سانحہ جعفر ایکسپریس کے شہید محمد عثمان کی قبر پر پھولوں کی چادر چڑھائی گئی
اشاعت کی تاریخ: 20th, March 2025 GMT
سانحہ جعفر ایکسپریس کے شہید محمد عثمان کی قبر پر پھولوں کی چادر چڑھائی گئی WhatsAppFacebookTwitter 0 20 March, 2025 سب نیوز
فتح جنگ:پرائس کنٹرول مجسٹریٹ /تحصیلدار چوہدری شفقت محمود سانحہ جعفرایکسپریس بلوچستان میںشہید ہو نے والے فتح جنگ سے تعلق رکھنے والے فوجی جوان محمد عثمان کی قبر پر پھو لوں کی چادر چڑھائی اور شہید کے والدین کے ساتھ اظہا ر تعزیت کی ،ہر دلعزیز عوام دوست آفیسر نے شہید والدین کو دلاسہ دیتے ہوئے شہید کی بلندی درجات کیلئے اور لواحقین کیلئے صبر جمیل کی دعا کی فوجی جوان محمد عثمان فتح جنگ کے علاقہ اعوان پور کے رہائشی اور عید کی چھٹیاں گزارنے اپنے آبائی گھر آرہا تھا ۔
سانحہ جعفر ایکسپریس میںدہشتگردوں نے نہتے جوان کوبے دردی سے شہید کر دیا۔پرائس کنٹرول مجسٹریٹ /تحصیلدار چوہدری شفقت محمودنے کہا کہ سانحہ جعفر ایکسپریس انتہائی افسوسناک واقعہ ہے جسکی جتنی مذمت کی جائے کم ہے ہم شہید کے والدین اور اہل خانہ کے غم میںبرابر کے شریک ہیںاہل علاقہ نے کہاچو ہدری شفقت محمو د عوام دوست آفیسر ہیں اپنی ذمہ داریوں کے ساتھ ساتھ عوام کے دکھ دردمیں شریک ہو کر غم او ر خوشیاں بانٹتے ہیں۔
ذریعہ: Daily Sub News
کلیدی لفظ: سانحہ جعفر ایکسپریس
پڑھیں:
جعفر ایکسپریس غیرمعینہ مدت کیلئے بند کر دی گئی
کوئٹہ (اُردو پوائنٹ اخبارتازہ ترین۔ 18 مارچ2025ء) جعفر ایکسپریس غیرمعینہ مدت کیلئے بند کر دی گئی، حال ہی میں دہشت گردی کا نشانہ بننے والی ٹرین کی سروس کو محکمہ ریلوے کے احکامات کے بعد ہی شروع کیا جائے گا۔ تفصیلات کے مطابق حکومت نے پشاور سے کوئٹہ جانے والی جعفر ایکسپریس سروس کو غیر معینہ مدت کیلئے بند کردیا۔ محکمہ ریلوے ذرائع کے مطابق جعفر ایکسپریس کو غیر معینہ مدت تک کیلئے بند کردیا گیا ہے، محکمہ ریلوے کے احکامات کے بعد ہی سروس شروع کی جائے گی۔ دوسری جانب صوبہ بلوچستان کے علاقہ بولان میں جعفر ایکسپریس پر حملے کے بعد ریلوے ٹریک کی مرمت مکمل کرلی گئی اور حکام نے کوئٹہ سے ٹرین سروس کی بحالی کا اعلان کردیا۔ میڈیا رپورٹس کے مطابق ریلوے انتظامیہ کا کہنا ہے کہ بلوچستان کے علاقے مشکاف میں ریلوے ٹریک کی مرمت مکمل کرلی گئی ہے اور کوئٹہ سے اندرون ملک کے لئے ٹرین سروس کل سے بحال ہوگی، پہلی ٹرین کی روانگی کے موقع پر سکیورٹی کے سخت انتظامات کیے جائیں گے، ڈرون کے ذریعے بھی ٹرین کی نگرانی کی جائے گی، ریلوے سٹیشن اور حساس مقامات پر سی سی ٹی وی کیمرے نصب کیے جائیں گے۔(جاری ہے)
بتایا جارہا ہے کہ جعفر ایکسپریس پر دہشت گردوں کے حملے کے بعد بلوچستان کے لیے ٹرین سروس معطل کی گئی تھی، پاکستان ریلوے نے عارضی طور پر پنجاب اور سندھ سے بلوچستان کے لیے اپنے آپریشنز کو معطل کیا، اس حوالے سے پاکستان ریلوے کے چیف ایگزیکٹو آفیسر عامر علی بلوچ نے بتایا تھا کہ بلوچستان میں حالات معمول پر آنے تک ٹرینیں عارضی طور پر معطل کی ہیں، بلوچستان کے لیے تمام مسافر اور مال بردار ٹرینیں سکیورٹی ایجنسیوں کی جانب سے علاقے کی کلیئرنس تک معطل رہیں گی، سکیورٹی فورسز کے اہلکاروں کو سبی سے جعفر ایکسپریس کے ساتھ پیش آنے والے افسوس ناک واقعے کے مقام تک پہنچانے کے لیے خصوصی ٹرین چلائی گئی۔ یاد رہے کہ جعفر ایکسپریس کوئٹہ سے روانہ ہوئی تھی جو ٹنل نمبر آٹھ پر رکی جہاں دہشت گردوں نے سوا 1 بجے کے قریب حملہ کیا، جعفرایکسپریس کوئٹہ سے پشاور جارہی تھی، جعفر ایکسپریس 9 بوگیوں پر مشتمل تھی، جس میں 430 سے زائد مسافر سوار تھے، دہشت گردوں نے ٹرین پر حملے کے دوران شدید فائرنگ کی، فائرنگ کے واقعے سے خوف و ہراس پھیل گیا، دہشت گردوں کی فائرنگ سے کئی مسافر جاں بحق ہوئے۔
دشمنوں کو اندازہ ہو گیا دفاع کس قدر مضبوط ہے، فیض اللہ فراق