چار شادیوں کے معاملے پر حمزہ علی عباسی کی ویڈیو وائرل
اشاعت کی تاریخ: 19th, March 2025 GMT
پاکستانی اداکار حمزہ علی عباسی نے قرآن پاک میں چار شادیوں کی اجازت سے متعلق آیت کی سیاق و سباق کے ساتھ جو وضاحت کی ہے، اس پر سوشل میڈیا پر ان کی خوب تعریف ہورہی ہے۔
حمزہ کا یہ بیان اس وقت سامنے آیا ہے جب اداکار دانش تیمور نے اپنی بیوی عائزہ کےلیے محبت کا اظہار کرتے ہوئے کہا تھا کہ وہ ’’فی الحال‘‘ صرف ایک شادی پر اکتفا کریں گے۔ دانش کے اس بیان پر تنقید ہوئی تھی، لیکن حمزہ عباسی نے اپنے پرانے بیان میں قرآنی حکم کی گہرائی سے وضاحت کرکے سب کے دل جیت لیے۔
دانش تیمور کے چار شادیوں والے معاملے پر بیان سامنے آنے کےبعد حمزہ عباسی کا ایک پرانا ویڈیو کلپ وائرل ہو رہا ہے، جس میں انہوں نے اسلام میں چار شادیوں کی اجازت کے حوالے سے اپنا نقطہ نظر پیش کیا۔ ویڈیو میں حمزہ سے پوچھا گیا کہ وہ اس حکم کے بارے میں کیا سوچتے ہیں۔ حمزہ نے پہلے قہقہہ لگایا اور پھر بڑی وضاحت سے جواب دیا۔
انہوں نے کہا، ’’قرآن میں چار شادیوں کی اجازت کا ذکر مخصوص حالات میں کیا گیا ہے۔ جنگ احد میں صحابہ کرام کی بڑی تعداد شہید ہوگئی تھی، جس کی وجہ سے بے شمار بیوائیں اور یتیم بچے بے سہارا ہو گئے تھے۔ ان کی دیکھ بھال کےلیے کوئی سماجی نظام نہیں تھا۔ ایسے حالات میں اللہ نے حکم دیا کہ یتیموں کی دیکھ بھال کرو، اور اگر تمہیں لگتا ہے کہ تم ان کی ماؤں کی دیکھ بھال نہیں کرسکتے، تو ان سے شادی کرلو، چاہے ایک، دو، تین یا چار۔‘‘
View this post on InstagramA post shared by Galaxy Lollywood (@galaxylollywood)
حمزہ نے مزید کہا، ’’لیکن اللہ پاک نے یہ بھی فرمایا کہ اگر تم بیویوں کے درمیان انصاف نہیں کرسکتے، تو صرف ایک ہی شادی کرو۔ یہ حکم بھی اسی کتاب میں موجود ہے۔‘‘ انہوں نے زور دے کر کہا کہ اسلام نے چار شادیوں کا حکم نہیں دیا، بلکہ اس وقت عرب معاشرے میں لاتعداد شادیوں کا رواج تھا، جس پر اللہ نے پابندی عائد کرتے ہوئے کہا کہ اگر شادی کرنی ہی ہے تو چار سے زیادہ نہ کرو، اور بہتر یہ ہے کہ ایک ہی کرو۔
حمزہ علی عباسی نے ایک آیت کی تفسیر کرتے ہوئے بتایا کہ جب اسلام آیا، اس وقت لوگوں کے ہاں 10 یا اس سے بھی زیادہ بیویاں ہوتی تھیں۔ اسلام نے اس پر پابندی عائد کرتے ہوئے چار کی حد مقرر کی اور ساتھ ہی یہ شرط بھی لگائی کہ اگر کوئی ایک سے زیادہ شادیاں کرتا ہے، تو اس پر لازم ہے کہ وہ بیویوں کے درمیان مکمل انصاف قائم کرے۔ اگر وہ انصاف نہیں کرسکتا، تو اسے صرف ایک ہی شادی پر اکتفا کرنا چاہیے۔
