مسٹر پرفیکشنسٹ عامر خان فلمی سین کو پرفیکٹ بنانے کےلیے زندگی داؤ پر لگا بیٹھے
اشاعت کی تاریخ: 21st, March 2025 GMT
بالی ووڈ میں مسٹر پرفیکشنسٹ کے نام سے مشہور عامر خان نے اپنی ایک فلم میں فلمی سین کو پرفیکٹ بنانے کے لیے اپنی جان پر کھیلنے سے بھی دریغ نہیں کیا تھا۔
بھارت کے مشہور ہدایت کار وکرم بھٹ نے اپنے ایک حالیہ انٹرویو میں اس بات کا انکشاف کیا ہے کہ عامر خان نے ان کی فلم ’’غلام‘‘ کے ایک سنسنی خیز منظر کی شوٹنگ کے دوران اپنی جان ہتھیلی پر رکھ دی تھی۔
1998 میں ریلیز ہونے والی اس فلم میں رانی مکھرجی کے ساتھ مرکزی کردار ادا کرنے والے عامر خان نے ٹرین کے ایک خطرناک ایکشن سین کی شوٹنگ کے دوران موت کو بہت قریب سے دیکھا۔
وکرم بھٹ نے انکشاف کیا کہ یہ منظر اتنا خطرناک تھا کہ انہوں نے اسے وی ایف ایکس کے ذریعے بنانے کا مشورہ دیا تھا، لیکن عامر خان نے خود ہی اس خطرناک اسٹنٹ کو کرنے کا فیصلہ کیا۔
ہدایت کار نے بتایا کہ عامر خان نے ٹرین کے ڈرائیور سے بات کی اور اسے پہلے 20 کلومیٹر فی گھنٹہ کی رفتار سے آنے کو کہا، لیکن پھر رفتار بڑھا کر 40 کلومیٹر فی گھنٹہ تک کرنے کی فرمائش کی۔ ہدایت کار نے اس پر تشویش کا اظہار کیا لیکن عامر خان کے پرجوش جذبے کے سامنے ہار مان لی۔
انہوں نے مزید بتایا کہ شوٹنگ کے دوران ایک ایسا لمحہ آیا جب ٹرین 40-45 کلومیٹر فی گھنٹہ کی رفتار سے عامر خان کی طرف بڑھ رہی تھی اور اسے روکنے کا کوئی امکان نہیں تھا۔ وکرم بھٹ نے انکشاف کیا کہ عامر خان محض ایک سیکنڈ کے فرق سے ایک بڑے ٹرین حادثے سے بال بال بچے تھے۔ انہوں نے فوٹیج کا تجزیہ کرکے اس بات کی تصدیق کی کہ عامر خان کا سایہ جب ایک کھمبے پر پڑا تو ٹرین کا سایہ ٹھیک 24 فریم بعد نظر آیا۔
وکرم بھٹ نے اس واقعے کو یاد کرتے ہوئے کہا کہ وہ اس وقت بہت پریشان ہوگئے تھے۔ انہوں نے بتایا کہ شوٹنگ ختم ہونے کے بعد جب وہ گھر جا رہے تھے تو عامر خان نے ان سے مذاق میں کہا کہ ’’وکی، اگر میں ہدایت کار ہوتا تو میں کسی اداکار کو یہ اسٹنٹ کرنے نہیں دیتا!‘‘ اس بات پر وکرم بھٹ حیران رہ گئے اور انہوں نے سوچا کہ عامر خان کس قسم کے انسان ہیں۔
وکرم بھٹ کی آنے والی فلم ’’تم کو میری قسم‘‘ 21 مارچ 2025 کو سنیما گھروں میں ریلیز ہونے والی ہے۔ اس فلم میں ایشا دیول، ادا شرما، انوپم کھیر اور اشوک سنگھ اہم کرداروں میں نظر آئیں گے۔
TagsShowbiz News Urdu.
