کینسر ہیپاٹائٹس سمیت 4 بیماریوں کی ادویات گھر گھر پہنچائی جا رہی ہیں: عظمیٰ بخاری
اشاعت کی تاریخ: 20th, March 2025 GMT
فوٹو بشکریہ انسٹاگرام اکاؤنٹ
وزیرِ اطلاعات پنجاب عظمیٰ بخاری نے کہا ہے کہ کینسر ہیپاٹائٹس سمیت چار بیماریوں کی ادویات گھر گھر پہنچائی جا رہی ہیں، کینسر کے مریضوں کی ادویات تو پی ٹی آئی نے بند کر دی تھیں۔
عظمیٰ بخاری نے کہا ہے کہ 10 لاکھ روپے کا ڈائیلائسز کارڈ مریضوں کو مل رہا ہے، نیا پاکستان منصوبے میں 3 سال میں صرف 600 گھر بنے، اس کی تعمیرات کرنے والا ہی بھاگ کیا کیونکہ ناقص میٹریل استعمال کیا گیا تھا۔
انہوں نے کہا کہ جدید ترین ٹریکٹر اور سپر سیڈز کسانوں کو دیے، کسانوں سے خیرات کے نام پر 500 سو روپے بزدار نے ہتھیائے، ورلڈ بینک پروگرام کے تحت 3 سو روپے کسانوں کو دینے کے لیے کسان کارڈ بنوائے، کسان کارڈ پہلے بھی نواز شریف نے اپنے دورِ حکومت میں شروع کیا تھا، 10 ہزار ٹریکٹرز کسانوں کو دیے جا چکے ہیں۔
وزیراطلاعات و نشریات پنجاب عظمیٰ بخاری نے کہا ہے کہ ایک تحریک بائیکاٹ ہے، جس کا کام ہی بائیکاٹ کرنا ہے۔
عظمیٰ بخاری کا کہنا ہے کہ جرنلسٹ ہاؤسنگ سوسائٹی فیز ون شہباز شریف نے بنایا تھا، بزدار حکومت میں دو کسانوں کو ٹھوکر پر گولیاں مار کر قتل کیا گیا تھا۔
وزیرِ اطلاعات پنجاب نے کہا ہے کہ 54 ارب روپے کے قرضے چھوٹے کسانوں کو دیے جا چکے ہیں، کسانوں نے ان کے کارڈز لیے ہی نہیں تھے، 7 ہزار کلو میٹر سے زیادہ سڑکیں پنجاب میں بنائی جا چکی، تحریکِ انصاف کے رنگ کرنے سے پراجیکٹ ان کا تو نہیں ہو جائے گا۔
ان کا کہنا ہے کہ لاہور پریس کلب کو دو کروڑ روپے بزدار دور میں دیے گئے تو ہم نے 200 فیصد گرانٹ دی، جو ملک کے خلاف سازشیں کرتی ہو وہ سیاسی جماعت نہیں ہو سکتی۔
وزیرِ اطلاعات پنجاب نے کہا کہ بانیٔ پی ٹی آئی نے نشئیوں کے لیے اڈے پناہ گاہ بنائے، منشیات والے افراد کا بہت خیال ہوتا تھا ان کو، ان کے لیے پناہ گاہوں کا اہتمام کیا تھا، شوکت خانم بھی آپ نے ہمارے پیسوں سے بنایا تھا، آپ نے پاکستانی قوم کو پاگل بنا کر پیسے لیے تھے۔
ان کا کہنا ہے شوکت خانم اسپتال کے لیے نوازشریف نے زمین اور 50 کروڑ روپے میاں شریف نے دیے، نوازشریف کینسر اسپتال کی 5 منزلیں کھڑی ہو چکی ہیں۔
وزیرِ اطلاعات پنجاب عظمیٰ بخاری نے کہا ہے کہ 76 سالہ تاریخ میں کسی حکومت نے اتنے منصوبے شروع نہیں کیے جتنے مریم نواز نے 1 سال میں مکمل کر دیے۔
عظمیٰ بخاری نے کہا ہے کہ ایکسپو سینٹر میں کورونا کے ایک ایک بیڈ پر ڈیڑھ لاکھ روپے لگائے، اس کرپشن کی تحقیقات ہو رہی ہیں، بانیٔ کو پاکستان کو سری لنکا بنانا، ڈیفالٹ کروانا سازشیں کرنا ہی اچھا لگتا ہے۔
