ٹیکسی میں نازیبا حرکات: بنگلور کیب ڈرائیور کی وارننگ وائرل
اشاعت کی تاریخ: 21st, March 2025 GMT
بھارت کے شہر بنگلور کے ایک کیب ڈرائیور کا مسافروں کو دیا گیا انتباہی نوٹ وائرل ہوگیا ہے، جس نے انٹرنیٹ صارفین کو ہنسا کر لوٹ پوٹ کردیا ہے۔
وائرل تصویر میں ڈرائیور نے مسافروں، خاص طور پر رومانوی جوڑوں کو ’’پرسکون رہنے‘‘ اور ایک دوسرے سے فاصلہ برقرار رکھنے کی ہدایت کی ہے۔
نوٹ میں لکھا تھا: ’’وارننگ! محبت نہیں۔ یہ ایک کیب ہے، آپ کی نجی جگہ یا OYO نہیں، لہٰذا براہ کرم فاصلہ رکھیں اور پرسکون رہیں۔‘‘
https://www.reddit.com/r/indiasocial/comments/1je3mz3/saw_this_in_a_cab_in_bengaluru_today/?utm_source=share&utm_medium=mweb3x&utm_name=post_embed&utm_term=1&utm_content=1
یہ صاف گو پیغام سوشل میڈیا صارفین کے درمیان تفریح اور تجسس کا باعث بنا ہوا۔ یہ وائرل تصویر ریڈٹ پر شیئر کی گئی تھی، جس کا کیپشن تھا: ’’آج بنگلور میں ایک کیب میں یہ دیکھا۔‘‘
پوسٹ نے فوری طور پر انٹرنیٹ پر تہلکہ مچا دیا، اور صارفین نے ڈرائیور کی سیدھی اور صاف بات پر دلچسپ اور مزاحیہ تبصرے کیے۔
ایک صارف نے لکھا: ’’ڈرائیور نے کچھ ایسے مناظر دیکھے ہیں جو وہ دوبارہ نہیں دیکھنا چاہتے۔‘‘
دوسرے صارف نے کہا: ’’میں ان کا نقطہ نظر سمجھتا ہوں۔ کار جیسی بند جگہ پر پی ڈی اے یا کسی اور چیز کا مظاہرہ کرنا پارک میں جھاڑیوں کے پیچھے ایسا کرنے جیسا نہیں ہے۔ آپ دراصل ڈرائیور کو وہ سب کچھ دیکھنے پر مجبور کر رہے ہیں جو آپ کر رہے ہیں۔ اور یہ بالکل بھی ’رضامندی‘ والا معاملہ نہیں لگتا۔ انہیں اس میں شامل ہونے کا حق نہیں ہے، چاہے وہ ان کے ’کسٹمر‘ ہی کیوں نہ ہوں۔‘‘
تیسرے صارف نے لکھا: ’’ہاہاہا یہ بہت مزاحیہ ہے۔ اس نے جو کچھ دیکھا ہوگا، وہی اسے یہ نوٹ لگانے پر مجبور کرگیا۔ بیچارا۔‘‘
ایک اور صارف نے کہا: ’’میں ڈرائیورز کےلیے فکرمند ہوں۔ میں نے سنا ہے کہ کچھ جوڑے کیب میں بوس و کنار یا ہاتھ سے کچھ کرتے ہیں۔ مجھے یقین ہے کہ یہ انہیں بے چین کردیتا ہوگا۔ میں سمجھتا ہوں کہ لوگ جذباتی ہوتے ہیں، لیکن کم از کم گھر یا ہوٹل تک کا انتظار کرلیں۔‘‘
ایک صارف نے تبصرہ کیا: ’’بنگلور کے ڈرائیورز نے ایسے ایسے مناظر دیکھے ہیں جو آپ کو کیب میں رومانوی منصوبوں پر دوبارہ سوچنے پر مجبور کر دیں۔ یہ شہری زندگی کا ایک بالکل ہی مختلف معیار ہے!‘‘
ذریعہ: Express News
پڑھیں:
سرگودھا میں بے کس خواتین پر تشدد میں ملوث بس ڈرائیو اور کنڈیکٹر گرفتار
خواتین اور بچے ریڈ لائن………… وزیراعلیٰ مریم نوازشریف کاویژن: سرگودھا میں بے کس خواتین پر تشدد میں ملوث بس ڈرائیو اور کنڈیکٹر گرفتار، جھارویاں کے دیہی علاقے میں بس ڈرائیور اور کنڈیکٹرنے کرایہ کے تنازع پر خواتین سے جھگڑا کیا . بس ڈرائیور شوکت اور کنڈیکٹر شمشیر نے خواتین کو وحشیانہ تشدد کا نشانہ بنایا.سوشل میڈیا پر وائرل ہونے والی ویڈیو میں بے بس خواتین روتے ہوئے مدد کی درخواست کرتی نظر آتیں ہیں.وزیر اعلیٰ مریم نواز کے ویژن کے تحت ڈی پی او سرگودھا محمد صہیب اشرف کی نگرانی میں جھاوریاں پولیس کی فوری کارروائی کی گئی۔مبینہ تشدد میں ملوث بس ڈرائیور اور بس کنڈیکٹر گرفتار،ڈی پی او سرگودھا کی نگرانی میں قانونی کارروائی کا آغاز کیا۔ وزیر اعلی پنجاب مریم نوازشریف نے کہا کہ خواتین اور بچے ریڈ لائن ہیں، کسی سطح پر کسی قسم کا تشدد قابل برداشت نہیں۔ بسوں میں سفر کرنے والی خواتین کی حفاظت اور احترام ہر صورت یقینی بنایا جائے گا۔ دیہی خواتین کے لئے مخصوص بس سروس کے لئے اقدامات کیے جارہے ہیں۔
جعفرایکسپریس حملےکے دوران بھی پی ٹی آئی نےسیاست کی، طلال چودھری