گلگت، رمضان المبارک کے آخری عشرے کے پروگرامز کے انتظامات کے حوالے سے انجمن امامیہ کا اجلاس
اشاعت کی تاریخ: 19th, March 2025 GMT
سید راحت حسین الحسینی کی زیر صدارت اجلاس میں شب ہائے قدر اور جمعتہ الوداع یوم القدس کی سیکورٹی و دیگر انتظامات کو بہتر سے بہتر بنانے کے حوالے سے گفتگو کی گئی۔ اسلام ٹائمز۔ مرکزی انجمن امامیہ گلگت بلتستان کی کابینہ اور ملی تنظیموں کے ذمہ داران کا اجلاس زیر صدارت سید راحت حسین الحسینی گلگت میں ہوا جس میں رمضان المبارک کے آخرے عشرے کے پروگرامز کے انتظامات پر تفصیلی گفتگو کی گئی۔ 19 تا 21 رمضان شہادت حضرت امیر المومنین امام علی علیہ السلام کے حوالے سہ روزہ مجلس عزا جو کہ مرکزی امامیہ جامع مسجد میں بعد از نماز ظہرین منعقد ہو گی اور 21 رمضان کی صبح مجالس کے بعد جلوس عزا ڈاکپورہ امام بارگاہ سے برآمد ہو کر اپنے مقررہ راستے سے ہوتا ہوا مرکزی امامیہ مسجد میں اختتام پذیر ہو گا۔ مجالس و جلوس میں تمام مومنین سے بھرپور شرکت کی اپیل ہے۔ علاوہ ازیں شب ہائے قدر اور جمعتہ الوداع یوم القدس کی سیکورٹی و دیگر انتظامات کو بہتر سے بہتر بنانے کے حوالے سے گفتگو کی گئی۔ مزید صدر مرکزی انجمن امامیہ سید شرف الدین کاظمی نے ذیلی انجمنوں کے صدور سے بھی گزارش کی ہے کہ ان ایام میں مجالس، جلوس اور شب ہائے قدر کے اعمال میں زیادہ سے زیادہ شرکت کریں اور اپنے محلہ سطح پر مجالس کے دوران سیکورٹی کو یقینی بنائیں۔
.ذریعہ: Islam Times
کلیدی لفظ: کے حوالے
پڑھیں:
یوم علی (ع) کے اجتماعات کی سکیورٹی پر خصوصی توجہ دی جائے، علامہ مقصود ڈومکی
شہادت مولا علی (ع) کی مجالس و جلوس کے انتظامات و سکیورٹی اجلاس سے خطاب کرتے ہوئے علامہ مقصود ڈومکی نے کہا کہ ملک بھر میں امن و امان کی ابتر صورتحال کے باعث یوم علی (ع) کے موقع پر عزاداری کے جلوسوں اور مجالس عزاء میں سکیورٹی کے فول پروف انتظامات کئے جائیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ حضرت امیر المومنین علی ابن ابی طالب علیہ الصلوۃ والسلام کی حیات طیبہ عالم انسانیت کے لئے مشعل راہ ہے۔ 19 رمضان المبارک سے لے کر 21 رمضان المبارک تک مجالس عزاء اور عزاداری کے پروگرام منعقد کر کے مولائے کائنات حضرت امام علی علیہ السلام کی بارگاہ میں نذرانہ عقیدت پیش کیا جاتا ہے۔ یہ بات انہوں نے ایام شہادت مولائے کائنات حضرت امیر المومنین علی ابن ابی طالب علیہ الصلوۃ والسلام کی مناسبت سے ڈپٹی کمشنر جیکب آباد نواب سمیر حسین لغاری کی زیر صدارت علماء کرام، ماتمی، انجمنوں اور انتظامی افسران کے منعقدہ اجلاس میں اظہار خیال کرتے ہوئے کہی۔ اجلاس میں ضلع بھر میں یوم علی علیہ السلام کی مناسبت سے ہونے والی مجالس عزاء اور جلوسہائے عزاداری کے انتظامات کا جائزہ لیا گیا۔
اس موقع پر اجلاس سے خطاب کرتے ہوئے انہوں نے کہا کہ ملک بھر میں امن و امان کی ابتر صورتحال کے باعث یوم علی علیہ السلام کے موقع پر عزاداری کے جلوسوں اور مجالس عزاء میں سکیورٹی کے فول پروف انتظامات کئے جائیں۔ بلوچستان، کے پی کے اور ملک کے مختلف علاقوں میں ہونے والے بم دھماکے اور علمائے کرام کی ٹارگٹ کلنگ افسوسناک ہے۔ جبکہ سندھ میں بھی چوری، ڈاکے، اغواء برائے تاوان اور بدامنی عروج پر ہے۔ ایسے میں یوم علی علیہ السلام کے اجتماعات کی سکیورٹی پر خصوصی توجہ دی جائے۔ انہوں نے مطالبہ کیا کہ مجالس عزاء اور عزاداری کے پروگراموں میں بجلی کی بلا تعطل فراہمی کو یقینی بنائی جائے، جبکہ جلوسہائے عزاداری کے روٹس کی صفائی اور لائٹنگ کا بروقت اہتمام کیا جائے۔ نیاز سحری اور افطاری کے اوقات میں گیس کی فراہمی یقینی بنائی جائے۔
انہوں نے مزید کہا کہ پولیس اور رینجرز کی معاونت کے لئے اسکاؤٹس کے جوانوں کی خدمات حاصل کی جائیں۔ مجلس وحدت مسلمین پاکستان قیام امن کے سلسلے میں انتظامیہ کے ساتھ مکمل تعاون کرے گی۔ اس موقع پر اجلاس سے ایس ایس پی صدام حسین خاصخیلی، بزرگ شیعہ رہنماء سید احسان علی شاہ بخاری، مجلس وحدت مسلمین کے ضلعی صدر نذیر حسین جعفری، مجلس علمائے مکتب اہل بیت ضلع جیکب آباد کے صدر علامہ سیف علی ڈومکی، جعفریہ الائنس کے رہنماء زوار شاہنواز جعفری، جمعیت علمائے اسلام کے ضلعی امیر ڈاکٹر عبدالغنی انصاری اور جماعت اہل سنت کے رہنماء پیر سید اعجاز علی شاہ و دیگر نے خطاب کیا۔
کسی فوجی اہلکار کے کام میں رخنہ ڈالنے کا جرم دہشتگردی ایکٹ کے تحت آتا ہے، آئینی بنچ