ماحولیاتی تبدیلی کے اثرات سے بچنے کیلئے فنڈ کا نظام لائیں گے: محمد اورنگزیب
اشاعت کی تاریخ: 21st, March 2025 GMT
وفاقی وزیرِ خزانہ محمد اورنگزیب— فائل فوٹو
وفاقی وزیرِ خزانہ محمد اورنگزیب نے کہا ہے کہ ماحولیاتی تبدیلی کے اثرات سے بچنے کے لیے فنڈ کا نظام لائیں گے، موسمیاتی تبدیلی اور آبادی ملک کے لیے بڑے خطرات ہیں۔
اسلام آباد میں تقریب سے خطاب کرتے ہوئے محمد اورنگزیب نے کہا کہ پاکستان کو ماحولیاتی تبدیلی جیسے چینلجز کا سامنا ہے، گلیشیئرز تیزی سے پگھل رہے ہیں، لاہور میں دھند سے معاشی سرگرمیاں متاثر ہوتی ہیں۔
محمد اورنگزیب نے کہا کہ موسمِ سرما میں کم بارشیں ہونا بڑے خطرے کی طرف اشارہ ہے، 2 ہفتوں میں موسمیاتی تبدیلیوں کے لیے فنانسنگ پر آئی ایم ایف سے مثبت بات چیت ہوئی، سیلابی نقصانات کے بحالی کے منصوبوں کے لیے 10 ارب ڈالرز کی امداد کا وعدہ ہوا ہے۔
وزیرِ خزانہ نے کہا کہ ہم قابلِ عمل منصوبے تیار نہیں کر سکے اور امداد استعمال نہیں کر سکے، کلائمیٹ فنانسنگ کے لیے ہمیں قابلِ عمل منصوبوں کو سامنے لانا ہو گا۔
وفاقی وزیرِ خزانہ محمد اورنگزیب نے کہا ہے کہ آئی ایم ایف پروگرام کی منظوری آخری مراحل میں ہے، معیشت صحیح سمت میں آچکی ہے۔
انہوں نے کہا کہ وزارتِ خزانہ موسمیاتی تبدیلیوں کو روکنے کے لیے ہر ممکن تعاون فراہم کرے گی، آلودگی دن با دن بڑھتی جا رہی ہے، آلودگی پر قابو پانا ہمارے لیے اصل چیلنج ہے، ورلڈ بینک کے ساتھ کنٹری پارٹنر شپ پر اچھی پیش رفت ہوئی ہے، فنانسنگ کے ساتھ استعداد کار کو بہتر بنانا ہوگا۔
محمد اورنگزیب نے کہا کہ ہمیں کلائمیٹ کے لیے مفید منصوبے لانے ہوں گے، پاکستان کا واٹر سائیکل متاثر ہوا ہے، 7 ارب لوگ گلاف (GLOF) Glacial Lake Outburst Flood کی بنا پر خطرے میں ہیں، ایورسٹ کے ٹو ریسرچ سینٹر نے اچھا کام کیا ہے۔
انہوں نے مزید کہا کہ ہمارے پاس زیادہ وقت نہیں، ٹائم فریم کو کم کرنا ہو گا، وزارتِ خزانہ کی جانب سے وزارتِ موسمیاتی تبدیلی کو مکمل سپورٹ ہو گی، موسمیاتی تبدیلی کے مسئلے کو حل نہ کیا تو معیشت کو نقصان ہو گا۔
.ذریعہ: Jang News
کلیدی لفظ: محمد اورنگزیب نے کہا خزانہ محمد اورنگزیب موسمیاتی تبدیلی نے کہا کہ کے لیے
پڑھیں:
قائم مقام امریکی سفیر کی وزیر خزانہ محمد اورنگزیب سے ملاقات
تصویر سوشل میڈیا۔قائم مقام امریکی سفیر نٹالی بیکر نے وزیر خزانہ محمد اورنگزیب سے اسلام آباد میں ملاقات کی، جس میں اقتصادی تعاون بڑھانے اور پاکستان میں امریکی سرمایہ کاری پر تبادلہ خیال کیا گیا۔
اعلامیہ کے مطابق وزیر خزانہ نے حکومتی معاشی اصلاحات کے ایجنڈے پر بریفنگ دی۔
قائم مقام امریکی سفیر نٹالی بیکر نے پاکستان کی معاشی پیشرفت اور اصلاحات کو سراہا اور کہا کہ امریکا پاکستان کے ساتھ مضبوط دو طرفہ تعلقات کا خواہاں ہے۔
اعلامیہ کے مطابق ملاقات میں پاک امریکا اقتصادی تعلقات کو مزید مضبوط بنانے پر بھی اتفاق کیا گیا۔
مسنگ پرسنز کو دہشت گرد واقعات میں بہانے کے طور پر استعمال کیا جاتا ہے، طلال چوہدری