چینی طرز کی جدیدکاری کے عمل میں صوبہ یون نان کا نیا منظرنامہ دکھانا ہوگا،چینی صدر
اشاعت کی تاریخ: 20th, March 2025 GMT
بیجنگ : چین کے صدر شی جن پھنگ نے چین کے صوبہ یون نان میں اپنے حالیہ دورے کے دوران اس بات پر زور دیا کہ یون نان کو مغربی علاقوں کے عظیم ترقیاتی منصوبے اور دریائے یانگسی کی اقتصادی پٹی سے متعلق سی پی سی کی مرکزی کمیٹی کی حکمت عملی پر ایمانداری کے ساتھ عمل درآمد کرتے ہوئے نئے ترقیاتی تصور کو مکمل، درست اور جامع طور پر نافذ کرنا ہوگا،مستحکم انداز میں ترقی کرنے کے اصول کے مطابق اعلی معیار کی ترقی پر زور دینا ہوگا اور چینی طرز کی جدیدکاری کے عمل میں صوبہ یون نان کا نیا منظرنامہ دکھانا ہوگا۔ جمعرات کے روز شی جن پھنگ نے یون نان کے صوبائی پارٹی کمیٹی کے سیکریٹری وانگ نینگ اور گورنر وانگ یوئی بو کے ہمراہ تحقیق اور معائنے کے لیے لی جیانگ شہر اور صدر مقام کھونگ مینگ سمیت دیگر مقامات کا دورہ کیا۔ 19 تاریخ کی سہ پہر کو شی جن پھنگ یون نان کی پھولوں کی صنعت کی ترقی کے حوالے سے جاننے کے لئے لی جیانگ ماڈرن فلاور انڈسٹریل پارک پہنچے۔ شی جن پنگ قدیم شہر لی جیانگ کی تعمیر کی تاریخ، ناشی قومیت کی رہائش گاہوں کی خصوصیات، مقامی ثقافتی ورثے کے تحفظ اور استعمال، اور ثقافت و سیاحت کی مربوط ترقی کے فروغ کے بارے میں مزید جاننے کے لئے پرانے شہر لی جیانگ گئے تھے۔ 20 تاریخ کی صبح انہوں نے صوبہ یون نان کی صوبائی پارٹی کمیٹی اور صوبائی حکومت کی ورک رپورٹ سنی،یون نان کے تمام شعبوں میں حاصل شدہ کامیابیوں کی توثیق کرنے کے ساتھ ساتھ اگلے مرحلے کے کاموں کے لئے ہدایات دیں۔ شی جن پھنگ نے نشاندہی کی کہ صنعتی تبدیلی اور اپ گریدیشن کو فروغ دینا اعلی معیار کی ترقی کی کلید ہے۔ صوبہ یون نان کو سائنسی اور تکنیکی جدت طرازی کی رہنمائی میں وسائل پر مبنی صنعتوں کو مضبوط بنانے اور وسعت دینے کے ساتھ ساتھ اسٹریٹجک ابھرتی ہوئی صنعتوں اور مستقبل کی صنعتوں کو فعال طور پر فروغ دینا چاہئے اور سطح مرتفع کی خصوصیت کی حامل زراعت اور ثقافتی سیاحت کی صنعتوں کی ترقی کو تیز کرنا چاہئے۔ شی جن پھنگ نے اس بات پر زور دیا کہ صوبہ یون نان کے لئے اعلیٰ معیار کے کھلے پن کو فعال طور پر فروغ دے کر جنوبی ایشیا اور جنوب مشرقی ایشیا کے لیے ایک ترقیاتی مرکز بنانے کی کوشش کرنی چاہیئے۔اس سلسلے میں اعلیٰ معیار کے پائلٹ فری ٹریڈ زون کی تعمیرکرنی ہوگی اور ہمسایہ ممالک کے ساتھ اقتصادی، سائنسی اور تکنیکی، باصلاحیت افراد، طبی اور ثقافتی شعبوں میں میل جول اور تعاون کو بڑھانا ہوگا تاکہ بیلٹ اینڈ روڈ کی اعلیٰ معیار کی مشترکہ تعمیر کے ٹھوس فوائد لوگوں تک پہنچائے جاسکیں۔
Post Views: 2.ذریعہ: Daily Mumtaz
کلیدی لفظ: شی جن پھنگ نے لی جیانگ یون نان کے ساتھ کی ترقی کے لئے
پڑھیں:
فارمیسی شعبے میں خطرناک حد تک بڑھتی بیروزگاری، نئے اداروں کو این او سی دینے پر پابندی
کراچی(نیوز ڈیسک) پاکستان میں فارمیسی کے شعبے میں خطرناک حد تک بڑھتی ہوئی بے روزگاری اور ملازمت کے مواقع محدود ہونے کے باعث فارمیسی کونسل آف پاکستان (PCP) نے اپنے 62ویں اجلاس نئے فارمیسی اداروں کو نو آبجیکشن سرٹیفکیٹس (این او سی) دینے پر پابندی عائد کردی ہے جس کا باقاعدہ مراسلہ جاری کردیا گیا ہے۔
فارمیسی کونسل آف پاکستان کے نائب صدر/ سیکرٹری سردار شبیر احمد کے جاری کردہ مراسلے کے مطابق پابندی 31 مئی 2025 سے ایک برس کی مدت کے لیے نافذ العمل ہوگی اور اسے مزید ایک سال کے لیے بڑھایا جاسکے مراسلہ کے مطابق یہ فیصلہ اس لیے کیا گیا ہے ہے کہ منظور شدہ فارمیسی انسٹی ٹیوٹ کی تعداد اور ان کو دی گئی۔
نشستیں پہلے سے ہی مارکیٹ میں دستیاب ملازمت کے مواقع سے غیر متناسب ہیں اور فارغ التحصیل فارماسسٹوں کی تعداد موجودہ مارکیٹ کی موجودہ ضروریات کو پورا کرنے کے لیے کافی ہیں جب کہ اس شعبے میں بے روزگاری خطرناک حد تک بڑھ رہی ہے۔
مراسلہ میں مزید کہا گیا ہے کہ منظور شدہ فارمیسی انسٹی ٹیوٹ کی موجودہ تعداد ایسی ہے کہ PCP کی طرف سے اپنے موجودہ وسائل اور انسانی سرمائے کے ساتھ مستقل اور باقاعدہ نگرانی ممکن نہیں ہے۔
نتیجتاً کئی اداروں کی طرف سے تعلیم کے معیار سے سمجھوتہ کیا جا رہا ہے اور فیکلٹی کی ضرورت پر خاص طور پر سمجھوتہ کیا جا رہا ہے۔
لہذا پاکستان فارمیسی کونسل (پی سی پی) موجودہ فارمیسی اداروں کی ساختی نگرانی پر توجہ مرکوز کرے گا، جس میں تدریس کے معیار کو بڑھانے پر خصوصی زور دیا جائے گا۔ اس کا مقصد تعلیم اور ہنر کے معیار کو بہتر بنانا ہے۔
مراسلہ میں کہا گیا ہے 30 مئی 2025 تک موصول شدہ درخواستوں پر یہ فیصلہ لاگو نہیں ہوگا، تاہم درخواستوں پر تمام قانونی اور طریقہ کار کے مطابق کارروائی کی جائے گی۔
Post Views: 1
ممتاز قانون دان خالد انور کراچی میں انتقال کرگئے