پاکستانی، بھارتیوں سے زیادہ خوش،دنیا کے خوش ترین 147 ممالک کی فہرست جاری
اشاعت کی تاریخ: 20th, March 2025 GMT
دنیا کے خوش ترین 147 ممالک کی فہرست جاری کردی گئی، جس میں مسلسل تیرہویں سال بھی فن لینڈ دنیا کا خوش ترین ملک قرار پایا۔
خبر رساں ادارے ’ایسوسی ایٹڈ پریس‘ (اے پی) کے مطابق آکسفورڈ یونیورسٹی کے زیر تحت ادارے کی جانب سے ممالک کی سماجی، معاشی، ہمدردانہ اور دوسروں کی مدد کرنے جیسی خصوصیات کو دیکھتے ہوئے جاری کردہ فہرست میں دنیا کے صرف 147 ممالک کو شامل کیا گیا ہے۔
فہرست میں اختتام پر افغانستان کو رکھا گیا ہے، یعنی افغانستان دنیا کا سب سے بدترین ملک ہے، جہاں کے لوگ خوش نہیں۔فہرست میں سعودی عرب کو 32، فرانس کو 33، برطانیہ کو 23 اور امریکا کو 24 ویں نمبر پر رکھا گیا ہے اور ان ممالک کا شمار دنیا کے خوش اور بہترین ترین 20 ممالک میں نہیں ہوتا۔
فہرست میں حیران کن طور پر اسرائیل کو دنیا کے خوش ترین 10 ممالک میں شامل کیا گیا ہے اور اسے آٹھویں نمبر پر رکھا گیا ہے۔جنوبی ایشیائی ممالک میں نیپال سب سے زیادہ خوش ملک ہے، جسے دنیا کا 92 واں خوش ترین ملک قرار دیا گیا ہے۔فہرست میں جاپان 50 ویں جب کہ چین 68 ویں نمبر ہے، کویت اور عمان جیسے ممالک ان سے زیادہ خوش ہیں۔
فہرست میں پہلے نمبر پر فن لینڈ ہے، جسے دنیا کا سب سے خوش ترین ملک قرار دیا گیا ہے اور اسے مسلسل 13 ویں سال دنیا کا خوش ترین ملک قرار دیا گیا ہے۔
خوش ترین ممالک میں دوسرے نمبر پر ڈنمارک، تیسرے نمبر پر آئس لینڈ، چوتھے پر سوئیڈن، پانچویں پر نیدرلینڈ، چھٹے پر کوسٹا ریکا، ساتویں پر ناروے، آٹھویں پر اسرائیل، نویں پر لکسمبرگ جب کہ دسویں پر میکسیکو ہے۔آسٹریلیا اور نیوزی لینڈ ترتیب وار گیارہویں اور بارہویں خوش ممالک ہیں جب کہ متحدہ عرب امارات 21 ویں نمبر ہے، تاہم وہ دنیا کا سب سے زیادہ خوش عرب ملک ہے۔فہرست میں فلسطین کو پاکستان سے زیادہ خوش ملک قرار دیا گیا ہے اور اسے 108 ویں نمبر پر رکھا گیا ہے۔
پڑوسی ملک بھارت کے مقابلے پاکستان زیادہ خوش ملک ہے، پاکستان کا فہرست میں 109 واں نمبر ہے جب کہ انڈیا 118 ویں نمبر پر ہے۔دنیا کے خوش ترین ممالک کی فہرست ہر سال خوشی کے عالمی دن یعنی 20 مارچ کو جاری کی جاتی ہے۔ورلڈ ہیپی نیس رپورٹ میں مختصر عناصر کی بنا پر کسی بھی ملک کی خوشی کا اندازہ لگایا جاتا ہے۔
پہلے نمبر پر اِن ملکوں کی درجہ بندی وہاں بسنے والوں لوگوں کی آمدنی (جی ڈی پی) ، دوسرا، صحت مند زندگی، تیسرے نمبر پر مشکل وقت میں سہارا ملنے کی توقع یا سماجی تعاون، چوتھا آزادی اور پانچویں نمبر پر سخاوت اور چھٹے نمبر پر ڈسٹوپیا (DYSTOPIA) جیسے عناصر پرکھنے کے بعد کی گئی۔
پہلے دو عناصر کو اعداد و شمار کی بنیاد پر اور دیگر عناصر کو سروے کی بنیاد پر پرکھا جاتا ہے، لوگوں سے کچھ سوالات پوچھے جاتے ہیں جن کی بنا پر ممالک کی درجہ بندی کی جاتی ہے۔
.ذریعہ: Daily Ausaf