انہوں نے کہا کہ احمد خان بھچر کی عینک کا نمبر تبدیل کرواؤ، جھینگا فارمنگ کے تحت جھینگا باہر بھجوا کر زرِمبادلہ بھی کما چکے، ہم اب احمد خان بھچر کو جھینگے بھجوائیں گے، پی ٹی آئی دور میں جھینگا فارمنگ کا کوئی ریکارڈ ہی موجود نہیں۔
عظمیٰ بخاری نے یہ بھی کہا ہے کہ آپ کے 90 ملین پاؤنڈ اور توشہ خانہ کھانے والے مہاتما کچھ بھی جھوٹ بول سکتے ہیں، 10 لاکھ روپے آسان کاروبار پروگرام کے تحت دیے جا رہے ہیں۔
.ذریعہ: Jang News
کلیدی لفظ: بخاری نے کہا ہے کہ اطلاعات پنجاب کسانوں کو کے لیے
پڑھیں:
پنجاب میں امن و امان کی خراب صورتحال پر حکومتی و اپوزیشن ارکان یک زبان
پنجاب میں امن و امان کی خراب صورتحال پر حکومتی اور اپوزیشن ارکان یک زبان ہوگئے۔
صوبے میں امن و امان کی صورتحال پر اسپیکر پنجاب اسمبلی ملک محمد احمد خان، اپوزیشن لیڈر ملک احمد خان بھچر، چوہدری افتخار حسین، پیر اشرف رسول و دیگر نے اظہار خیال کیا۔
اسپیکر پنجاب اسمبلی نے کہا کہ قصور میں نوجوان کو ڈیڑھ سو روپے ادھار واپس نہ دینے پر قتل کیا گیا، ایک نوجوان بیٹے نے کھانا نہ دینے پر ماں کو سر پر ڈنڈا مار کر قتل کردیا۔
انہوں نے مزید کہا کہ معاشرے میں عدم برداشت پر قابو پانے کےلیے صوبہ کو اسلحہ سے پاک کرنا ہوگا، جتنا اسلحہ پنجاب میں ہے شریف شہری ڈر کر رہتا ہے۔
چوہدر افتخار حسین نے کہاکہ کھڈیاں خاص میں نوجوان کے قاتل دندناتے پھر رہے ہیں پولیس ان کا تحفظ کررہی ہے۔
پیر اشرف رسول نے کہا کہ کیا ایم پی اے کی اتنی اہمیت ہی رہ گئی ہے کہ کوئی سپاہی بھی ان کی بات نہ مانے۔
انہوں نے یہ بھی کہا کہ پولیس والے تو اپیل بھی نہیں سنتے پولیس تو سیاسی پارٹی بن چکی ہے، پنجاب پولیس دو دھڑوں میں تقسیم ہو چکی ہے۔
اپوزیشن لیڈر ملک احمد خان بھچر نے کینسر کے بڑھتے کیسز پر قرارداد پیش کی۔
قرارداد کے متن کے مطابق ملک بھر میں کینسر کے مریضوں میں تیزی سے اضافہ ہو رہا ہے، ہر 8 میں سے ایک خاتون بریسٹ کینسر کا شکار ہو رہی ہے۔
قرارداد میں مزید کہا گیا کہ پنجاب میں کینسر کےمریضوں کے لیے سرکاری سہولیات نہ ہونے کے برابر ہیں۔
اپوزیشن لیڈر نے کہا کہ حکومت اتنی نالائق ہے کہ صحت کا بجٹ صرف 25 فیصد خرچ ہوا، اب یہ حکومت ایک ہزار ہیلتھ سینٹرز پرائیویٹائز کرنے جارہی ہے۔
قرارداد پر پارلیمانی سیکریٹری خالد رانجھا نے کہا کہ اس قرارداد کا جواب ابھی تک نہیں آیا۔
چیئرپرسن سمیع اللّٰہ نے کہا کہ آخری موقع ہے، اگر اگلی بار جواب نہ آیا تو قرارداد منظور کریں گے۔
دشمنوں کو اندازہ ہو گیا دفاع کس قدر مضبوط ہے، فیض اللہ فراق