حمزہ نے اپنی ذاتی زندگی کا حوالہ دیتے ہوئے کہا، ’’میں ایک ہی شادی میں خوش ہوں۔‘‘ ان کا کہنا تھا کہ اسلام نے جس انصاف اور توازن کی بات کی ہے، وہ ایک سے زیادہ شادیوں میں ممکن نہیں ہے۔
حمزہ کے اس بیان پر سوشل میڈیا پر ان کی خوب تعریف ہو رہی ہے۔ صارفین کا کہنا ہے کہ حمزہ نے نہ صرف قرآنی حکم کی درست وضاحت کی ہے، بلکہ اسے جدید تناظر میں بھی سمجھایا ہے۔ ان کی یہ وضاحت نہ صرف دانشمندانہ ہے، بلکہ اس نے لوگوں کو اسلام کے اصل پیغام کو سمجھنے میں مدد دی ہے۔
.ذریعہ: Express News
کلیدی لفظ: چار شادیوں کرتے ہوئے ایک ہی
پڑھیں:
کراچی: مفت شربت کی بوتل لینے والے پولیس افسر کی ویڈیو وائرل، معطلی کا حکم جاری
کراچی:پولیس کی جانب سے مفت میں اشیا لینے کی ویڈیو منظر عام پر آنے کا سلسلہ بدستور جاری ہے ، رمضان المبارک میں پولیس افسر کی جانب سے مفت میں شربت کی بوتل لینے کے واقعہ کی ویڈیو سوشل میڈیا پر وائرل ہوگئی۔
اس سے قبل شارع نور جہاں تھانے کے اہلکار کی پھل فروش سے مفت میں خربوزہ لینے کی موبائل فون سے بنائی گئی ویڈیو سوشل میڈیا پر وائرل ہوئی تھی تاہم مفت میں شربت کی بوتل لینے والے مددگار 15 کے پولیس افسر کو معطل کر دیا گیا۔
ترجمان کراچی پولیس کے مطابق ایس ایس پی مددگار 15 عمران شوکت نے سوشل میڈیا پر وائرل ہونے والی ویڈیو کا نوٹس لیا ہے جس میں پولیس کا سب انسپکٹر کو تھانہ سائٹ بی کی حدود میں قائم ایک مارٹ سے شربت کی بوتل بلا معاوضہ لیتے ہوئے دکھایا گیا ہے۔
ایس ایس پی مددگار 15 نے واقعے کا سختی سے نوٹس لیتے ہوئے سب انسپکٹر جاوید کو فوری طور پر معطل کر کے محکمہ انکوائری کو ہدایت جاری کر دی۔
سوشل میڈیا پر وائرل ویڈیو میں پولیس کی وردی میں ملبوس سب انسپکٹر جو کہ چہرے پر ماسک لگایا ہوا تھا مارٹ کے کاؤنٹر پر آکر شربت کی بوتل مانگتا ہے ، دکاندار کی جانب سے پیسے طلب کرنے پر اپنا ماسک اتار کر اسے دیکھتا ہوا دکھائی دیتا ہے اور بعدازاں شاپر میں دی گئی شربت کی بوتل لیکر مارٹ سے جاتا ہوا دکھائی دیا۔
چند روز قبل ڈسٹرکٹ سینٹرل کے تھانے شارع نور جہاں کی پولیس موبائل میں سوار 4 اہلکاروں میں سے ایک اہلکار ظفر کی جانب سے قلندریہ چوک کے قریب پھل فروش سے مفت میں ٹھیلے سے خربوزہ اٹھانے پر پھل فروش سے تلخ کلامی کی موبائل فون سے بنائی گئی ویڈیو سوشل میڈیا پر وائرل ہوئی تھی جس میں پولیس اہلکار پھل فروش کو سنگین نتائج کی دھمکیاں اور مغلظات دیتے ہوئے سنائی دیا۔
تاہم ایس ایس پی ڈسٹرکٹ سینٹرل نے پولیس موبائل میں سوار چاروں اہلکاروں کو معطل کر دیا اور بعدازاں تحقیقات کے بعد پولیس اہلکار ظفر کو ملازمت سے برطرف کرنے کا حکمنامہ جاری کر دیا۔
خیبر پختونخوا اڑان پاکستان کے اقتصادی ترقی کے ایجنڈے کی مکمل حمایت کرتا ہے، علی امین گنڈا پور