یوزویندر چاہل اور دھناشری کی راہیں الگ، کرکٹر عدالتی حکم پر اہلیہ کو کتنی رقم دینے کے لیے تیار ہوگئے؟
اشاعت کی تاریخ: 19th, March 2025 GMT
بھارتی کرکٹر یوزویندر چاہل اور ان کی اہلیہ دھناشری ورما کی طلاق کے کیس میں اہم پیشرفت سامنے آئی ہے، ممبئی ہائی کورٹ کے حکم کے مطابق عدالت نے فیملی کورٹ کو ہدایت کی ہے کہ وہ کرکٹر یوزویندر چاہل اور ان کی علیحدہ بیوی دھناشری ورما کی طلاق کی درخواست پر 20 مارچ تک فیصلہ کرے، کیونکہ یوزویندر چاہل کو 22 مارچ سے شروع ہونے والے انڈین پریمیئر لیگ (آئی پی ایل) 2025 سیزن میں شرکت کرنی ہے۔
ایکس کے پیج بار اینڈ بینچ کے مطابق، یہ جوڑا دسمبر 2020 میں شادی کے بندھن میں بندھاتھا اور جون 2022 سے الگ رہ رہا ہے۔ اور اس سال فروری میں انہوں نے باندرا فیملی کورٹ میں طلاق کی درخواست دائر کرنے کا فیصلہ کیا۔ اس جوڑے نے درخواست کے ساتھ ایک درخواست بھی دائر کی تاکہ کولنگ پیریڈ کی مدت کو ختم کیا جا سکے۔
یہ بھی پڑھیں: دھناشری ورما سے علیحدگی کی خبروں پر یوزویندر چاہل کا بیان سامنے آ گیا
مذکورہ سیکشن 13B(2) کے تحت، فیملی کورٹ کسی بھی متفقہ طلاق کی درخواست پر اس کے دائر ہونے کی تاریخ سے چھ ماہ بعد ہی غور کر سکتی ہے۔ جوڑے کو سیٹلمنٹ کے لیے ایک ’کولنگ آف‘ مدت دی جاتی ہے۔ لیکن چونکہ چاہل اور دھناشری ایک دوسرے سے 2 سال سے زیادہ عرصہ سے علیحدہ رہ رہے ہیں اس لیے ممبئی ہائی کورٹ نے اس معاملے میں کولنگ آف کی شق کو لاگو کرنے کی ضرورت محسوس نہیں کی۔
یہ معاملہ اس وقت پیچیدہ ہو گیا جب 20 فروری کو عدالت نے 6 ماہ کی قانونی کولنگ آف مدت کو ختم کرنے کی درخواست مسترد کر دی، اس کی وجہ یہ تھی کہ چاہل اور دھناشری کے درمیان معاہدہ کی شرائط کے حوالے سے جزوی تعمیل کی گئی تھی۔
یہ بھی پڑھیں: کیا بھارتی کھلاڑی یوزویندر چاہل کی دھناشری ورما سے علیحدگی ہوگئی؟ اہلیہ نے خاموشی توڑ دی
معاہدے کی شرائط کے تحت، یوزویندر چاہل نے دھناشری کو 4 کروڑ 75 لاکھ روپے بطور مستقل نان معقول رقم ادا کرنے پر رضامندی ظاہر کی تھی۔ تاہم، کرکٹر نے ابھی تک صرف 2 کروڑ 37 لاکھ 55 ہزار روپے ادا کیے ہیں۔ باقی رقم کی عدم ادائیگی کو عدالت نے عدم تعمیل کے معاملے کے طور پر دیکھا جس کی وجہ سے کولنگ آف کی درخواست مسترد کر دی گئی۔
فیملی کورٹ نے فیملی کونسلر کی رپورٹ کے بعد فیصلہ سنایا، جس میں عدم تعمیل کا معاملہ اجاگر کیا گیا تھا۔ ممبئی ہائی کورٹ نے نوٹ کیا کہ جوڑا پہلے ہی 2 سال سے زیادہ عرصہ سے علیحدہ رہ رہا ہے، جو معاہدے کی شرائط کے مطابق باقی رقم کی ادائیگی کے حق میں فیصلہ کرنے کا جواز فراہم کرتا ہے۔
فیملی کورٹ کو 20 مارچ (جمعرات) تک طلاق کی درخواست پر فیصلہ کرنے کی ہدایت کی گئی ہے، کیونکہ آئی پی ایل سیزن قریب آ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی کرکٹر دھنا شرہ ورما یوزویندر چاہل.ذریعہ: WE News
کلیدی لفظ: بھارتی کرکٹر یوزویندر چاہل طلاق کی درخواست فیملی کورٹ کولنگ آف
پڑھیں:
ہوٹل میں بلاکر سابقہ اہلیہ کو بے دردی سے قتل کرنے والا سفاک ملزم گرفتار
کراچی:ٹیپو سلطان کے علاقے میں واقع نجی ہوٹل میں سابقہ اہلیہ کو قتل کرنے والا سفاک ملزم گرفتار کرلیا گیا۔
ایس پی جمشید عمیر کے مطابق ملزم عادل نے منصوبہ بندی کے تحت سابقہ بیوی ارم کو دھوکے سے شادی کی سالگرہ کے دن گیسٹ ہاؤس پر بلوایا تھا۔
یہ خبر بھی پڑھیں: ہوٹل سے بیوی کی برہنہ لاش برآمد، شوہر فرار؛ لیاری سے خاتون کی پھندا لگی لاش ملی
ملزم اپنے ساتھ چھری بھی گیسٹ ہاؤس لے کر گیا تھا۔ ملزم نے مقتولہ پر پہلا وار کیا تو اس نے بھاگنے کی کوشش کی، جس کے بعد ملزم نے اپنی سابقہ اہلیہ کو پکڑ کر چھری سے 13 وار کرکے قتل کیا اور فرار ہوگیا۔
ایس پی جمشید عمیر کے مطابق ملزم عادل کی گرفتاری کے لیے ٹیم تشکیل دی گئی تھی، جس نے ٹیکنیکل بنیادوں پر کارروائی کرکے ملزم کو گرفتار کیا۔
واضح رہے کہ گزشتہ جمعرات کو ملزم عادل نے ٹیپو سلطان تھانے کی حدود میں واقعے نجی ہوٹل کے کمرے میں سابقہ اہلیہ ارم کو قتل کیا تھا۔ مقتولہ کی لاش برہنہ حالت میں ملی تھی۔
خیبر پختونخوا اڑان پاکستان کے اقتصادی ترقی کے ایجنڈے کی مکمل حمایت کرتا ہے، علی امین گنڈا پور