ذریعہ: Al Qamar Online
کلیدی لفظ: کہ عامر خان ہدایت کار انہوں نے
پڑھیں:
شادی کی تصویر بنانا خوفناک حادثہ بن گیا، دلہن کے جھلسنے کی ویڈیو وائرل
بھارت میں شادی کی تصاویر کو یادگار بنانے کا خواب جوڑے کےلیے خوفناک حادثے میں بدل گیا۔ رنگ بھرے بم سے دلہن کے جھلسنے کی ویڈیو سوشل میڈیا پر وائرل ہوگئی۔
بھارتی میڈیا کے مطابق کینیڈا میں مقیم بھارتی نژاد جوڑے وکی اور پیا نے اپنی شادی کی تقریبات کےلیے بھارت کا رخ کیا، لیکن ان کا یہ خوشیوں بھرا دن ایک حادثے کی وجہ سے دکھ میں بدل گیا۔
واقعے کے مطابق شادی کے موقع پر ایک رنگ بھرا دھماکا کرنے والا آلہ (کلر بم) خراب ہوگیا، جس سے دلہن کو شدید چوٹیں آئیں۔ اس واقعے کی ویڈیو جوڑے نے انسٹاگرام پر شیئر کی ہے، جس میں دیکھا جاسکتا ہے کہ کس طرح یہ دھماکا دلہن کو براہ راست لگا۔
جوڑے نے اپنی شادی کی یادگار تصویر بنانے کےلیے رنگ بھرے دھماکے کا انتظام کیا تھا، تاکہ تصویر کے پس منظر میں خوبصورت رنگ بکھر سکیں۔ لیکن جیسے ہی دلہا نے دلہن کو تصویر کےلیے اٹھایا، کلر بم خراب ہوگیا اور دلہن کو براہ راست لگا۔ اس حادثے میں دلہن کی پیٹھ اور بال جھلس گئے، جس کے بعد انہیں فوری طور پر طبی امداد کی ضرورت پڑی۔
جوڑے نے اپنی پوسٹ میں لکھا: ’’ہماری منصوبہ بندی یہ تھی کہ پس منظر میں خوبصورت رنگ بھرے دھماکے ہوں، تاکہ ایک شاندار تصویر بن سکے۔ لیکن آلہ خراب ہوگیا اور ہم پر دھماکا ہوگیا۔ ہم اپنے بچے کو بھی ساتھ لینے والے تھے۔‘‘
جوڑے نے انسٹاگرام اسٹوری میں بتایا کہ یہ واقعہ شادی کی تقریب اور ولیمہ کے درمیان تصاویر بناتے وقت پیش آیا۔ انہوں نے کہا: ’’ہم جلدی سے قریبی اسپتال گئے، جہاں جھلسنے کا علاج کروایا گیا۔ اس کے بعد ہم ولیمہ میں شریک ہوئے۔‘‘
انہوں نے اپنی پوسٹ کے ذریعے لوگوں کو خبردار کیا: ’’یہ پوسٹ کلر بم جیسے پٹاخوں کے استعمال کے خطرات کے بارے میں ہے۔ ہم نے تمام حفاظتی اقدامات پر عمل کیا، لیکن پھر بھی کچھ غلط ہوگیا اور ہم زخمی ہوگئے۔ چاہے آپ نظرِ بد پر یقین رکھتے ہوں یا نہیں، ہم ضرور یقین رکھتے ہیں!‘‘
یہ ویڈیو شیئر ہونے کے بعد 22 ملین سے زیادہ بار دیکھی جاچکی ہے۔ صارفین نے دلہن کے ساتھ ہمدردی کا اظہار کیا اور ان کی جلد صحت یابی کےلیے دعائیں دیں۔
ایک صارف نے لکھا: ’’یہ واقعہ خوفناک اور افسوسناک ہے۔ آپ کی جلد صحت یابی کی دعا ہے۔ یقیناً یہ بہت برا لگتا ہے جب ایسا حادثہ آپ کے خوبصورت دن پر ہو۔ اپنا خیال رکھیں!‘‘
ایک صارف نے نظرِ بد کو جھٹلا کر تبصرہ کیا: ’’آپ کے ایونٹ پلانر ذمے دار ہیں۔ یہ واقعہ آپ کے دن پر ہوا، یہ بہت افسوسناک ہے۔‘‘
ایک صارف نے انتباہ لکھا کہ ’’یہ ہمیں شادی جیسے خوشی کے موقع پر بھی حفاظتی اقدامات کی اہمیت کی یاد دلاتا ہے۔ کلر بم جیسے پٹاخے خوبصورت تو لگتے ہیں، لیکن ان کے استعمال میں بہت احتیاط کی ضرورت ہوتی ہے۔
بحریہ ٹاؤن کراچی کےمختلف بینکوں میں موجود ٹرم ڈیپازٹس منجمد