جسے دیکھو شاہد آفریدی بنا ہوا ہے، نئے لڑکوں میں ٹیلنٹ نظر نہیں آرہا، شاہد آفریدی کی ٹیم پر سخت تنقید
اشاعت کی تاریخ: 20th, March 2025 GMT
سابق ٹیسٹ کپتان شاہد خان آفریدی نے قومی کرکٹ ٹیم میں رد و بدل پر شدید تنقید کرتے ہوئے کہا ہے کہ کھیل میں چھکا چوکا اچھی چیز ہے مگر جسے دیکھو شاہد آفریدی بنا ہوا ہے، بیٹر کو وقت کی نزاکت کے مطابق سنگل اور ڈبلز بھی بنانے ہوتے ہیں، نئے لڑکوں میں ٹیلنٹ نظر نہیں آرہا۔
لاہور میں مقامی ہوٹل میں میڈیا سے گفتگو کرتے ہوئے شاہد آفریدی نے کہا کہ مسلسل کرکٹ کھیلنے سے کھلاڑی تھکاوٹ کا شکار ہو جاتے ہیں، کھلاڑیوں کو آرام دینا چاہیے۔ چاہے وہ بابراعظم ہو یا پھر کوئی اور ہو۔ لیکن 10 یا 11 فرسٹ کلاس کھیلنے والوں کو دورہ نیوزی لینڈ پر بھیج دیا گیا۔
مزید پڑھیں: نیوزی لینڈ کے خلاف پاکستانی ٹیم کو ایک اور شکست، ’کلب لیول کا بولر بھی شاہین آفریدی سے اچھی بالنگ کرلیتا‘
ان کا کہنا تھا کہ جہاں اسپنر کی ضرورت تھی وہاں پیسر بھیج دیے گئے۔ بیٹنگ کوچ محمد یوسف کھلاڑیوں کو آف سپن بولنگ پر کھیلنا سیکھا رہے ہیں، پاکستان ٹیم کے لیول پر سیکھایا نہیں جاتا۔ یہ کوئی انڈر 14 کی ٹیم ہے۔
شاہد آفریدی نے کہا کہ عثمان خان اور محمد حسنین جیسے باصلاحیت کرکٹرز کو موقع نہیں دیا جا رہا، ان کھلاڑیوں کو بینچ پر بیٹھا رکھا ہے۔ ہر وکٹ پر 200 سکور نہیں ہو سکتے۔ پاکستان کرکٹ کو صرف مستقل کوچ ہی نہیں بلکہ مستقل چیئرمین کی بھی ضرورت ہے۔
مزید پڑھیں: نیوزی لینڈ سے شکست کے باوجود مثبت چیزیں ہوئی، سلمان علی آغا
انہوں نے کہا کہ بابراعظم کو 4 سال تک کپتانی کے بھرپور مواقع دیے گئے، یہ اچھا اقدام تھا۔ دوسری جانب محمد رضوان کو صرف 6 ماہ کی کپتانی سونپی گئی۔ پاکستان میں ٹیلنٹ بہت ہے ضائع بھی اس ہی حساب سے ہو رہا ہے۔ پاکستان ٹیم سیکھنے سکھانے کی جگہ نہیں۔ یہاں کوئی نظام نہیں، دیگر ممالک میں کھلاڑی ایک نظام کے تحت آتے ہیں۔
شاہد آفریدی کا کہنا تھا کہ ہمیشہ کہتا آیا ہوں کہ آپ کا بینچ مضبوط ہونا چاہیے، اگر ٹیم میں بابر، رضوان یا شاہین نہ ہو تو پیچھے بینچ پر ان کا متبادل بیٹھا ہونا چاہیے تاکہ ان کی کمی محسوس ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم شاہد آفریدی شاہین شاہ آفریدی قومی ٹیم محمد رضوان نیوزی لینڈ.ذریعہ: WE News
کلیدی لفظ: شاہد ا فریدی شاہین شاہ ا فریدی قومی ٹیم محمد رضوان نیوزی لینڈ شاہد ا فریدی نیوزی لینڈ
پڑھیں:
لوگ انتظار میں ہوتے ہیں کہ ٹیم ہارے تو تنقید کریں، حارث رؤف
پاکستان کے دائیں ہاتھ کے فاسٹ بولر حارث رؤف نے قومی کرکٹ ٹیم پر مسلسل تنقید مایوسی کا اظہار کرتے ہوئے کہا ہے کہ لوگ انتظار کررہے ہوتے ہیں کہ قومی ٹیم ہارے اور ہم تنقید شروع کریں۔
منگل کے روز اوول میں نیوزی لینڈ کے خلاف بارش سے متاثرہ دوسرے ٹی 20 انٹرنیشنل میں پانچ وکٹوں سے شکست کے بعد پاکستانی ٹیم پر شائقین کی جانب سے سخت تنقید کی جارہی ہے۔
یہ بھی پڑھیں: نیوزی لینڈ نے دوسرے ٹی20 میچ میں پاکستان کو 5 وکٹوں سے شکست دیدی
میچ کے بعد کی پریزنٹیشن میں حارث رؤف نے ابھرتے ہوئے کھلاڑیوں کو سپورٹ کرنے کی ضرورت پر زور دیتے ہوئے کہا کہ پاکستان میں تنقید کا کلچر معمول بن چکا ہے، کھلاڑیوں پر تنقید کرنا ایک عام سی بات ہے، یہ نوجوان کھلاڑی ہیں جنہیں موقع دیا گیا ہے۔
حارث رؤف نے نشاندہی کی کہ دوسری ٹیمیں نوجوان کھلاڑیوں کو کامیابی کے لیے کافی مواقع فراہم کرتی ہیں، اکثر انہیں ایڈجسٹ کرنے کے لیے 10 سے 15 میچز کھلینے کا موقع دیتی ہیں۔
یہ بھی پڑھیں: حارث رؤف نے نومولود بیٹے کے ساتھ ویڈیو شیئر کردی، نام بھی بتادیا
انہوں نے مزید کہا کہ جب آپ پہلی بار بین الاقوامی کرکٹ میں داخل ہوتے ہیں تو آپ جدوجہد کرتے ہیں، یہ اب پاکستان میں عام ہو گیا ہے کہ لوگ ہمیں ہارتے ہوئے دیکھنے کے منتظر رہتے ہیں اور ساتھ ہی تنقید شروع کردیتے ہیں، لوگوں کی اپنی رائے ہے۔
یاد رہے کہ پاکستان اور نیوزی لینڈ کے درمیان دو طرفہ ٹی20 سیریز کا تیسرا اور اہم میچ جمعے کے روز کھیلا جائے گا،اس میچ میں پاکستان کو شکست ہوتی ہے تو نیوزی لینڈ کو 5 میچوں کی سیریز میں ناقابل تسخیر برتری حاصل ہوجائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان تنقید حارث رؤف شکست قومی ٹیم نیوزی لینڈ
سندھ کو پانی کم ملے گا تو کراچی کو بھی کم ملے گا، جماعت اسلامی