مشی خان دانش تیمور کے 4 شادیوں کے بیان پر برس پڑیں
اشاعت کی تاریخ: 20th, March 2025 GMT
پاکستان کی معروف سینئر اداکارہ و میزبان مشی خان نے سوشل میڈیا پر ویڈیو پیغام شیئر کیا ہے۔
اداکارہ نے اپنی اس نئی ویڈیو میں اداکار و میزبان دانش تیمور کو 4 شادیوں کی اجازت سے متعلق دیے گئے بیان پر آڑے ہاتھوں لیا ہے۔
مشی خان نے انسٹاگرام اکاؤنٹ پر شیئر کیے گئے ویڈیو پیغام میں ناراضی کا اظہار کرتے ہوئے کہا ہے کہ کیا صرف 4 شادیوں کا موضوع ہی رہ گیا ہے بات کرنے کے لیے، باقی سب موضوع ختم ہو گئے ہیں؟
View this post on InstagramA post shared by Mishi Khan MK (@mishikhanofficial2)
مشی خان نے سماج کی اصلاح کے لیے متعدد موضوعات کا حوالہ دیتے ہوئے کہا کہ دین میں ان موضوعات سے متعلق بھی بات کی گئی ہے مگر ہم ان کا ذکر بالکل بھی نہیں کرتے۔
اداکارہ کا کہنا ہے کہ اتنے بڑے پلیٹ فارم پر بیٹھ کر اپنے الفاظ کا چناؤ بہتر رکھنا بہت بڑی ذمے داری کا کام ہے مگر ہم اپنی سب ذمے داریاں بھول جاتے ہیں۔
انہوں نے یہ بھی کہا کہ مجھے دانش تیمور کے اس بیان سے بہت دکھ پہنچا ہے۔
واضح رہے کہ معروف پاکستانی اداکار اور میزبان دانش تیمور نے اپنے 4 شادیوں سے متعلق دیے گئے بیان پر معافی مانگ لی ہے۔
اپنے بیان پر شدید تنقید کا سامنا کرنے کے بعد دانش تیمور نے اپنے مداحوں کے لیے ایک ویڈیو پیغام جاری کیا ہے جس میں انہوں نے معذرت کی اور اپنی بات کو مزید واضح کیا ہے۔
ویڈیو میں دانش تیمور نے کہا ہے کہ مجھے معلوم ہے کہ آپ سب مجھ سے ناراض ہیں، کچھ لوگ یہ سمجھ رہے ہیں کہ میں نے اپنی بیوی عائزہ خان کی بے عزتی کی ہے، لیکن ایسا بالکل بھی نہیں ہے۔
یاد رہے کہ دانش تیمور نے حال ہی میں اپنی رمضان ٹرانسمیشن کے دوران 4 شادیوں سے متعلق بات کی تھی جس پر سوشل میڈیا صارفین نے انہیں سخت تنقید کا نشانہ بنایا تھا۔
دانش تیمور نے میزبان رابعہ انعم سے گفتگو کے دوران کہا تھا کہ مجھے 4 شادیوں کی اجازت خدا کی طرف سے ہے، میں کر نہیں رہا ’فی الحال‘ یہ اور بات ہے۔
ان کے اس بیان میں ’فی الحال‘ کے لفظ نے تنازع کو جنم دیا تھا۔
سوشل میڈیا صارفین اور مداحوں نے اداکار کے اس کو اس طرح لیا تھا کہ گویا وہ مستقبل میں مزید شادیاں کرنے کا ارادہ رکھتے ہیں۔
Post Views: 3.ذریعہ: Daily Mumtaz
کلیدی لفظ: دانش تیمور نے
پڑھیں:
ایرا خان رو پڑیں، وجہ عامر خان کی گرل فرینڈ یا خود کی طلاق؟
ممبئی(شوبز ڈیسک)بھارتی اداکار عامر خان کی بیٹی ایرا خان کو جذباتی ہوتے اور روتے دیکھ کر سوشل میڈیا صارفین نے وجہ والد کی نئی گرل فرینڈ گوری اسپراٹ کو قرار دیا جانے لگا۔
عامر خان کو بالی وڈ کی دنیا میں مسٹر پرفیکشنسٹ کے نام سے جانا جاتا ہے کیونکہ جب بات آتی ہے فلم میں کام کرنے کی تو وہ تعداد کے اوپر کوالٹی کو ترجیح دیتے ہیں۔
عامر خان نے بالی وڈ کو متعدد سپر ہٹ فلموں اور ڈائیلاگز سے نوازا اور اسی کے ساتھ بھارتی فلم نگری میں ایک ایسا مقام حاصل کیا جو بہت کم کو نصیب ہوتا ہے۔
