چین نے رواں برس کینیڈا کے چار شہریوں کو موت کی سزا دی
اشاعت کی تاریخ: 20th, March 2025 GMT
اسلام آباد (اُردو پوائنٹ ۔ DW اردو۔ 20 مارچ 2025ء) کینیڈا کی وزیر خارجہ میلانیا جولی نے بدھ کے روز بتایا کہ کینیڈا کی حکومت کی طرف سے رحم کی اپیلوں کے باوجود، چین نے حالیہ ہفتوں میں کینیڈا کے چار شہریوں کو موت کی سزا دے دی۔
وزیر خارجہ جولی نے اوٹاوا میں میڈیا سے بات کرتے ہوئے کہا، "ہم چین میں کینیڈا کے شہریوں کے خلاف ہونے والی پھانسیوں کی شدید الفاظ میں مذمت کرتے ہیں۔
"جوابی کارروائی میں چین نے بھی کینیڈا کے سفیر کو ملک بدر کر دیا
جولی نے کہا کہ وہ اور سابق وزیر اعظم جسٹن ٹروڈو نے بھی چین سے ملزمان کو معاف کر دینے کی اپیل کی تھی۔ انہوں نے کہا، "میں نے ذاتی طور پر نرمی کرنے کی درخواست کی تھی۔۔۔۔ تمام متاثرہ افراد دوہری شہریت رکھتے تھے۔
(جاری ہے)
''
انہوں نے کہا کہ وہ اس بارے میں مزید تفصیلات ظاہر نہیں کر سکتی کیونکہ چاروں کینیڈین شہریوں کے اہل خانہ نے رازداری کی درخواست کی ہے۔
عالمی امور کی ترجمان شارلٹ میکلوڈ نے کہا کہ کینیڈا متاثرہ خاندانوں کو قونصلر مدد فراہم کرتا ہے اور انہوں نے میڈیا سے درخواست کی کہ وہ ان کی رازداری کا احترام کریں۔
چینی صدر اور کینیڈا کے وزیر اعظم کے درمیان تلخ کلامی کا معاملہ کیا ہے؟
چین نے اس پر کیا کہا؟چین کے گلوب اینڈ میل اخبار میں ان موت کی سزاؤں پر ایک سرکاری بیان شائع ہوا، جس میں کہا گیا کہ کینیڈا کے چاروں شہری منشیات کے جرائم کے مرتکب پائے گئے تھے۔
اخبار میں شائع ہونے والے بیان میں کہا گیا ہے کہ "منشیات سے متعلق جرم ایک ایسا سنگین جرم ہے، جسے دنیا بھر میں معاشرے کے لیے انتہائی نقصان دہ تسلیم کیا جاتا ہے۔"
اس میں مزید کہا گیا، "چین ہمیشہ منشیات سے متعلق جرائم پر سخت سزائیں دیتا ہے اور منشیات کے مسئلے پر 'زیرو ٹالرنس' کا رویہ اپنا رکھا ہے۔"
نیدرلینڈز اور کینیڈا میں چینی ’پولیس مراکز‘ کی تحقیقات
اوٹاوا میں چینی سفارتخانے کے ترجمان نے کہا، "مقدمات میں ملوث کینیڈین شہریوں کے جرائم کے حقائق واضح ہیں، اور ان کے خلاف ثبوت ٹھوس اور کافی تھے۔
"سفارت خانے کے ترجمان نے کہا کہ بیجنگ "متعلقہ کینیڈین شہریوں کے حقوق اور مفادات کی مکمل ضمانت دیتا ہے" اور کینیڈا کی حکومت پر زور دیا کہ وہ اس بارے میں "غیر ذمہ دارانہ ریمارکس دینا بند کرے۔"
کینیڈا: فائیو جی نیٹ ورک کے لیے دو چینی کمپنیوں پر پابندی کا فیصلہ
دونوں ممالک کے درمیان حالیہ برسوں میں تعلقات خراب ہوئے ہیں ۔ چین نے اسی ماہ درآمدات پر جوابی محصولات بھی عائد کیے ہیں۔
دونوں ممالک کے درمیان 2019 اور 2021 میں کینیڈا کے انتخابات میں چینی مداخلت کے الزامات پر بھی ایک دوسرے کے ساتھ تنازع ہوا تھا۔
ص ز/ ج ا (اے پی، اے ایف پی)
.ذریعہ: UrduPoint
کلیدی لفظ: تلاش کیجئے کینیڈا کے شہریوں کے نے کہا کہ میں چین چین نے
پڑھیں:
آئی ٹی سٹی میں ٹوئن ٹاور رواں برس مکمل، نوجوانوں کو روزگار ملے گا: مریم نواز
