جرمنی میں سب سے بڑی کتوں کی پریڈ، عالمی ریکارڈ قائم
اشاعت کی تاریخ: 19th, March 2025 GMT
جرمنی کے ایک شہر نے 900 کے قریب کتوں کی پریڈ کا انعقاد کرکے نیا گنیز ورلڈ ریکارڈ قائم کردیا ہے۔
شہر ریگنسبرگ نے دنیا کی سب سے بڑی dogwalk کی میزبانی کی جسمیں کم از کم 897 کتوں نے اپنے مالکان کے ساتھ سڑک پر پریڈ کی۔
کچھ شماروں سے پتہ چلتا ہے کہ یہ تعداد 1,175 تک ہو سکتی ہے لیکن گنیز ورلڈ ریکارڈ صرف 897 کی تصدیق کر سکا ہے۔
سیپی گلپیک، جنہوں نے ’ڈیکل میوزیم‘ کی بنیاد رکھی ہے اور اس پریڈ کا اہتمام کیا، کہا کہ اس تقریب کا مقصد کمیونٹی میں کچھ مثبت توانائی لانا تھا۔
انہوں نے کہا کہ یہ شہر سیاسی نہیں ہے۔ یہاں تمام لوگ برابر ہیں، قطع نظر اس کے کہ جلد کا رنگ کچھ بھی ہو یا وہ کہاں سے آئے ہوں۔
ذریعہ: Express News
پڑھیں:
پانچ سو سال سے محبت کرنیوالوں کو جوڑنے والے جرمن درخت کی لازوال داستان
جرمنی(نیوز ڈیسک)جرمنی کے ایک جنگل میں شاہ بلوط کا ایک ایسا درخت موجود ہے جوصدیوں سے محبت کرنیوالے جوڑوں کو جوڑتا ہے ۔ رپو رٹ کے مطابق جرمنی کے شہر ایوٹن کے باہر ایک 500 سال پرانا بلوط کا درخت ایک صدی سے زائد عرصے سے کنواروں کو شریک حیات دلانے کا کا کرتا ہے ۔یہ درخت 100 سے زیادہ شادیاں کروا چکا ہے۔
جرمن زبان میں ’بروٹیگامسیچی‘ کے نام سے مشہور اس ’برائیڈ گروم اوک‘ (دلہا بلوط) میں ایک شگاف ہے جو 1892 سے میل باکس کے طور پر استعمال ہو رہا ہے، یہاں تک کہ برلن کے شمال میں تقریبا 250 کلومیٹر کے علاقے میں ڈوڈو فاریسٹ میں اس کا اپنا پوسٹل کوڈ بھی ہے
،جرمن پوسٹل سروس کے ڈاکیے ہر ماہ بڑی ایمانداری سے 50 سے 60 خطوط اس درخت کے حوالے کرتے ہیں، 500 سال سے زیادہ پرانے 25 میٹر (82 فٹ) لمبے اس درخت سے تقریبا 3 میٹر (10 فٹ) اوپر آربورل میل باکس تک پہنچنے کیلئے ان فرض شناس ڈاکیوں کو ایک سیڑھی پر چڑھنا پڑتا ہے۔ درخت پر آنے والے زائرین ان پیغامات کو دیکھ سکتے ہیں جن میں سے کچھ دوسرے براعظموں سے بھیجے جاتے ہیں اور یہ انتخاب کر سکتے ہیں کہ آیا وہ کسی بھی خط لکھنے والے کے ساتھ رابطہ استوار کرلیں یا نہیں۔
ڈاک سروس کا کہنا ہے کہ اس کے نتیجے میں قلمی تعلقات کی وجہ سے کچھ شادیاں بھی ہوئی ہیں،پوسٹل سروس کے مطابق اس درخت کو سب سے پہلے ایک فاریسٹر کی بیٹی اور لیپزگ کے ایک چاکلیٹ مینوفیکچرر نے اپنی جائے ملاقات بنایا تھا اور اس کے سائے میں بیٹھ کر دنیا و مافیہا سے بے خبر میٹھی یٹھی باتیں کیا کرتے تھے۔
خاتون کے والد اس جوڑے کی شادی حتیٰ کہ ملنے جلنے کے بھی خلاف تھے۔ لہٰذا اس جوڑے نے اس عالیشان شاہ بلوط کا اپنا پوسٹ آفس بھی بنالیا تھا اور خاموشی سے یہاں آکر ایک دوسرے کیلئے چپکے سے پیار بھرے خطوط درخت کے شگاف میں چھپا دیا کرتے تھے۔ آخر کار خاتون کا پیار جیت گیا اور والد نے ان کی ضد کے سامنے ہتھیار ڈال دیئے اور شادی پر رضامند ہوگئے
جس کے بعد وہ پریمی جوڑا 1892 میں اسی درخت کے سائے میں شادی کے بندھن میں بندھا اور پھر سب ہنسی خوشی رہنے لگے،قلمی دوستی اور پھر اسے پکے رشتوں میں تبدیل کرنے کے خواہاں بھی اس پوسٹ آفس یعنی شاہ بلوط کے درخت کو اپنے خط بھیج سکتے ہیں۔ پتا کچھ یوں ہے۔ بروتیگامسیچی، ڈوڈور فورسٹ، 23701 یوٹن، جرمنی۔
عید الفطر پر پورے ہفتے کی چھٹی کا اعلان، تاریخیں سامنے آگئیں
خیبر پختونخوا اڑان پاکستان کے اقتصادی ترقی کے ایجنڈے کی مکمل حمایت کرتا ہے، علی امین گنڈا پور