کراچی، ابن زہراءؑ انسٹیٹیوٹ کے زیر اہتمام 25ویں سالانہ کتب میلے کا انعقاد
اشاعت کی تاریخ: 19th, March 2025 GMT
سالانہ کتب میلے کے دوران ٹیم ’’دین اور ہم‘‘ کی جانب سے شرکاء خصوصاً نوجوان نسل کی رہنمائی کیلئے خصوصی انتظام کیا گیا، اس موقع پر ماہر علماء کرام نے خاندانی مسائل، تلاوت و قرأت کی مہارت، سیاسی معاملات، ضروری مطالعہ کی کتابوں سمیت دیگر موضوعات سے متعلق رہنمائی فراہم کی اور شرکاء کے سوالات کے جوابات دیئے۔ اسلام ٹائمز۔ ابن زہرا (س) انسٹیٹیوٹ کراچی کے زیر اہتمام 25واں سالانہ کتب میلہ بعنوان ’معرفت امام زمانہؑ‘ شہید حمید علی بھوجانی ہال سولجر بازار میں لگایا گیا۔ کتب میلے میں امامیہ پبلیشرز کی قرآن مجید، احادیث، نہج البلاغہ سمیت مختلف اسلامی موضوعات کی کتب ایک ہی جگہ پر 20 تا 50 فیصد رعایت کے ساتھ مناسب قیمت پر دستیاب رہیں، کتب میلے میں خانہ فرہنگ جمہوری اسلامی ایران کراچی، العرفان پبلیکیشن، دارالثقلین پبلکیشنز، شہید مطہری فورم، طاہراز، محفوظ بک ایجنسی، الکساء فاؤنڈیشن، متاب پبلیکیشنز، ایلیا پبلیکیشنز کراچی، شہید فاؤنڈیشن پاکستان، ادارہ تنزیل القرآن، خوجہ جماعت یوتھ، مؤسسہ امام باقرؑ، بَقِیَّہ بک بینک، افتا ویلفیئر ٹرسٹ سمیت دیگر پبلشرز و اداروں نے شرکت کی۔
سالانہ کتب میلے کے دوران ٹیم ’’دین اور ہم‘‘ کی جانب سے شرکاء خصوصاً نوجوان نسل کی رہنمائی کیلئے خصوصی انتظام کیا گیا، اس موقع پر ماہر علماء کرام نے خاندانی مسائل، تلاوت و قرأت کی مہارت، سیاسی معاملات، ضروری مطالعہ کی کتابوں سمیت دیگر موضوعات سے متعلق رہنمائی فراہم کی اور شرکاء کے سوالات کے جوابات دیئے۔ کتب میلے کے دوران بچوں کیلئے مختلف سرگرمیوں کا اہتمام کیا گیا، جس میں کمسن بچوں نے مختلف سرگرمیوں میں انتہائی دلچسپی کے ساتھ حصہ لیا۔ دو روزہ کتب میلے میں طلباء و طالبات اور خواتین و حضرات نے کثیر تعداد میں شرکت کی اور رعائتی قیمت پر دستیاب کتابیں خریدیں۔
’’اسلام ٹائمز‘‘ سے خصوصی گفتگو کرتے ہوئے معروف عالم دین مولانا سید رضا مہدی رضوی نے کہا کہ ابن زہرا (س) انسٹیٹیوٹ کی جانب سے سالانہ کتب میلے کا انعقاد خوش آئند ہے، کتابوں کی اہمیت کیلئے اتنا ہی کافی ہے کہ اللہ تعالیٰ نے انسانوں کی ہدایت کیلئے کتابیں نازل کیں، دنیا میں یہ بات تسلیم شدہ ہے کہ ڈیجیٹل دور کے باوجود کتابوں کا کوئی نعم البدل نہیں ہے اور کتابوں کی اہمیت برقرار ہے، اچھی و معیاری کتابوں کے مطالعے کی عادت کے بغیر کسی بھی معاشرے کی تربیت نہیں کی جا سکتی، جتنے لوگ بھی تربیت کرنا چاہتے ہیں، ان کیلئے جو کام اوجب الواجبات میں سے ہے، وہ یہ ہے کہ لوگوں کے اندر کتاب کے مطالعے کی عادت پروان چڑھائیں۔
