ٹک ٹاک میں مفید فیچر پیش کر دیا گیا
اشاعت کی تاریخ: 19th, March 2025 GMT
شارٹ ویڈیو شیئرنگ ایپلی کیشن ٹک ٹاک نے اکاؤنٹ کی حفاظت کے لیے نیا سیکیورٹی چیک اپ پیش کردیا۔
ٹک ٹاک نے سیکیورٹی چیک اپ کے نام سے نیا ڈیش بورڈ متعارف کرادیا، جہاں تمام سیکیورٹی فیچرز ایک ہی جگہ نظر آئیں گے۔ٹک ٹاک کی جانب سے جاری بیان میں بتایا گیا کہ صارفین کی آسانی کے لیے اب تمام سیکیورٹی چیک اپس کو ایک ہی جگہ ایک ہی ڈیش بورڈ میں کردیا گیا۔صارفین سیٹنگ اینڈ پرائیویسی کے آپشن میں جانے کے بعد سیکیورٹی اینڈ پرمشن میں جاکر سیکیورٹی چیک اپ کو استعمال کر سکیں گے۔
صارفین کے اکاؤنٹس کو زیادہ محفوظ کرنے اور کبھی اکاؤنٹ تک دوسری جگہ سے رسائی حاصل کرنے کے لیے سیکیورٹی چیک اپ کو بہتر بنادیا گیا ہے۔سیکیورٹی چیک اپ ڈیش بورڈ کے ذریعے صارفین اپنے اکاؤنٹ کو فون نمبر، ای میل اور بائیو میٹرک سے منسلک کرسکیں گے، اکاؤنٹ کو فیس لاک سے بھی منسلک کیا جا سکے گا۔اسی طرح سیکیورٹی چیک اپ کے ڈیش بورڈ پر صارفین کو اپنے پاس کی ورڈز بنانے اور ٹو فیکٹر اتھینٹیکیشن کے فیچرز تک بھی رسائی دی گئی ہے۔
اب ٹک ٹاک صارفین ایک ہی ڈیش بورڈ پر جاکر اپنے اکاؤنٹ کی سیکیورٹی بڑھا سکیں گے، اس سے قبل مذکورہ تمام سیکیورٹی فیچرز کو الگ الگ ڈیش بورڈز پر جاکر استعمال کرنا پڑتا تھا۔نئے سیکیورٹی چیک اپ سے قبل گزشتہ ہفتے ٹک ٹاک نے پیرنٹل کنٹرول کے نئے فیچرز بھی پیش کرتے ہوئے والدین کو اپنے کم عمر بچوں کے اکاؤنٹس پر نگرانی کرنے کے زیادہ اختیارات دیے تھے۔
.ذریعہ: Daily Ausaf
کلیدی لفظ: ڈیش بورڈ اکاو نٹ ایک ہی ٹک ٹاک
پڑھیں:
پی ایس ایل چھوڑنے پر کوربن بوش کو پی سی بی کا قانونی نوٹس
کراچی:پاکستان کرکٹ بورڈ (پی سی بی) نے جنوبی افریقی آل راؤنڈر کوربن بوش کو قانونی نوٹس جاری کر دیا ہے۔
بورڈ نے نوٹس کوربن بوش کی جانب سے ایچ بی ایل پاکستان سپر لیگ میں اپنی ذمہ داریوں کی خلاف ورزی کے سبب بھیجا ہے۔
کوربن بوش کو پشاور زلمی نے پی ایس ایل پلیئر ڈرافٹ میں ڈائمنڈ کیٹیگری میں منتخب کیا تھا، تاہم بعد ازاں انہوں نے آئی پی ایل کو جوائن کرلیا، حال ہی میں ممبئی انڈینز کی جانب سے کوربن بوش کو بطور متبادل اپنے اسکواڈ کا حصہ بنانے کا اعلان کیا گیا ہے۔
پی سی بی انتظامیہ نے ان کی علیحدگی کے اثرات اور ممکنہ نتائج کا بھی خاکہ پیش کیا ہے جبکہ قانونی نوٹس بوش کے ایجنٹ کے ذریعے بھجوایا گیا ہے۔
پاکستان کرکٹ بورڈ سمجھتا ہے کہ کوربن بوش کی یہ حرکت مستقبل میں دوسرے کھلاڑیوں کے بھی ایسا کرنے کا باعث بن سکتی ہے۔
یاد رہے کہ اس بار پی ایس ایل اور آئی پی ایل دونوں لیگز ایک ہی تاریخوں میں کھیلی جائیں گی۔
پی ٹی آئی نے جعفر ایکسپریس سانحہ کو سیاست چمکانے کیلئے استعمال کیا، انڈین میڈیا، بی ایل اے اورتحریک انصاف ایک زبان بول رہے تھے،عطا تارڑ