کراچی: لین دین کے تنازعے پر فائرنگ سے ایک شخص جاں بحق
اشاعت کی تاریخ: 21st, March 2025 GMT
کراچی کے علاقے منگھوپیر میں لین دین کے تنازعے پر فائرنگ سے ایک شخص جاں بحق ہوگیا۔ مقتول اور ملزم جائیداد کی خرید و فروخت کا کام کرتے ہیں، دونوں کا تعلق ایک ہی برادری ایک ہی محلے میں رہتے ہیں ، پولیس ملزم کی گرفتاری کے لیے چھاپے مار رہی ہے۔
تفصیلات کے مطابق منگھوپیر کے علاقے گل محمد گوٹھ نورانی ہوٹل کے قریب فائرنگ کے واقعہ میں ایک شخص جاں بحق ہوگیا جس کی لاش عباسی شہید اسپتال لیجائی گئی جہاں مقتول کی شناخت 35 سالہ اکرم بروہی ولد محمد بخش کے نام سے کی گئی۔
ایس ایچ او عمران خان نے بتایا کہ ابتدائی تحقیقات کے مطابق مقتول پلاٹوں کی خرید و فروخت کا کاروبار وحید بروہی کے ساتھ کرتا تھا اور ان دونوں کے درمیان کئی روز سے رقم کی لین دین کے حوالے سے جھگڑا چل رہا تھا۔
مقتول اور ملزم کی جانب سے ایک دوسرے کے خلاف مقدمات بھی درج کرائے گئے تھے۔تاہم، گزشتہ روز جھگڑے کے دوران ملزم وحید بروہی نے فائرنگ کر کے اکرم بروہی کو قتل کردیا اور فرار ہوگیا۔
انہوں نے بتایا کہ مقتول کو پیٹ اور ہاتھ پر دو گولیاں لگی تھیں جبکہ پولیس کو جائے وقوعہ سے نائن ایم ایم پستول کے تین خول ملے ہیں۔
ملزم اور مقتول ایک ہی برادری سے تعلق اور ایک ہی محلے میں رہتے ہیں۔تاہم، پولیس اس حوالے سے مزید تفتیش کرتے ہوئے فرار ملزم کی گرفتاری کے لیے چھاپے مار رہی ہے ۔
.ذریعہ: Express News
کلیدی لفظ: ایک ہی
پڑھیں:
کراچی میں مختلف ٹریفک حادثات میں موٹر سائیکل سوار سمیت3 افراد جاں بحق
کراچی میں مختلف ٹریفک حادثات میں موٹر سائیکل سوار سمیت3 افراد جاں بحق ہوگئے، سیمنٹ میکسچر کی ٹکر سے موٹر سائیکل سوار جاں بحق ہونے پرمشتعل افراد نے کنکریٹ مکسر کو آگ لگادی، پولیس نے واقعے کے ذمے دار 2 ڈرائیورز کو گرفتار کرلیا۔ جوہر موڑ کے قریب تیز رفتار سیمنٹ میکسچر کی ٹکر سے پچیس سالہ موٹر سائیکل سوار عبدالصبور جاں بحق ہوگیا، موقعے پر موجود مشتعل افراد نے کنکریٹ مکسر کو آگ لگادی، پولیس نے ڈرائیور کو گرفتار کرلیا۔لیاقت آباد نمبر دس میں ٹریلر کی ٹکر سے موٹر سائیکل سوار جاں بحق ہوگیا، جاں بحق کی شناخت حیدر قریشی کے نام سے ہوئی، پولیس نے ٹریلر کو تحویل میں لیکر ڈرائیور کو گرفتار کرلیا۔کیماڑی ایک نمبر میں نامعلوم گاڑی کی ٹکر سے موٹر سائیکل سوار شخص جاں بحق ہوگیا، ریسکیو کے مطابق جاں بحق شخص کی شناخت نہیں ہو سکی، لاش کو ہسپتال منتقل کردیا گیا۔
پنجاب کے کالجز میں بھارتی گانوں پر رقص اورغیر اخلاقی سرگرمیوں پر پابندی