فن لینڈ ایک بار پھر دنیا کا سب سے خوشحال ملک قرار
اشاعت کی تاریخ: 21st, March 2025 GMT
اقوامِ متحدہ کے انٹرنیشنل ڈے آف ہیپی نیس کے موقع پر جاری کی گئی ورلڈ ہیپی نیس رپورٹ 2025ء میں فن لینڈ کو مسلسل آٹھویں سال دنیا کا سب سے خوش حال ملک قرار دیا گیا ہے۔
یہ رپورٹ 140 سے زائد ممالک میں عوامی سروے کی بنیاد پر تیار کی گئی ہے، جس میں معاشرتی سہولتوں، صحت، آزادی، بدعنوانی کے تصور اور مجموعی قومی پیداوار (GDP) جیسے عوامل کا جائزہ لیا گیا۔
فن لینڈ نے 0 سے 10 کے اسکیل پر 7.
آکسفورڈ یونیورسٹی کے ماہرِ معاشیات جان ایمانوئل ڈی نیوے کے مطابق فن لینڈ کے لوگ امیر، صحت مند اور قدرت سے جُڑے ہوئے اور اپنی زندگیوں سے مطمئن ہیں۔
دیگر خوش حال ممالک میں ترتیب کے لحاظ سے ڈنمارک، آئس لینڈ، سوئیڈن، نیدرلینڈز، کوسٹا ریکا، ناروے، اسرائیل، لکسمبرگ اور میکسیکو شامل ہیں۔
یہاں کوسٹا ریکا اور میکسیکو نے پہلی بار ٹاپ 10 میں جگہ بنائی ہے، جبکہ امریکا اپنی تاریخ کی کم ترین 24 ویں پوزیشن پر چلا گیا اور برطانیہ 23 ویں نمبر پر رہا۔
ورلڈ ہیپی نیس رپورٹ 2025ء میں بھارت نے 126 ویں مقام (2024ء) سے 118 ویں نمبر پر ترقی کی ہے، مگر یہ اب بھی کئی جنگ زدہ ممالک جیسے کہ یوکرین، موزمبیق اور عراق سے پیچھے ہے۔
جنوبی ایشیاء میں خوش حال ترین ممالک میں پاکستان 109 ویں پوزیشن پر براجمان ہے۔
افغانستان مسلسل سب سے ناخوش ملک قرار پایا ہے، جس کی بنیادی وجہ عورتوں کی مشکلات اور بنیادی حقوق کی عدم دستیابی بتائی گئی ہے۔
Post Views: 1ذریعہ: Daily Mumtaz
کلیدی لفظ: فن لینڈ
پڑھیں:
سندھ بلڈنگ، کھوڑو سسٹم میں ضیاء کالا کی پوزیشن برقرار
فرحان ڈیوڈاور کامران مرزا نے علاقے میںغیر قانونی بننے والی عمارتوں کی حفاظت کا ذمہ اٹھا لیا
لیاقت آباد B1ایریا پلاٹ 20/10اور 18/8اور 18/5کے رہائشی پلاٹوں پر کمرشل تعمیرات
ڈی جی کا رابطوں کے باوجود موقف دینے سے گریز ،بدعنوان افسران کے خلاف کارروائی کا مطالبہ
سندھ بلڈنگ کنٹرول اتھارٹی میں کھوڑو سسٹم میں بھی وسطی کے علاقے لیاقت آباد میں بھتہ خوری کے مقدمے میں نامزد ملزم بلڈنگ انسپکٹر ضیاء الرحمن عرف ضیاء کالے کو سسٹم کے نام پر غیر قانونی دھندوں سے خطیر رقمیں بٹورنے کی آزادی حاصل ہے جس نے سسٹم کے دیئے گئے ہدف کو پورا کرنے کے لئے اعلیٰ عدلیہ کے احکامات سے بالاتر ہو کر کرپٹ ٹولے کو منظم کرنے کے بعد وسطی کے علاقے لیاقت آباد میں ایک مضبوط سسٹم قائم کر رکھا ہے جس میں فرحان المعروف ڈیوڈ کے ساتھ غیر قانونی دھندوں کو تیز کرنے اور بننے والی غیر قانونی عمارتوں کی حفاظت کے لئے اپنے برادر نسبتی کامران مرزا کو بھی غیر قانونی امور کی سرپرستی کی مکمل چھوٹ دے دی ہے جس نے رہائشی پلاٹوں پر کمرشل پورشن اور کمزور بنیادوں پر بالائی منزلوں کی غیرقانونی تعمیرات کا سلسلہ شروع کروا رکھا ہے۔ لیاقت آباد میں بی ون ایریا کے پلاٹ 20/10 اور 18/8اور 18/5بننے والی غیرقانونی بلند عمارتوں کی تعمیرات پر علاقہ مکینوں کا کہنا ہے کہ غیر قانونی تعمیرات کے خلاف درجنوں شکایات جمع کروانے کے باوجود ان کی روک تھام کے لئے کوئی عملی اقدام ہوتا دکھائی نہیں دے رہا اور خلاف ضابطہ تعمیرات بلا روک ٹوک جاری ہیں ۔عوامی مطالبہ ہے کہ سندھ بلڈنگ کنٹرول اتھارٹی کے بدعنوان افسران اور ان کے بیٹروں کے خلاف سخت کارروائی عمل میں لائی جائے اور غیر قانونی تعمیرات کو فوری طور پر روکنے کیلئے جلد از جلد عملی اقدامات کر کے انسانی جان و مال کی حفاظت کو یقینی بنایا جائے۔اس حوالے سے ڈی جی ایس بی سی اے جرأت کی جانب سے رابطوں کے باوجود کوئی موقف دینے سے مستقل گریز کر رہے ہیں۔
جعفرایکسپریس حملےکے دوران بھی پی ٹی آئی نےسیاست کی، طلال چودھری