دارالثقلین پبلیکشنز کی سربراہ خانم نزہت سعید حیدر نے ’’اسلام ٹائمز‘‘ سے خصوصی گفتگو کرتے ہوئے کہا کہ معاشرے خصوصاً بچوں اور نوجوانوں میں مطالعے کے رجحان کو بڑھانے کی کوشش کی جانی چاہیئے، اس حوالے سے کتابوں کی نمائش بہت اہمیت کی حامل ہے، اچھی کتابیں ہی ذہنوں کو روشن کرتی ہیں، کتابوں کے بغیر زندگی، معاشرے کا رشد و قوم کی ترقی ناممکن ہے، اچھی کتابوں سے دوستی کے بغیر ہماری زندگیاں ادھوری رہینگی، پاکستانی قوم سمیت مسلم امہ پیچھے ہے تو اسکی بڑی وجہ کتابوں سے دوری ہے۔ منتظمین نے بتایا کہ کتب میلے کا مقصد بڑھتی ہوئی مہنگائی کے اس دور میں شہریوں کو رعایتی نرخوں پر معیاری کتب کی فراہمی ہے، ہر سال کتب میلے کے شرکاء میں اضافہ ہو رہا ہے۔ شہریوں کا کہنا تھا کہ کتب میلے کا دورانیہ کم از کم چار سے پانچ روز ہونا چاہیئے اور سال میں کم از کم دو بار ضرور انعقاد کیا جانا چاہیئے۔
ذریعہ: Islam Times
پڑھیں:
سپریم کورٹ کا اہم اقدام، خصوصی اینٹی کرپشن ہاٹ لائن قائم
اسلام آباد ( ڈیلی پاکستان آن لائن ) سپریم کورٹ نے اہم اقدام اٹھاتے ہوئے خصوصی اینٹی کرپشن ہاٹ لائن قائم کر دی۔
نجی ٹی وی دنیا نیوز کے مطابق سپریم کورٹ کی جانب سے جاری اعلامیے میں کہا گیا کہ اینٹی کرپشن ہاٹ لائن قائم کرنے کا مقصد عدلیہ کے احتساب اور فوری انصاف کی فراہمی کیلئے حائل رکاوٹیں دور کرنے کے عزم کی توثیق ہے، چیف جسٹس یحییٰ آفریدی بدعنوانی سے پاک ماحول کو فروغ دینے اور انصاف کے اصولوں کی پاسداری کیلئے پر عزم ہیں۔
اعلامیے میں مزید کہا گیا کہ گزشتہ تقریباً پانچ ماہ میں 7633 نئے مقدمات دائر ہوئے، 11779 مقدمات پر فیصلے ہوئے، نئے ججوں کی سپریم کورٹ میں تعیناتی سے مقدمات کے فیصلوں میں مزید تیزی آئے گی۔
اس میں کہا گیا کہ بطور چیف جسٹس یقین دلاتا ہوںکہ سپریم کورٹ میں دائر کیا گیا مقدمہ کا فیصلہ بہت جلد میرٹ پر ہوگا، کوئی سرکاری یا غیر سرکاری شخص کیس فکس کرنے، نقل کے حصول یا کسی بھی کام کیلئے رشوت طلب کرے تو فوراً اطلاع دیں۔
اعلامیہ کے مطابق میں چیف جسٹس رشوت اور سفارش کے متعلق عدم برداشت کی پالیسی پر عمل پیرا ہوں،بطور چیف جسٹس آپ کو یقین دلاتا ہوں رشوت طلب کرنے والے کی اطلاع دینے والے کا نام خفیہ رکھا جائے گا، رشوت کی شکایت کی فوراً شنوائی ہوگی۔
مزید کہا گیا کہ وٹس ایپ نمبر 03264442444 پر رشوت مانگے جانے کی شکایت درج کرائیں، سپریم کورٹ کی اینٹی کرپشن کا اہلکار آپ کے ساتھ رابطے میں رہے گا اور آپکو گاہے بہ گاہے شکایت کے متعلق معلومات فراہم کرے گا، اینٹی کرپشن ہاٹ لائن رشوت، جانبداری یا کسی قسم کی بدعنوانی کی اطلاع دینے کیلئے ایک محفوظ اور خفیہ پلیٹ فارم ہے۔
اعلامیے کے مطابق ہاٹ لائن پر سپریم کورٹ میں رشوت کی شکایت دینے والے کیلئے محفوظ پلیٹ فارم ہے جس میں انتقامی کارروائی کا کوئی ڈر نہیں، اطلاع دینے والے کی شناخت کو محفوظ رکھا جائے گا اور بے نام رہنے کے اختیار کو مکمل تسلیم کیا جائے گا۔
حسن نواز ٹیکس ڈیفالٹر قرار، 5.2ملین پاؤنڈ جرمانہ کردیاگیا
مزید :
پی ٹی آئی نے جعفر ایکسپریس سانحہ کو سیاست چمکانے کیلئے استعمال کیا، انڈین میڈیا، بی ایل اے اورتحریک انصاف ایک زبان بول رہے تھے،عطا تارڑ