عامر خان کا اگرچہ کریئر کھلی کتاب کی طرح سب پر واضح رہا ہے لیکن انکی نجی زندگی بہت پیچیدہ ہے۔
دراصل عامر خان کا دل کسی ایک حسینہ پر رُک نہ سکا بلکہ انہوں نے نہ صرف گرل فرینڈز بلکہ بیویاں بھی بدلیں۔
عامرخان بالی وڈ میں کامیابی ملنے سے بہت پہلے رینا دتہ سے شادی کرچکے تھے، جوڑے نے 1986 میں شادی کی اور ان کے دو بچے جنید خان اور ایرا خان ہیں۔
طویل عرصے ازدواجی زندگی ایک ساتھ گزار کر وہ 2002 میں الگ ہو گئے تھے اور اس کے فوراً بعد عامر نے اپنی دوسری بیوی کرن راؤ سے ڈیٹنگ شروع کر دی تھی۔
بعدازاں 28 دسمبر 2005 کو عامر خان اور کرن راؤ شادی کے بندھن میں بندھ گئے تھے تاہم جولائی 2021 میں شادی کے 16 سال بعد انہوں نے اپنے راستے جدا کرلیے تھے، علیحدگی کے باوجود، عامر اور کرن نہ صرف دوست رہے ہیں بلکہ پیشہ ورانہ اور ذاتی طور پر بھی ایک دوسرے کے ساتھ جڑے ہوئے ہیں۔
کرن راؤ کے بعد عامر خان کا دل نوجوان اداکارہ فاطمہ ثناء شیخ پر آگیا اور دونوں کوالٹی ٹائم ساتھ گزارنے لگے لیکن اب عامر خان نے اپنے 60ویں سالگرہ پر چونکا دینے والا اعلان کرتے ہوئے اپنی نئی گرل فرینڈ سے سب کو متعارف کروادیا۔
عامر خان نے اپنی 60ویں سالگرہ کے موقع پر دنیا کو حیران کن خبر دی کہ وہ ایک رشتہ میں ہیں۔ انہوں نے اپنی پارٹنر گوری اسپراٹ کو میڈیا کے سامنے متعارف کرایا جنکا تعلق بنگلور سے ہے۔
گوری نے اس تقریب میں زیادہ بات نہیں کی، بس یہ کہا کہ ’انہوں نے عامر خان کی صرف دو فلمیں ’لگان‘ اور ’دل چاہتا ہے‘ دیکھی ہیں۔
متعدد رپورٹس کے مطابق عامر خان نے گوری کو سب سے پہلے شاہ رخ خان اور سلمان خان سے ملوایا۔ ابھی تک عامر خان کے خاندان کی جانب سے اس نئی محبت پر کوئی ردعمل سامنے نہیں آیا۔
جہاں ابھی عامر خان کی زندگی میں آنے والی نئی محبت چرچوں میں تھی وہیں دوسری جانب عامر خان کی بیٹی ایرا خان حال ہی میں اپنی گاڑی میں جذباتی حالت میں دکھائی دیں۔
سوشل میڈیا پر وائرل ویڈیو میں ایرا خان کو اپنے والد سے ملنے کے بعد جذباتی ہوتے دیکھا جاسکتا ہے جو کئی سوالات کو جنم دے گیا۔
View this post on InstagramA post shared by Pinkvilla (@pinkvilla)
ایرا خان روتے ہوئے تصاویر وائرل ہو گئیں جن پر سوشل میڈیا صارفین نے مختلف تبصرے کرنے شروع کردیے۔
ایک صارف نے کہا کہ ’عامر خان تیسری بار شادی کر رہے ہیں اسی لیے وہ جذباتی ہو گئی ہیں، کسی بھی بیٹی کو یہ قبول ہو ہی نہیں سکتا‘ جبکہ ایک اور صارف نے لکھا کہ ’ہوسکتا ہے ایرا کو ہونے والی نئی ماں پسند نہ آئی ہوں‘۔
ایک سوشل میڈیا صارف نے ایرا کی نجی زندگی کے حوالے سے اندازہ لگاتے ہوئے لکھا کہ ’کہیں ایرا خان کی طلاق تو نہیں ہونے والی؟‘
مزیدپڑھیں:مہوش حیات کی یو یو ہنی سنگھ کو خاص انداز سےسالگرہ کی مبارکباد
دشمنوں کو اندازہ ہو گیا دفاع کس قدر مضبوط ہے، فیض اللہ فراق