 16 مارچ 2025 کو انہوں نے ہیگلے اوول میں نیوزی لینڈ کے خلاف اپنے ٹی20 آئی کیریئر کا آغاز کیا۔ تاہم پہلے دونوں میچوں میں وہ صفر پر آؤٹ ہوئے۔ تاہم 21 مارچ 2025 کو نیوزی لینڈ کے خلاف تیسرے ٹی20 میں 105 رنز 45 گیندوں پر اسکور کیے۔
کپتان نے حوصلہ افزائی کی اور بتایا کہ میں میچ وننگ پلیئر ہوںتیسرے ٹی20 میں مردِ میدان کا اعزاز پانے والے بلے باز حسن نواز نے انعام حاصل کرنے کے بعد گفتگو میں کہا کہ پہلے 2 میچز میں جس طریقے سے میں آؤٹ ہوا، وہ مجھے بہت مایوس کر گیا تھا، لیکن کپتان اور شاداب نے میری حوصلہ افزائی کی اور مجھے بتایا کہ میں ایک میچ وننگ پلیئر ہوں، اور اس نے مجھے بہت مدد دی۔
مزید پڑھیں: پاکستان اور نیوزی لینڈ کے مابین کھیلے جانے والے ٹی20 میچ میں افطار کا وقفہ، ویڈیو وائرل
حسن نواز نے کہا کہ میرے ذہن میں صرف یہ تھا کہ سب سے پہلے بین الاقوامی کرکٹ میں ایک سنگل بناؤں، اور اس کے بعد مجھے سکون محسوس ہوا اور دباؤ کم ہو گیا۔ مجھے اتنی زیادہ حمایت ملی اور میں اپنے کپتان کا بہت شکر گزار ہوں۔
لیہ کا نام روشن کردیا، والدین خوشی سے نہاللیہ سے تعلق رکھنے والے حسن نواز کے والدین خوشی سے نہال ہیں۔ ان کا کہنا ہے ہمارے بیٹے نے 45 گیندوں پر 105 رنز بنا کر پاکستان کو نیوزی لینڈ کے خلاف تیسرے میچ میں شکست دے کر ضلع لیہ کا نام روشن کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلے باز حسن نواز پاکستان ٹی20 حسن نواز نیوزی لینڈذریعہ: WE News
کلیدی لفظ: بلے باز حسن نواز پاکستان ٹی20 حسن نواز نیوزی لینڈ نیوزی لینڈ کے حسن نواز انہوں نے کرکٹ میں کے لیے
پڑھیں:
تیسرا ٹی20؛ ہیڈکوچ نے ٹیم میں تبدیلیوں کا اشارہ دیدیا
نیوزی لینڈ(نیوز ڈیسک)قومی ٹیم کے ہیڈکوچ عاقب جاوید نے نیوزی لینڈ کیخلاف تیسرے ٹی20 میچ میں تبدیلیوں کا اشارہ دیدیا۔کیویز کیخلاف آکلینڈ میں شیڈول سیریز کے تیسرے ٹی20 میچ سے قبل ٹیم میں ایک سے دو تبدیلیوں کا عندیہ دیتے ہوئے ایشیاکپ اور ورلڈکپ ہدف قرار دیدیا۔
ہیڈکوچ عاقب جاوید کا کہنا تھا کہ مشکل کنڈیشنز میں کھیل کر برصغیر میں شیڈول دونوں ایونٹ میں اچھی پرفارمنس کا یقین ہے، ٹیم نوجوان کرکٹرز ضرور موجود ہیں لیکن انکے ساتھ ہی سیریز جیتنا چاہتے ہیں۔
انہوں نے کہا کہ نیوزی لینڈ کی کنڈیشنز میں میچ جیتنا ضرور مشکل ہوتا ہے لیکن کم بیک کی کوشش کریں گے۔
عاقب جاوید نے کہا کہ پاکستان کی ٹی20 میں بہتر پرفارمنس کو 2 سال ہوچکے ہیں، زیادہ تر ممالک نے الگ ٹی20 بنالی ہیں، ہم بھی ایسا کرنے کی کوشش کررہے ہیں، اسی ٹیم میں صائم ایوب اور فخر زمان شامل ہوں گے تو اچھا کمبی نیشن بن سکتا ہے۔
انہوں نے امید ظاہر کرتے ہوئے کہا کہ ایشیاکپ اور ورلڈکپ کیلئے پاکستان ایک مضبوط ٹیم تیار کرنے میں کامیاب ہوگا، ٹی 20 میں چارچھکے لگ جانا اتنی بڑی بات نہیں، شاہین کو بھی اپنی گیم کو بڑھانا پڑے گی، شاہین کا آغاز بہت شاندار تھا، لیکن انجری کےبعد شاہین کو مسائل آئے ہیں۔
حکومت نے خود چینی کی 159 روپے کلو ایکس مل پرائس پر ہاں کردی
بحریہ ٹاؤن کراچی کےمختلف بینکوں میں موجود ٹرم ڈیپازٹس منجمد