سابق کمشنر کوئٹہ کی صاحبزادی کا ایئر ہوسٹس پر حملہ، دانت توڑ دیا
اشاعت کی تاریخ: 19th, March 2025 GMT
سابق کمشنر کوئٹہ افتخار جوگزئی کی صاحبزدای نے تلخ کلامی کے بعد نجی ایئرلائن کی ایئر ہوسٹس کو تشدد کا نشانہ بنا کر زخمی کردیا۔
رپورٹ کے مطابق واقعہ کوئٹہ سے اسلام آباد جانے والی نجی ایئر لائن کی فلائٹ میں پیش آیا جس میں سابق کمشنر کوئٹہ افتخار جوگزئی اپنی بیٹی صائمہ کے ساتھ ہمراہ سفر کررہے تھے، کوئٹہ ایئر پورٹ پر چیک ان کرتے وقت بھی دونوں مسافروں نے عملے سے بدتمیزی کی۔
بعد ازاں جہاز میں سوار ہونے کے بعد بھی سابق کمشنر افتخار جوگزئی اور ان کی بیٹی صائمہ جوگزئی نے مبینہ طور پر پر عملے کے ساتھ غیرشائستہ زبان استعمال کی اور طیارے میں شورشرابہ کیا۔
رپورٹ کے مطابق کپتان کو معاملے سے آگاہ کیا گیا جب کہ صورتحال کے پیش نظر ایئرپورٹ سیکیورٹی فورس کو طیارے میں فوری طور پر طلب کرلیا گیا۔
مسلسل ہنگامہ آرائی پر طیارے کے کپتان نے مسافروں کے تحفظ کی خاطر باپ اور بیٹی کو آف لوڈ کرنے کے لیے کہا جس پر صائمہ جوگزئی نے طیارے سے اترنے سے انکار کردیا۔
رپورٹ کے مطابق اس دوران صائمہ جوگزئی نے غصے میں فضائی میزبان کو مکا مارا جس سے خاتون فضائی میزبان کی ناک سے خون بہنے لگا اور ایک دانت بھی ٹوٹ گیا جس کے بعد اے ایس ایف نے دونوں باپ بیٹی کو حراست میں لے لیا۔
.
ذریعہ: Express News
پڑھیں:
بھیڑ-بلی کی جوڑی نے ‘کپل آف دی ایئر’ کا ایوارڈ جیت لیا
جنگ زدہ یوکرین کے اوڈیسا چڑیا گھر نے اعلان کیا کہ ایک بھیڑ اور بلی کی غیر معمولی جوڑی نے ’کپل آف دی ایئر‘ کا مقابلہ جیت لیا ہے۔
یہ بھی پڑھیں:لاہور چڑیا گھر بھی نیلام کردیا گیا؟
چڑیا گھر انتظامیہ کی جانب سے سوشل میڈیا مطلع کیا گیا کہ مسازک نامی بلی اور بیگل نامی بھیڑ کو اس سال کے جوڑے کے طور پر منتخب کیا گیا ہے۔
اس مقابلے میں لیمر، ٹائیگرز اور پورکیپائنز سمیت کئی ایک ہی نسل کے جوڑے شامل تھے، جو یہ اعزاز جیتنے میں ناکام رہے۔
فاتح جوڑے کا اعلان یوٹیوب ویڈیو میں کیا گیا جبکہ جیتنے والے جوڑے کی نقاب کشائی فیس بک پر کی گئی۔
مسازک کو، جس کے نام کا ترجمہ ’مساج تھراپسٹ‘ ہوتا ہے، اکثر بیگل کی پیٹھ پر بیٹھا دیکھا جا سکتا ہے۔
عوامی تقریب میں ان دونوں کو سرکاری طور پر سال کے بہترین جوڑے کا خطاب دیا گیا۔
واضح رہے کہ ’کپل آف دی ایئر‘ کا ایوارڈ چڑیا گھر میں ایک سالانہ روایت ہے۔ پچھلے سال یہ ایوارڈ میٹیڈ بھیڑوں کے جوڑے نے جیتا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلی بھیڑ چڑیاگھر کپل آف دی ایئر
پی ٹی آئی نے جعفر ایکسپریس سانحہ کو سیاست چمکانے کیلئے استعمال کیا، انڈین میڈیا، بی ایل اے اورتحریک انصاف ایک زبان بول رہے تھے،عطا تارڑ