گوگل سرچ میں صحت سے متعلق نئے اے آئی فیچرز کا اضافہ
اشاعت کی تاریخ: 20th, March 2025 GMT
اکثر افراد اپنی خراب طبیعت پر پریشان ہوکر گوگل سرچ کا رخ کرکے جاننے کی کوشش کرتے ہیں کہ وہ کسی سنگین مرض کے شکار تو نہیں۔یہی وجہ ہے کہ گوگل کی جانب سے سرچ انجن میں آرٹی فیشل انٹیلی جنس (اے آئی) ٹیکنالوجی پر مبنی فیچرز کا اضافہ کیا جا رہا ہے جن کا مقصد لوگوں کو صحت سے متعلق تفصیلات کے حصول میں مدد فراہم کرنا ہے۔گوگل کی جانب سے بتایا گیا کہ اے آئی اور رینکنگ سسٹم کو استعمال کرکے نالج پینل میں صحت سے متعلق ہزاروں موضوعات کے جوابات دیے جائیں گے۔گوگل سرچ میں پہلے ہی نالج پینل میں مختلف امراض جیسے فلو یا نزلہ زکام کے بارے میں سوالات کے جوابات فراہم کیے جاتے ہیں مگر اب اس میں متعدد موضوعات کا اضافہ کیا جا رہا ہے۔گوگل کی جانب سے واٹ پیپل سجیسٹ نامی سرچ فیچر بھی متعارف کرایا جا رہا ہے۔یہ فیچر سب سے پہلے امریکا میں صارفین کو دستیاب ہوگا اور اس کے ذریعے لوگ ایسے مواد کو دیکھ سکیں گے جو مختلف امراض یا صحت سے متعلق موضوعات کے حوالے سے انٹرنیٹ صارفین نے شیئر کیا ہوگا۔مثال کے طور پر اگر کوئی فرد جوڑوں کی تکلیف کے حوالے سے کسی ورزش کے بارے میں پوچھتا ہے تو اس فیچر کے تحت اے آئی کو استعمال کرکے ویب پر موجود متعدد فورسز کی رپورٹس تک رسائی فراہم کی جائے گی۔اس فیچر کا بنیادی مقصد یہی ہے کہ لوگ صحت سے متعلق مشوروں کے لیے ریڈیٹ یا دیگر ذرائع پر جانے کی بجائے بس گوگل سرچ تک محدود رہیں۔گوگل کی چیف ہیلتھ آفیسر کیرن ڈی سالوو نے بتایا کہ بیشتر افراد گوگل سرچ پر قابل اعتبار طبی تفصیلات ڈھونڈنے کے لیے آتے ہیں اور وہ دیگر افراد کے اس طرح کے تجربات کو بھی اہمیت دیتے ہیں۔انہوں نے بتایا کہ اے آئی کی مدد سے ہم نے آن لائن فورمز میں لوگوں کی جانب سے بیان کیے گئے تجربات کو ایک جگہ منظم کر دیا ہے۔
.ذریعہ: Nawaiwaqt
کلیدی لفظ: کی جانب سے گوگل سرچ گوگل کی اے آئی
پڑھیں:
ایف بی آر کے ٹیکس دفاتر کے اوقات کار میں اضافہ
کلیم اختر : ایف بی آر کے ٹیکس دفاتر کے اوقات کار بڑھا دئیے گئے
رمضان میں ایف بی آر نے ٹیکس دفاتر کے اوقات کار مزید 2گھنٹے بڑھا دئیے،تمام ٹیکس دفاتر کو 3بجے کی بجائے 5 بجے تک کھلے رکھنے کی ہدایت جاری کی گئی ، ٹیکس اہداف حاصل کرنے کے پیش نظر اوقات کار میں ا ضافہ کیا گیا،اس سے قبل ٹیکس دفاتر کی ٹائمنگ صبح 9 سے دوپہر 3 بجے تک رکھی گئی تھی،مقررہ اوقات میں افسران کی دفاتر میں موجودگی یقینی بنانے کی ہدایت کی گئی ، ٹیکس دہندگان کی سہولت کیلئےتمام تروسائل بروئےکار لانے کی ہدایت کردی گئی
بیٹے نے کھانے میں معمولی تاخیر پر ماں کو قتل کردیا
ممتاز قانون دان خالد انور کراچی میں انتقال کرگئے