پاکستان سٹاک میں کاروبار کا مثبت رجحان، 100 انڈیکس تاریخی بلندی کو چھو گیا
اشاعت کی تاریخ: 20th, March 2025 GMT
کراچی(ڈیلی پاکستان آن لائن )پاکستان سٹاک ایکسچینج میں کاروبار کا مثبت رجحان جاری ہے اور 100 انڈیکس نے تاریخ نئی بلندی کو چھو لیا ہے۔
نجی ٹی وی جیو نیوز کے مطابق آج کاروباری روزکے آغاز سے ہی 100 انڈیکس میں مثبت رجحان دیکھا گیا اور ایک موقع پر انڈیکس 1299 پوائنٹس اضافے سے ایک لاکھ 19 ہزار 273 پر ٹریڈ کرتا دیکھا گیا جو کہ اس کی اب تک کی بلند ترین سطح ہے۔
یاد رہے کہ گزشتہ روز بھی پاکستان سٹاک ایکسچینج میں کاروبار کے اختتام پر 100 انڈیکس 972 پوائنٹس کے اضافے کے بعد ایک لاکھ 17 ہزار 974 پوائنٹس پر بند ہوا تھا جبکہ کاروباری دن میں 100 انڈیکس کی بلند ترین سطح ایک لاکھ 18 ہزار 243 پوائنٹس رہی تھی۔
واٹس ایپ کا میسجز کے حوالے سے اہم تبدیلی کرنیکا اعلان
مزید :.ذریعہ: Daily Pakistan
پڑھیں:
پاکستان اسٹاک ایکسچینج ملکی تاریخ کی بلند ترین سطح پر پہنچ گئی
پاکستان اسٹاک ایکسچینج (PSX) میں کاروباری سرگرمیوں نے ایک نیا سنگ میل عبور کر لیا، جہاں مارکیٹ تاریخ کی بلند ترین سطح پر پہنچ گئی کاروباری ہفتے کے چوتھے روز اسٹاک مارکیٹ میں زبردست تیزی دیکھی گئی جس کے نتیجے میں سرمایہ کاروں کا اعتماد مزید مضبوط ہوا اور مارکیٹ میں نمایاں بہتری ریکارڈ کی گئی ٹریڈنگ کے دوران پاکستان اسٹاک ایکسچینج میں 1,400 سے زائد پوائنٹس کا اضافہ ہوا جس کے بعد ہنڈرڈ انڈیکس 1,19,421 پوائنٹس کی حد کو عبور کر گیا یہ اضافہ ملکی معیشت میں استحکام اور سرمایہ کاروں کے بڑھتے ہوئے اعتماد کی عکاسی کرتا ہے ماہرین کے مطابق اسٹاک مارکیٹ میں اس شاندار اضافے کی ایک بڑی وجہ مثبت معاشی اشاریے بہتر حکومتی پالیسیوں اور سرمایہ کاروں کی جانب سے بڑھتی ہوئی دلچسپی ہے اس سے قبل گزشتہ کاروباری دن کے اختتام پر بھی مارکیٹ میں نمایاں بہتری دیکھنے میں آئی تھی جب ہنڈرڈ انڈیکس 972 پوائنٹس کے اضافے کے ساتھ 1,17,974 پوائنٹس پر بند ہوا تھا اس تسلسل کو برقرار رکھتے ہوئے آج کاروبار کے آغاز سے ہی مارکیٹ میں تیزی کا رجحان دیکھنے میں آیا جس کے نتیجے میں اسٹاک مارکیٹ نئی بلندیوں کو چھونے میں کامیاب رہی معاشی تجزیہ کاروں کے مطابق ملکی اور غیر ملکی سرمایہ کاروں کی دلچسپی میں اضافے بہتر حکومتی پالیسیوں اور معاشی استحکام کے باعث اسٹاک مارکیٹ میں مثبت رجحان جاری ہے ماہرین کا کہنا ہے کہ اگر یہ تسلسل برقرار رہا تو مستقبل میں مزید بہتری کی توقع کی جا سکتی ہے جو معیشت کے لیے ایک مثبت اشارہ ہے دوسری جانب کرنسی مارکیٹ میں بھی اتار چڑھاؤ دیکھنے میں آیا انٹربینک مارکیٹ میں امریکی ڈالر کی قدر میں معمولی کمی ریکارڈ کی گئی ڈالر 11 پیسے سستا ہونے کے بعد 280.21 روپے سے کم ہو کر 280.10 روپے پر آ گیا ماہرین کے مطابق، روپے کی قدر میں بہتری اور ڈالر کی قدر میں کمی کا رجحان معیشت کے لیے مثبت ثابت ہو سکتا ہے کیونکہ اس سے درآمدات پر دباؤ کم ہوگا اور افراطِ زر میں کمی لانے میں مدد ملے گی اسٹاک مارکیٹ میں ریکارڈ اضافے اور کرنسی کی قدر میں استحکام کو ملکی معیشت کے لیے ایک اچھا شگون قرار دیا جا رہا ہے اگر یہ رجحان برقرار رہا تو نہ صرف سرمایہ کاروں کا اعتماد مزید بڑھے گا بلکہ کاروباری ماحول بھی مزید سازگار ہو جائے گا جو پاکستان کی معیشت کے لیے ایک مثبت پیش رفت ثابت ہو سکتا ہے
پاکستان کے زرمبادلہ ذخائر میں 5 کروڑ 51 لاکھ ڈالر اضافہ