آزاد عدلیہ کیلئے 26ویں ترمیم کا خاتمہ ضروری ہے، بلوچستان بار کونسل
اشاعت کی تاریخ: 19th, March 2025 GMT
اپنے بیان میں بلوچستان بار کونسل کے رہنماؤں نے کہا کہ موجودہ عدالتی نظام سے عوام کا عدلیہ پر اعتماد اٹھتا جا رہا ہے۔ آزاد عدلیہ کیلئے 26ویں آئینی ترمیم کا خاتمہ ضروری ہے۔ اسلام ٹائمز۔ بلوچستان بار کونسل کے وائس چیئرمین راجب خان بلیدی ایڈوکیٹ اور چیئر مین ایگزیکٹیو کمیٹی امان اللہ کاکڑ ایڈوکیٹ نے کہا ہے کہ پاکستان بار کونسل کے ارکان کی جانب سے 26ویں آئینی ترمیم کے خلاف قومی سیمینار کا انعقاد خوش آئند ہے۔ 26ویں آئینی ترمیم کے بعد عدلیہ کو مکمل طور پر ایگزیکٹیو کے تابع بنایا گیا ہے۔ بلوچستان بار کونسل نے آزاد عدلیہ کیلئے آئین کی بالادستی کیلئے اپنا بھرپور کردار ادا کیا ہے۔ بیان میں کہا گیا کہ موجودہ عدالتی نظام سے عوام کا عدلیہ پر اعتماد اٹھتا جا رہا ہے۔ آزاد عدلیہ کیلئے 26ویں آئینی ترمیم کا خاتمہ ضروری ہے۔
.ذریعہ: Islam Times
کلیدی لفظ: بلوچستان بار کونسل 26ویں ا ئینی ترمیم عدلیہ کیلئے
پڑھیں:
جعفر ایکسپریس غیرمعینہ مدت کیلئے بند کر دی گئی
کوئٹہ (اُردو پوائنٹ اخبارتازہ ترین۔ 18 مارچ2025ء) جعفر ایکسپریس غیرمعینہ مدت کیلئے بند کر دی گئی، حال ہی میں دہشت گردی کا نشانہ بننے والی ٹرین کی سروس کو محکمہ ریلوے کے احکامات کے بعد ہی شروع کیا جائے گا۔ تفصیلات کے مطابق حکومت نے پشاور سے کوئٹہ جانے والی جعفر ایکسپریس سروس کو غیر معینہ مدت کیلئے بند کردیا۔ محکمہ ریلوے ذرائع کے مطابق جعفر ایکسپریس کو غیر معینہ مدت تک کیلئے بند کردیا گیا ہے، محکمہ ریلوے کے احکامات کے بعد ہی سروس شروع کی جائے گی۔ دوسری جانب صوبہ بلوچستان کے علاقہ بولان میں جعفر ایکسپریس پر حملے کے بعد ریلوے ٹریک کی مرمت مکمل کرلی گئی اور حکام نے کوئٹہ سے ٹرین سروس کی بحالی کا اعلان کردیا۔ میڈیا رپورٹس کے مطابق ریلوے انتظامیہ کا کہنا ہے کہ بلوچستان کے علاقے مشکاف میں ریلوے ٹریک کی مرمت مکمل کرلی گئی ہے اور کوئٹہ سے اندرون ملک کے لئے ٹرین سروس کل سے بحال ہوگی، پہلی ٹرین کی روانگی کے موقع پر سکیورٹی کے سخت انتظامات کیے جائیں گے، ڈرون کے ذریعے بھی ٹرین کی نگرانی کی جائے گی، ریلوے سٹیشن اور حساس مقامات پر سی سی ٹی وی کیمرے نصب کیے جائیں گے۔(جاری ہے)
بتایا جارہا ہے کہ جعفر ایکسپریس پر دہشت گردوں کے حملے کے بعد بلوچستان کے لیے ٹرین سروس معطل کی گئی تھی، پاکستان ریلوے نے عارضی طور پر پنجاب اور سندھ سے بلوچستان کے لیے اپنے آپریشنز کو معطل کیا، اس حوالے سے پاکستان ریلوے کے چیف ایگزیکٹو آفیسر عامر علی بلوچ نے بتایا تھا کہ بلوچستان میں حالات معمول پر آنے تک ٹرینیں عارضی طور پر معطل کی ہیں، بلوچستان کے لیے تمام مسافر اور مال بردار ٹرینیں سکیورٹی ایجنسیوں کی جانب سے علاقے کی کلیئرنس تک معطل رہیں گی، سکیورٹی فورسز کے اہلکاروں کو سبی سے جعفر ایکسپریس کے ساتھ پیش آنے والے افسوس ناک واقعے کے مقام تک پہنچانے کے لیے خصوصی ٹرین چلائی گئی۔ یاد رہے کہ جعفر ایکسپریس کوئٹہ سے روانہ ہوئی تھی جو ٹنل نمبر آٹھ پر رکی جہاں دہشت گردوں نے سوا 1 بجے کے قریب حملہ کیا، جعفرایکسپریس کوئٹہ سے پشاور جارہی تھی، جعفر ایکسپریس 9 بوگیوں پر مشتمل تھی، جس میں 430 سے زائد مسافر سوار تھے، دہشت گردوں نے ٹرین پر حملے کے دوران شدید فائرنگ کی، فائرنگ کے واقعے سے خوف و ہراس پھیل گیا، دہشت گردوں کی فائرنگ سے کئی مسافر جاں بحق ہوئے۔
وزیراعظم سے بلاول بھٹو کی وفد کے ہمراہ ملاقات کی اندرونی کہانی سامنے آگئی