چینی صدر کا صوبہ یون نان کے لی جیانگ شہر کا دورہ
اشاعت کی تاریخ: 20th, March 2025 GMT
چینی صدر کا صوبہ یون نان کے لی جیانگ شہر کا دورہ WhatsAppFacebookTwitter 0 20 March, 2025 سب نیوز
بیجنگ : چینی صدر شی جن پھنگ نے صوبہ یون نان کے لی جیانگ شہر میں ماڈرن فلاور انڈسٹریل پارک اور قدیم شہر لی جیانگ کا دورہ کیا جہاں انہوں نے مقامی حالات کے مطابق خصوصی زراعت کی ترقی ، تاریخی اور ثقافتی ورثے کے تحفظ اور استعمال ، اور چینی قوم کی یکجہدی کے احساس کو فروغ دینے کے بارے میں معلومات حاصل کیں۔
.ذریعہ: Daily Sub News
کلیدی لفظ: لی جیانگ
پڑھیں:
چین نے رواں برس کینیڈا کے چار شہریوں کو موت کی سزا دی
اسلام آباد (اُردو پوائنٹ ۔ DW اردو۔ 20 مارچ 2025ء) کینیڈا کی وزیر خارجہ میلانیا جولی نے بدھ کے روز بتایا کہ کینیڈا کی حکومت کی طرف سے رحم کی اپیلوں کے باوجود، چین نے حالیہ ہفتوں میں کینیڈا کے چار شہریوں کو موت کی سزا دے دی۔
وزیر خارجہ جولی نے اوٹاوا میں میڈیا سے بات کرتے ہوئے کہا، "ہم چین میں کینیڈا کے شہریوں کے خلاف ہونے والی پھانسیوں کی شدید الفاظ میں مذمت کرتے ہیں۔
"جوابی کارروائی میں چین نے بھی کینیڈا کے سفیر کو ملک بدر کر دیا
جولی نے کہا کہ وہ اور سابق وزیر اعظم جسٹن ٹروڈو نے بھی چین سے ملزمان کو معاف کر دینے کی اپیل کی تھی۔ انہوں نے کہا، "میں نے ذاتی طور پر نرمی کرنے کی درخواست کی تھی۔۔۔۔ تمام متاثرہ افراد دوہری شہریت رکھتے تھے۔
(جاری ہے)
''
انہوں نے کہا کہ وہ اس بارے میں مزید تفصیلات ظاہر نہیں کر سکتی کیونکہ چاروں کینیڈین شہریوں کے اہل خانہ نے رازداری کی درخواست کی ہے۔
عالمی امور کی ترجمان شارلٹ میکلوڈ نے کہا کہ کینیڈا متاثرہ خاندانوں کو قونصلر مدد فراہم کرتا ہے اور انہوں نے میڈیا سے درخواست کی کہ وہ ان کی رازداری کا احترام کریں۔
چینی صدر اور کینیڈا کے وزیر اعظم کے درمیان تلخ کلامی کا معاملہ کیا ہے؟
چین نے اس پر کیا کہا؟چین کے گلوب اینڈ میل اخبار میں ان موت کی سزاؤں پر ایک سرکاری بیان شائع ہوا، جس میں کہا گیا کہ کینیڈا کے چاروں شہری منشیات کے جرائم کے مرتکب پائے گئے تھے۔
اخبار میں شائع ہونے والے بیان میں کہا گیا ہے کہ "منشیات سے متعلق جرم ایک ایسا سنگین جرم ہے، جسے دنیا بھر میں معاشرے کے لیے انتہائی نقصان دہ تسلیم کیا جاتا ہے۔"
اس میں مزید کہا گیا، "چین ہمیشہ منشیات سے متعلق جرائم پر سخت سزائیں دیتا ہے اور منشیات کے مسئلے پر 'زیرو ٹالرنس' کا رویہ اپنا رکھا ہے۔"
نیدرلینڈز اور کینیڈا میں چینی ’پولیس مراکز‘ کی تحقیقات
اوٹاوا میں چینی سفارتخانے کے ترجمان نے کہا، "مقدمات میں ملوث کینیڈین شہریوں کے جرائم کے حقائق واضح ہیں، اور ان کے خلاف ثبوت ٹھوس اور کافی تھے۔
"سفارت خانے کے ترجمان نے کہا کہ بیجنگ "متعلقہ کینیڈین شہریوں کے حقوق اور مفادات کی مکمل ضمانت دیتا ہے" اور کینیڈا کی حکومت پر زور دیا کہ وہ اس بارے میں "غیر ذمہ دارانہ ریمارکس دینا بند کرے۔"
کینیڈا: فائیو جی نیٹ ورک کے لیے دو چینی کمپنیوں پر پابندی کا فیصلہ
دونوں ممالک کے درمیان حالیہ برسوں میں تعلقات خراب ہوئے ہیں ۔ چین نے اسی ماہ درآمدات پر جوابی محصولات بھی عائد کیے ہیں۔
دونوں ممالک کے درمیان 2019 اور 2021 میں کینیڈا کے انتخابات میں چینی مداخلت کے الزامات پر بھی ایک دوسرے کے ساتھ تنازع ہوا تھا۔
ص ز/ ج ا (اے پی، اے ایف پی)
گلگت بلتستان کے وکلاء کی ہڑتال 5 اپریل تک توسیع دینے کا اعلان