لاہور (نیوز رپورٹر+نوائے وقت رپورٹ) وزیراعلیٰ پنجاب مریم نواز شریف نے کہا کہ پنجاب کے نوجوانوں کو جدید دنیا کے تقاضوں سے ہم آہنگ کرنے کے لئے ممکنہ مواقع فراہم کر رہے ہیں۔ سی ایم لیپ ٹاپ سکیم پنجاب کے طلبہ کے لئے انقلابی قدم ثابت ہو گا۔ وزیراعلیٰ مریم نواز شریف نے ڈیجیٹل لرننگ ڈے پر اپنے پیغام میں کہا کہ ڈیجیٹل لرننگ کے دور میں ترقی ٹیکنالوجی اور جدید تعلیم سے مشروط ہے۔ وزیراعلیٰ مریم نوازشریف نے کہا کہ نوجوانوں کو مصنوعی ذہانت (AI)، سافٹ ویئر ڈویلپمنٹ، اور فری لانسنگ جیسے کورسز کے مواقع دے رہے ہیں۔ بین الاقوامی جاب مارکیٹ کے تقاضوں کے مطابق فری لانسرز کی آئی ٹی کورسز سرٹیفیکیشن کرائی جا رہی ہے۔ سرکاری سکولوں میں سمارٹ کلاس رومز اور ڈیجیٹل لیب بنا رہے ہیں۔ جدید ٹیکنالوجی سے روایتی تعلیم کو زیادہ مؤثر اور دلچسپ بنایا جا رہا ہے۔ وزیرعلیٰ مریم نواز شریف نے کہا کہ لاہور میں پاکستان کا پہلا منفرد نواز شریف آئی ٹی سٹی بنا رہے ہیں۔ جس کے ٹوئن ٹاور اسی سال مکمل کر لئے جائیں گے۔ نواز شریف آئی ٹی سٹی میں پلگ اینڈ پلے کال سینٹر ہب بھی قائم ہو گا۔ نواز شریف آئی ٹی سٹی میں نوجوانوں کو آئی ٹی ایجوکیشن اور روزگار کے مواقع ملیں گے۔ وزیراعلیٰ مریم نواز نے کہا کہ نواز شریف آئی ٹی سٹی میں عالمی سطح کی انفارمیشن ٹیکنالوجی یونیورسٹیاں کیمپس قائم کرنے کیلئے دلچسپی کا اظہار کر رہی ہیں۔ ڈیجیٹلائزیشن سے نوجوانوں کو خود مختاری، ترقی، اور کامیابی کی راہ پر گامزن کر رہے ہیں۔ دریں اثناء وزیراعلیٰ پنجاب مریم نواز شریف کے ویژن کے تحت سرگودھا میں بے کس خواتین پر تشدد میں ملوث بس ڈرائیو اور کنڈیکٹر کوگرفتارکر لیا گیا۔ جھارویاں کے دیہی علاقے میں بس ڈرائیور اور کنڈیکٹرنے کرایہ کے تنازع پر خواتین سے جھگڑا کیا۔ بس ڈرائیور شوکت اور کنڈیکٹر شمشیر نے خواتین کو وحشیانہ تشدد کا نشانہ بنایا تھا۔ سوشل میڈیا پر وائرل ہونے والی ویڈیو میں بے بس خواتین روتے ہوئے مدد کی درخواست کرتی نظر آتی ہیں۔ وزیر اعلیٰ مریم نواز کے ویژن کے تحت ڈی پی او سرگودھا محمد صہیب اشرف کی نگرانی میں جھاوریاں پولیس نے فوری کارروائی کرتے ہوئے ملزموں کے خلاف قانونی کارروائی کا آغاز کر دیا گیا ہے۔ وزیراعلیٰ مریم نواز شریف کا کہنا ہے کہ خواتین اور بچے ریڈ لائن ہیں، کسی سطح پر کسی قسم کا تشدد قابل برداشت نہیں۔ بسوں میں سفر کرنے والی خواتین کی حفاظت اور احترام ہر صورت یقینی بنایا جائے گا۔وزیراعلیٰ مریم نواز عمرہ کیلئے سعودی عرب پہنچ گئیں۔ قبل ازیں نوازشریف نے وزیراعلیٰ مریم نواز کو رخصت کیا۔ نوازشریف نے مریم نواز کو گلے لگا کر ڈھیروں دعائیں دیں۔ نوازشریف نے سارے وفد کی خیریت اور مقبول عمرے کے لئے دعا کی۔وزیراعلیٰ مریم نواز نے شاہدرہ میں ڈور پھرنے سے بچی کے زخمی ہونے کے واقعہ کا نوٹس لیا ہے۔ گلے میں ڈور پھرنے کے واقعہ پر برہمی کا اظہار کیا ہے۔
پاکستان کے زرمبادلہ ذخائر میں 5 کروڑ 51 لاکھ ڈالر اضافہ