کلیدی لفظ: ملک قرار دیا گیا ہے خوش ترین ملک قرار دنیا کے خوش ترین سے زیادہ خوش رکھا گیا ہے ویں نمبر پر گیا ہے اور فہرست میں ممالک میں ممالک کی ہے اور ا دنیا کا ملک ہے
پڑھیں:
پاکستان سمیت کئی ممالک پر امریکی دروازے بند ہونے کی اطلاع پر امریکا کی وضاحت
امریکی محکمہ خارجہ نے پاکستان سمیت کئی ممالک پر سفری پابندیوں کی خبروں کی تردید کردی۔
یہ بھی پڑھیں: امریکی ویزا آسانی سے کس طرح حاصل کیا جاسکتا ہے؟
حالیہ نیوز بریفنگ میں امریکی اسٹیٹ ڈیپارٹمنٹ کی ترجمان ٹیمی بروس نے جن رپورٹس کو مسترد کیا ان میں بتایا گیا تھا کہ امریکی حکومت نے متعدد ممالک پر نئی ویزا پابندیاں عائد کرنے کے لیے ایک فہرست تیار کرلی ہے اور مختلف ممالک کو 3 مختلف گروپس میں تقسیم کیا گیا ہے۔
محکمہ خارجہ نے افغانستان میں امریکی مشن کی مدد کرنے والے افغانوں کو آباد کرنے کے اپنے عزم کا اعادہ کرتے ہوئے نے واضح کیا کہ ایسی کوئی فہرست موجود نہیں ہے۔
ٹیمی بروس نے ایک اعتراف کیا کہ ٹرمپ انتظامیہ 20 جنوری کو جاری ہونے والے ایک ایگزیکٹو آرڈر کے بعد ویزا پالیسیوں کا وسیع پیمانے پر سیکیورٹی جائزہ لے رہی ہے۔
انہوں نے وضاحت کی کہ یہ جائزہ ویزا پالیسیوں کا جائزہ لینے اور امریکی سلامتی کو بہتر بنانے کے لیے جاری عمل کا حصہ ہے۔
مزید پڑھیے: امریکی کمپنیاں اب بیرون ملک رشوت دے کر ٹھیکے حاصل کرسکیں گی، صدر ٹرمپ نے قانونی پابندی ہٹادی
تاہم انہوں نے ان دعووں کی تردید کی کہ افغانستان ان ممالک کی فہرست میں شامل ہے جنہیں ویزا کے اجرا کی مکمل معطلی کا سامنا ہے۔
ترجمان کا یہ ردعمل ایک فہرست کے سامنے آنے کے بعد آیا ہے جس میں مبینہ طور پر پاکستان، افغانستان اور ایران جیسے 41 ممالک کو 3 گروپوں میں تقسیم کیا گیا تھا اور ان میں سے ہر ایک پر مکمل یا کسی نہ کسی حد تک سفری پابندیاں عائد کیے جانے کا بتایا جا رہا تھا۔
اس فہرست میں افغانستان، ایران، شام، کیوبا اور شمالی کوریا سمیت ممالک پر امریکا میں داخلہ مکمل طور پر بند کیے جانے کی اطلاع تھی۔
مذکورہ فہرست میں دوسرے گروپ میں 5 ممالک کو جزوی معطلی کا سامنے کا تذکرہ تھا جس سے سیاحتی اور طالب علموں کے ویزوں کے ساتھ ساتھ دیگر امیگرنٹ ویزے بھی متاثر ہونے کی جانب اشارہ کیا گیا تھا۔ ان ممالک میں پاکستان بھی شامل تھا۔
مزید پڑھیں: ٹرمپ کا عمران خان کو صاف انکار، پی ٹی آئی کے لیے خطرے کی گھنٹی
امریکا کی جانب سے اب جس فہرست کی تردید کی گئی ہے اس کے مطابق تیسرے گروپ میں شامل ممالک کو اس صورت میں امریکی ویزا کے اجرا کو جزوی طور پر معطل کرنے پر غور کیا جا رہا تھا جن کی حکومتیں 60 دن کے اندر دستاویزی خامیوں کو دور کرنے کی کوشش نہیں کرتیں۔ تاہم فہرست میں یہ واضح نہیں تھا کہ وہ خامیاں ہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکا کی ویزا پابندیاں امریکی اسٹیٹ ڈیپارٹمنٹ کی ترجمان ٹیمی بروس امریکی ویزوں پر قدغن
اقلیتوں کے جان و مال کے تحفظ کو ریڈ لائن قرار دے کر یقینی بنایا جارہا ہے،مریم نواز شریف