شادی کی تصویر بنانا خوفناک حادثہ بن گیا، دلہن کے جھلسنے کی ویڈیو وائرل
اشاعت کی تاریخ: 21st, March 2025 GMT
بھارت میں شادی کی تصاویر کو یادگار بنانے کا خواب جوڑے کےلیے خوفناک حادثے میں بدل گیا۔ رنگ بھرے بم سے دلہن کے جھلسنے کی ویڈیو سوشل میڈیا پر وائرل ہوگئی۔
بھارتی میڈیا کے مطابق کینیڈا میں مقیم بھارتی نژاد جوڑے وکی اور پیا نے اپنی شادی کی تقریبات کےلیے بھارت کا رخ کیا، لیکن ان کا یہ خوشیوں بھرا دن ایک حادثے کی وجہ سے دکھ میں بدل گیا۔
واقعے کے مطابق شادی کے موقع پر ایک رنگ بھرا دھماکا کرنے والا آلہ (کلر بم) خراب ہوگیا، جس سے دلہن کو شدید چوٹیں آئیں۔ اس واقعے کی ویڈیو جوڑے نے انسٹاگرام پر شیئر کی ہے، جس میں دیکھا جاسکتا ہے کہ کس طرح یہ دھماکا دلہن کو براہ راست لگا۔
جوڑے نے اپنی شادی کی یادگار تصویر بنانے کےلیے رنگ بھرے دھماکے کا انتظام کیا تھا، تاکہ تصویر کے پس منظر میں خوبصورت رنگ بکھر سکیں۔ لیکن جیسے ہی دلہا نے دلہن کو تصویر کےلیے اٹھایا، کلر بم خراب ہوگیا اور دلہن کو براہ راست لگا۔ اس حادثے میں دلہن کی پیٹھ اور بال جھلس گئے، جس کے بعد انہیں فوری طور پر طبی امداد کی ضرورت پڑی۔
جوڑے نے اپنی پوسٹ میں لکھا: ’’ہماری منصوبہ بندی یہ تھی کہ پس منظر میں خوبصورت رنگ بھرے دھماکے ہوں، تاکہ ایک شاندار تصویر بن سکے۔ لیکن آلہ خراب ہوگیا اور ہم پر دھماکا ہوگیا۔ ہم اپنے بچے کو بھی ساتھ لینے والے تھے۔‘‘
جوڑے نے انسٹاگرام اسٹوری میں بتایا کہ یہ واقعہ شادی کی تقریب اور ولیمہ کے درمیان تصاویر بناتے وقت پیش آیا۔ انہوں نے کہا: ’’ہم جلدی سے قریبی اسپتال گئے، جہاں جھلسنے کا علاج کروایا گیا۔ اس کے بعد ہم ولیمہ میں شریک ہوئے۔‘‘
انہوں نے اپنی پوسٹ کے ذریعے لوگوں کو خبردار کیا: ’’یہ پوسٹ کلر بم جیسے پٹاخوں کے استعمال کے خطرات کے بارے میں ہے۔ ہم نے تمام حفاظتی اقدامات پر عمل کیا، لیکن پھر بھی کچھ غلط ہوگیا اور ہم زخمی ہوگئے۔ چاہے آپ نظرِ بد پر یقین رکھتے ہوں یا نہیں، ہم ضرور یقین رکھتے ہیں!‘‘
یہ ویڈیو شیئر ہونے کے بعد 22 ملین سے زیادہ بار دیکھی جاچکی ہے۔ صارفین نے دلہن کے ساتھ ہمدردی کا اظہار کیا اور ان کی جلد صحت یابی کےلیے دعائیں دیں۔
ایک صارف نے لکھا: ’’یہ واقعہ خوفناک اور افسوسناک ہے۔ آپ کی جلد صحت یابی کی دعا ہے۔ یقیناً یہ بہت برا لگتا ہے جب ایسا حادثہ آپ کے خوبصورت دن پر ہو۔ اپنا خیال رکھیں!‘‘
ایک صارف نے نظرِ بد کو جھٹلا کر تبصرہ کیا: ’’آپ کے ایونٹ پلانر ذمے دار ہیں۔ یہ واقعہ آپ کے دن پر ہوا، یہ بہت افسوسناک ہے۔‘‘
ایک صارف نے انتباہ لکھا کہ ’’یہ ہمیں شادی جیسے خوشی کے موقع پر بھی حفاظتی اقدامات کی اہمیت کی یاد دلاتا ہے۔ کلر بم جیسے پٹاخے خوبصورت تو لگتے ہیں، لیکن ان کے استعمال میں بہت احتیاط کی ضرورت ہوتی ہے۔
ذریعہ: Express News
کلیدی لفظ: نے اپنی دلہن کو شادی کی جوڑے نے کلر بم
پڑھیں:
دھناشری سے طلاق! کیا چہل، مہوش کو ڈیٹ کررہے ہیں؟ نئی ویڈیو وائرل
آئی سی سی چیمپئینز ٹرافی کے فائنل کے بعد ایک مرتبہ پھر بھارتی کرکٹ ٹیم کے اسپنر یوزویندر چہل کی اپنی خاتون دوست آر جے مہوش کیساتھ منظر عام دیکھے گئے ہیں۔
فوٹو ایںڈ ویڈیو شیئرنگ ایپ انسٹاگرام پر بھارتی کرکٹر کی اہلیہ سے طلاق کی خبروں کے بیچ خاتون دوست آر جے مہوش کیساتھ ڈیٹنگ کی افواہیں گردش کررہی ہیں۔
مزید پڑھیں: چہل-دھناشری ورما طلاق کیس میں نئی پیشرفت سامنے آگئی
چہل اور آر جے مہوش کو ایک دوسرے کے ساتھ کھڑے دیکھا گیا ہے تاہم دونوں اپنے فونز استعمال کرنے میں مگن تھے، اس دوران چہل نے ماسک سے چہرہ چُھپا رکھا تھا جبکہ دوسری طرف مہوش کو خاکستری پینٹ اور گہرے بھورے رنگ کے ٹاپ میں ملبوس تھیں۔
مزید پڑھیں: میری فلم میں لیڈ رول کرلو؛ آر جے مہوش کا چہل کی ویڈیو پر تبصرہ
ادھر یوزویندر چہل نے اہلیہ دھناشری ورما سے طلاق کیلئے 4.75 کروڑ بھارتی روپے ادا کرنے پر رضامندی ظاہر کردی ہے۔
قبل ازیں چہل اور آر جے مہوش کو کرسمس پارٹی میں ساتھ دیکھا گیا تھا بعدازاں اہلیہ سے طلاق کی خبریں سامنے آنے کے بعد اداکارہ اور کرکٹر چیمپئینز ٹرافی کے فائنل دیکھنے کیلئے دبئی میں ساتھ موجود تھے۔
مزید پڑھیں: چہل نے دھنا شری سے طلاق کے بعد نئی لڑکی ڈھونڈھ لی، ہے کون؟
دونوں کی ایک دوسرے کیساتھ قربت کو دیکھ کر ڈیٹنگ کی خبریں گردش کررہی تھیں تاہم اداکارہ نے اس بات کی تردید کی ہے۔
View this post on InstagramA post shared by Instant Bollywood (@instantbollywood)
View this post on InstagramA post shared by Instant Bollywood (@instantbollywood)
بحریہ ٹاؤن کراچی کےمختلف بینکوں میں موجود ٹرم ڈیپازٹس منجمد