کراچی، موٹر سائیکل حادثات، 2 شہری جاں بحق
اشاعت کی تاریخ: 21st, March 2025 GMT
کراچی میں مختلف واقعات میں خونی ٹرک و ڈمپر کا نشانہ بن کر 2 موٹر سائیکل سوار شہری جاں بحق ہوگئے۔
جوہر موٹر کے قریب سیمنٹ مکسر ٹرک کی ٹکر سے موٹر سائیکل سوار جاں بحق ہوگیا، سانحہ کے بعد موقع پر موجود مشتعل افراد نے حادثے کا سبب بننے والے سیمنٹ مکسر ٹرک کو آگ لگادی۔
دوسرا واقعہ لیاقت آباد 10 نمبر پر پیش آیا جہاں ڈمپر کی ٹکر سے موٹر سائیکل سوار جاں بحق ہوا۔
جاں بحق موٹرسائیکل سوار کی شناخت حیدر علی قریشی کےنام سے ہوئی ہے۔
.ذریعہ: Jang News
کلیدی لفظ: موٹر سائیکل سائیکل سوار
پڑھیں:
کراچی: اوسطً ہر تیسرے روزے پر ایک شہری ڈاکوؤں کے ہاتھوں قتل
کراچی میں رمضان المبارک میں بھی شہری ڈاکوؤں کے ہاتھوں محفوظ نہیں ہیں اور ماہ مقدس کے 18 دنوں میں اب تک 6 شہری اپنی جمع پونجی بچانے کی کوشش میں شہید ہوچکے ہیں۔
یہ بھی پڑھیں: کراچی: ڈاکوؤں کی فائرنگ سے فجر کی نماز ادا کرکے گھر جانے والا نوجوان جاں بحق
گزشتہ برس کے عام دنوں اور خصوصاً رمضان کی طرح رواں سال بھی کراچی میں ڈاکوؤں کے ہاتھوں شہریوں کی اموات کاسلسلہ رکنے کا نام نہیں لے رہا اور ڈاکوؤں کی جانب سے گھروں کو اجاڑنے کا سلسلہ جاری ہے۔
پولیس کے مطابق بدھ کو رمضان میں چھٹا شہری ڈاکوؤں کے ہاتھوں اپنی جان کی بازی ہار گیا۔ تازہ واقعہ کورنگی نمبر 6 میں میڈیکل اسٹور پر ڈکیتی مزاحمت پر فائرنگ کا واقعہ پیش آیا۔
موٹر سائیکل سوار 2 مسلح ملزمان نے میڈیکل اسٹور لوٹنے کی کوشش کی تھی تاہم جب اسٹور کے نوجوان مالک نے مزاحمت کی تو ملزمان نے فائر کھول کر اسے جان سے مار دیا۔ نوجوان اسٹور کا مالک اور والدین کا اکلوتا بیٹا تھا۔ مسلح ملزمان نے چہروں پر ماسک لگائے ہوئے تھے۔
مزید پڑھیے: کراچی: ڈاکوؤں کا پولیس اہلکاروں پر تشدد، سرکاری اسلحہ اور موبائل فون چھین کر فرار
یاد رہے کہ منگل کو بھی ڈاکوؤں کے ہاتھوں ایک شہری قتل ہوا تھا۔ وہ واقعہ بھی کورنگی میں پیش آیا تھا جہاں ایک تاجر سے لوٹ مار کے دوران مزاحمت پر ڈاکوؤں نے اس کے محافظ کی جان لے لی تھی۔ مقتول گھر کا واحد کفیل و شیرخوار بیٹی کا باپ تھا۔
اس طرح حکومت کی پکڑ سے باہر ڈاکو رمضان المبارک میں اب تک 6 شہریوں کی جان لے چکے ہیں۔
مزید پڑھیں: کراچی: منگھوپیر کی رہائشی کالونی میں پولیس مقابلہ، 5 ڈاکو ہلاک
روان سال رمضان سے قبل بھی خاتون سمیت 12 سے زائد شہری اپنی جمع پونجی بچانے کی غرض سے مزاحمت کرنے پر ڈاکوؤں کے ہاتھوں مارے گئے تھے۔ عائشہ نامی مذکورہ خاتون نوبیاہتا تھیں۔ ڈاکوؤں نے ان کو مشرف کالونی میں واقع ان کے گھر میں طلائی زیورات چھیننے کے دوران مزاحمت پر گلا گھونٹ کر قتل کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی کراچی ڈکیتی کراچی ڈکیتی کے دوران شہری ہلاک
نون لیگ اور پی پی کے رابطے بحال، ہفتے کو کوآرڈینیشن کمیٹی کا اجلاس طلب