موسمیاتی تبدیلی، پاکستان زیادہ متاثر ممالک میں شامل، قوم شجرکاری میں بڑھ چڑھ کر حصہ لے: شہباز شریف
اشاعت کی تاریخ: 20th, March 2025 GMT
اسلام آباد+جدہ (خبر نگار خصوصی ) وزیرِ اعظم محمد شہباز شریف اعلی سطح وفد کے ہمراہ اہم دورہ پر سعودی عرب پہنچ گئے۔ گورنر جدہ شہزادہ سعود بن عباللہ بن بلادی نے وزیر اعظم کا استقبال کیا ، پاکستانی سفیر احمد فارقق ، قونسل جنرل خالد مجید اور دیگر سفارتی عبلہ بھی موجود تھا ۔ وزیراعظم 19 سے 22 مارچ 2025 تک سعودی عرب کا سرکاری دورہ کر رہے ہیں ۔ وزیرِ اعظم کے دورہئِ سعودی عرب کا مقصد پاکستان اور سعودی عرب کے مابین دوطرفہ تعلقات کو مضبوط بنانا، اقتصادی تعاون کو بڑھانا اور دونوں ممالک کے درمیان سرمایہ کاری کو فروغ دینا ہے۔ وزیرِ اعظم کے ہمراہ وفد میں نائب وزیراعظم سینیٹر محمد اسحاق ڈار سمیت اہم وفاقی وزراء اور اعلیٰ حکام شامل ہیں۔ دورے کے دوران وزیراعظم کی سعودی ولی عہد و وزیراعظم محمد بن سلمان سے ملاقات بھی متوقع ہے۔ ملاقات میں دونوں رہنما تجارت کو فروغ دینے، کلیدی شعبوں میں شراکت داری کو بڑھانے اور وسیع تر اقتصادی تعاون کو آسان بنانے کے طریقوں پر تبادلہ خیال کریں گے۔ اس سے قبل وزیراعظم شہبازشریف نے 2025 کی شجرکاری مہم کا باقاعدہ آغازکردیا۔ وزیر اعظم ہائو س کے احاطے میں پودا لگا کر شجرکاری مہم کا آغاز کرنے کے بعد تقریب سے خطاب کرتے ہوئے شہبازشریف نے کہا کہ چاروں صوبوں، آزادکشمیر، گلگت بلتستان میں 4 کروڑ17لاکھ پودے لگائے جائیں گے، جبکہ شجرکاری مہم میں پوری قوم خصوصا نوجوان اورکسان بڑھ چڑھ کرحصہ لیں۔شہبازشریف نے کہا کہ شجرکاری مہم سے بیماریوں اورماحولیاتی آلودگی میں کمی آئے گی ، چندبرسوں کے دوران دنیامیں موسمیاتی تبدیلیاں رونماہوئی ہیں، پاکستان موسمیاتی تبدیلی سے سب سے ز یادہ متاثرہ 10ممالک میں شامل ہے۔وزیراعظم نے مزید کہا کہ گرین ہائوسزکے اخراج میں پاکستان کاحصہ نہ ہونے کے برابر ہے، 2022 میں پاکستان میں شدیدسیلاب آیا اور پاکستان کے ہر شعبے کو متاثر کیا۔ موسمیاتی تبدیلی کے تناظرمیں شجرکاری مہم کی بہت اہمیت ہے۔وزیراعظم محمد شہباز شریف نے پاکستان اور دنیا بھر میں نوروز منانے والوں کو جشن نوروز کی مبارکباد دیتے ہوئے کہا ہے کہ ہم سب مل کر اس نوروز کو باہمی اختلافات کو ختم کرنے، شمولیت کے فروغ، علاقائی و ثقافتی ہم آہنگی اور اتحاد کو فروغ دینے کا دن بنائیں۔ نوروز موسم بہار کی آمد اور فطرت کی تجدید کی علامت ہے۔ جشن نوروز ایرانی نئے سال کا آغاز ، نئے سال کو نئی امیدوں اور امنگوں کے ساتھ خوش آمدید کہنے کا وقت ہے۔انہوں نے کہا کہ اس خوشی کے موقع پر میں پاکستان میں نوروز منانے والے بہن بھائیوں بالخصوص پارسی برادری سے تعلق رکھنے والے پاکستانیوں کا شکرگزار ہوں جنہوں نے پاکستان کی تعمیر و ترقی میں اہم کردار ادا کیا۔
.ذریعہ: Nawaiwaqt
کلیدی لفظ: شجرکاری مہم
پڑھیں:
وزیراعظم شہباز شریف 4 روزہ دورے پر سعودی عرب پہنچ گئے
وزیراعظم محمد شہباز شریف سعودی عرب کے 4روزہ دورے پر جدہ پہنچ گئے۔
یہ بھی پڑھیں: وزیرِ اعظم محمد شہباز شریف وفد کے ہمراہ دورہ سعودی عرب کے لیے روانہ
مکہ کے نائب گورنر شہزادہ سعود بن مشعل بن عبد العزیز آل سعود نے وزیراعظم کا استقبال کیا۔
وزیراعظم آفس کے میڈیا ونگ سے جاری کردہ بیان کے مطابق وزیر اعظم کے ہمراہ وفد میں نائب وزیراعظم اور وزیر خارجہ سینیٹر محمد اسحاق ڈار، وزیر اعلیٰ پنجاب مریم نواز اور اہم وفاقی وزرا اور اعلیٰ حکام شامل ہیں۔
وزیراعظم سعودی عرب اور پاکستان کے مابین مختلف شعبوں میں اشتراک کے حوالے سے سعودی عرب کی اعلیٰ قیادت سے ملاقات کریں گے۔
مزید پڑھیے: سعودی ولی عہدکی پالیسیاں مجھ سمیت تمام لیڈروں کے لیے مشعل راہ ہیں، شہباز شریف
علاوہ ازیں وزیراعظم کی سعودی ولی عہد و وزیراعظم محمد بن سلمان آل سعود سے ملاقات بھی متوقع ہے۔ملاقات میں دونوں رہنما تجارت کو فروغ دینے، کلیدی شعبوں میں شراکت داری کو بڑھانے اور وسیع تر اقتصادی تعاون کو آسان بنانے کے طریقوں پر تبادلہ خیال کریں گے۔
وزیراعظم کا دورہ پاکستان اور سعودی عرب کے مابین گہرے تاریخی تعلقات کو اجاگر کرتا ہے۔
مزید پڑھیں: تجارتی تعلقات بڑھانے پر پاک سعودی تاجروں، پرفیشنلز میں ایوارڈ کی تقسیم
یہ دورہ دونوں ممالک کے مابین باہمی افہام و تفہیم میں اضافے، تجارت، سرمایہ کاری میں تعاون بڑھانے اور دوطرفہ، علاقائی اور عالمی معاملات پر سفارتی روابط کے مزید فروغ کی راہ ہموار کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شہباز شریف جدہ پہنچ گئے وزیراعظم شہباز شریف وزیراعظم کا دورہ سعودی عرب
چین نےایرانی جوہری معاملے پر پانچ نکاتی تجویز پیش کر دیں