مصطفیٰ عامر کیس؛ کامران قریشی کی جانب سے بیٹے ارمغان کی سہولتکاری کا انکشاف
اشاعت کی تاریخ: 20th, March 2025 GMT
کراچی ( اُردو پوائنٹ اخبارتازہ ترین۔ 20 مارچ 2025ء ) مصطفیٰ عامر قتل کیس کی تفتیش کے دوران گرفتار کیے جانے والے کامران قریشی کی جانب سے بیٹے ارمغان کی سہولتکاری کا انکشاف سامنے آگیا۔ اس حوالے سے ڈی آئی جی سی آئی اے مقدس حیدر نے بتایا ہے کہ ملزم کامران قیریشی کو پولیس مقابلہ کیس میں گرفتار کیا گیا ہے، ملزم سے منشیات سے متعلق بھی تفتیش کی جائے گی، ڈیفنس کا گھر بھی کامران قریشی نے کرائے پر لیا تھا، جب ڈیفنس کے بنگلے پر چھاپہ مارا گیا تھا تو اس دوران اے وی سی سی پر شدید فائرنگ کی گئی تھی جس میں ڈی ایس پی سمیت 2 اہلکار زخمی ہوئے تھے، پولیس پر حملے میں استعمال یہ اسلحہ کامران قریشی نے خریدا تھا۔
پولیس حکام کا کہنا ہے کہ قتل کیس کے ملزم ارمغان سے تحقیقات میں مزید اہم شواہد حاصل کر لیے گئے ہیں، جن سے پتا چلا ارمغان کے گھر سے ملنے والے کئی ہتھیار پشاور سے خریدے گئے، کامران قریشی نے ہتھیار خرید کر ارمغان کو دیئے تھے، ان کے اسلحہ خریدتے وقت کی فوٹیجز بھی حاصل کر لی گئی ہیں، کئی فوٹیجز ملزم کے موبائل فون سے ملی ہیں جب کہ ارمغان کو کچھ اسلحہ بلال ٹینشن نے بھی لے کر دیا۔(جاری ہے)
بتایا جارہا ہے کہ مصطفیٰ عامر قتل کیس میں پکڑے جانے والے ملزم ارمغان کے والد کامران قریشی کو منشیات فروشی کے الزام میں گرفتار کرلیا گیا ہے، اے وی سی، سی سی آئی اے پولیس نے کراچی کے علاقے ڈیفنس میں کارروائی کرکے منشیات فروشی میں ملوث ملزم کامران قریشی کو گرفتار کیا، ملزم سے منشیات اور غیر قانونی اسلحہ بھی برآمد ہوا، اس سلسلے میں اے وی سی سی پولیس نے خفیہ اطلاع پر 7th سٹریٹ، بنگلہ نمبر 35، خیابان مومن فیز 5، گزری کراچی میں کارروائی کی۔ پولیس حکام نے بتایا کہ گرفتار ملزم کا نام کامران اصغر قریشی ولد اصغر قریشی ہے، ملزم کے قبضہ سے 200 گرام آئس اور ایک 9 ایم ایم پسٹل بمعہ 2 میگزین 10 گولیاں برآمد ہوئی، گرفتار ملزم کے خلاف کنٹرول آف نارکوٹیکس سبسٹینس ایکٹ اور بلا لائسنس اسلحہ رکھنے کے تحت مقدمہ درج کرنے کے بعد اس حوالے سے تفتیش کا آغاز کردیا گیا، اس کے علاوہ چند روز قبل مصطفیٰ عامر قتل کیس کے ملزم ارمغان کے والد نے پبلک پراسیکوٹر کو دھمکیاں بھی دی تھیں، مصطفیٰ عامر قتل کیس میں ملزم ارمغان کے والد کامران قریشی کی کیس کے سپیشل پبلک پراسیکیوٹر ذوالفقارعلی آرائیں کو مبینہ دھمکی کے حوالے سے متعلقہ حکام کو آگاہ کیا گیا۔.ذریعہ: UrduPoint
کلیدی لفظ: تلاش کیجئے کامران قریشی عامر قتل کیس ارمغان کے
پڑھیں:
مصطفیٰ قتل کیس: ملزم ارمغان کے والد کو شامل تفتیش کرنے کا فیصلہ
کراچی کے علاقے ڈیفنس کے رہائشی نوجوان مصطفیٰ عامر کے قتل کے کیس میں ملزم ارمغان کے والد کامران اصغر قریشی کو شامل تفتیش کرنے کا فیصلہ کرلیا۔اس حوالے سے پولیس نے انسداد دہشت گردی عدالت کو آگاہ کردیا ہے۔پولیس رپورٹ کے مطابق ملزم ارمغان نے مصطفیٰ عامر کو قتل کے فوراً بعد اپنے والد کو اگاہ کیا، ملزم کامران اصغرقریشی نے پولیس کو اطلاع کےبجائے بیٹے کو رپوشی کا مشورہ دیا۔رپورٹ میں بتایا گیا کہ ملزم ارمغان اپنے والد کے مشورے پر شیراز کے ہمراہ اسکردو اور دیگرعلاقوں میں روپوش رہا۔پراسیکیوشن ذرائع کا کہنا ہے کہ ملزم ارمغان کی انسداد دہشت گردی کورٹ میں تکرار اور ڈرامہ ہے. ملزم ارمغان نے والد کو گرفتاری سے بچنے کیلئے امریکہ جانے کا کہا ہے. اگر ملزم کامران قریشی گرفتار نہ ہوا تو کسی وقت بھی فرار ہوجائے گا۔
پنجاب، خیبرپختونخوا، گلگت بلتستان اور آزاد کشمیر میں ابر رحمت، موسم خوشگوار