سنیتا ولیمز کی خلاء سے محفوظ واپسی پر بھارت میں جشن کا ماحول
اشاعت کی تاریخ: 19th, March 2025 GMT
اسلام آباد (اُردو پوائنٹ ۔ DW اردو۔ 19 مارچ 2025ء) ناسا کے خلاباز بیری بوچ ولمور اور بھارتی نژاد سنیتا ولیمز نو ماہ سے بھی زائد عرصے سے خلا میں پھنسے ہوئے تھے، اورمنگل کے روز زمین پر ان کی محوظ واپسی پر بھارت نے بھی راحت کی سانس لی اور ملک میں جشن کا ماحول ہے۔
وزیر اعظم نریندر مودی نے ایک ٹوئٹ کرکے کہا کہ یہ دونوں خلا نوردوں، سنیتا ولیمز اور بوچ ولمور کی ہمت اور استقامت کا امتحان تھا۔
خلا میں نو ماہ پھنسے رہنے کے بعد ناسا کے خلاباز زمین پر محفوظ واپس
سنیتا ولیمز کو "نابغہ روزگار" اور "آئیکون" قرار دیتے ہوئے، وزیر اعظم نریندر مودی نے ان کا اور ساتھی خلاباز بوچ ولمور کا خیرمقدم کرتے ہوئے کہا کہ خلابازوں کا طویل قیام "حوصلے، ہمت اور بے پناہ انسانی جذبے کا امتحان" تھا۔
(جاری ہے)
دونوں کا خلائی مشن چند دنوں کے لیے تھا لیکن تکینکی خرابیوں کی وجہ سے یہ نو ماہ سے زیادہ طویل ہو گیا۔
وزیر اعظم نریندر مودی نے سنیتا ولیمز کو ایک خط لکھا ہے اور کہا کہ وہ انہیں بھارت میں دیکھنے کے منتظر ہیں۔
یکم مارچ کو لکھے گئے خط میں، جسے مرکزی وزیر برائے سائنس وٹیکنالوجی جتیندر سنگھ نے ایکس پر شیئر کیا ہے، مودی نے کہا کہ وہ جب امریکہ کے دورے پر گئے تھے تو صدر ڈونلڈ ٹرمپ اور ان کے پیشرو جو بائیڈن سے ملاقات کے دوران ان (سنیتا) کی خیریت بھی دریافت کی تھی۔
پہلی بھارتی خلائی پرواز میں سوار ہونے والے خلاباز کون؟
مودی نے اس خط میں لکھا، "بھارت کے ایک عشاریہ چار بلین افراد نے ہمیشہ آپ کی کامیابیوں پر بہت فخر کیا ہے۔ اور حالیہ پیش رفت نے ایک بار پھر آپ کے متاثر کن عزم اور استقامت کو ظاہر کیا ہے۔"
مودی نے اپنے ٹوئٹ میں کہا،"ان کا غیر متزلزل عزم ہمیشہ لاکھوں لوگوں کو متاثر کرے گا۔
" سنیتا ولیمز جلد ہی بھارت کا دورہ کریں گیسنیتا ولیمز کے اہل خانہ نے ان کی واپسی کا جشن منانے کا اعلان کیا ہے۔
سنیتا کی بھابھی فالگنی پانڈیا نے بھارتی میڈیا سے بات کرتے ہوئے کہا کہ آج ہمارا پورا خاندان "خوش" ہے کہ وہ خلا میں نو ماہ کے غیر متوقع قیام کے بعد بحفاظت زمین پر واپس آگئی ہیں۔
فالگنی نے تصدیق کی کہ سنیتا ولیمز جلد ہی بھارت کا دورہ کریں گی۔
بین الاقوامی خلائی اسٹیشن امید کی کرن ہے، کرسٹوفیروٹی
فالگنی نے کہا کہ ہم اس کی متعین تاریخ تو نہیں بتاسکتے "لیکن وہ یقینی طور پر جلد ہی بھارت آنے والی ہیں۔ مجھے امید ہے کہ اسی سال۔"
انسٹھ سالہ سنیتا، جو کہ سابق امریکی بحریہ کی کپتان ہیں، 19 ستمبر 1965 کو اوہائیو میں ایک گجراتی والد دیپک پانڈیا کے ہاں پیدا ہوئیں۔
جن کا آبائی گھر مہسانہ ضلع کے جھولاسان میں ہے۔ بالی وڈ اداکاروں نے بھی جشن منایاچرنجیوی، آر مادھون، اور جیکی شراف جیسے فلمی اداکاروں نے بھی سنیتا اور ساتھی خلاباز بوچ ولمور کی واپسی پر خوشی کا اظہار کیا ہے۔
چرنجیوی نے ایکس پر لکھا، "زمین پر خوش آمدید! سنیتا ولیمز اور بوچ ولمور۔ تاریخی اور بہادرانہ وطن واپسی!!!"
اداکار آر مادھون نے اس ویڈیو کو دوبارہ شیئر کیا جس میں سنیتا کو واپسی پر کیمرے کی طرف ہاتھ لہراتے ہوئے دیکھا جا سکتا ہے۔
انہوں نے لکھا، "زمین پر واپس خوش آمدید ہماری پیاری سنیتا ولیمز۔ ہماری دعاؤں کا جواب مل گیا ہے۔ آپ کو محفوظ اور مسکراتے ہوئے دیکھ کر بہت اچھا لگا۔ خلا میں 260 سے زیادہ غیر یقینی دنوں کے بعد یہ خدا کے فضل اور لاکھوں دعاؤں کا جواب ہے۔"اداکار جیکی شراف نے لکھا، "خلا میں نو ماہ کا غیر معمولی صبر، غیر متزلزل لچک، اور دریافت کے ناقابل تسخیر جذبے کو ظاہر کرتا ہے۔
"اداکاروں کے علاوہ، سوشل میڈیا پر متعدد اہم شخصیات ان کی بہادری اور ہمت کو سراہ رہے ہیں۔
صنعت کار آنند مہندرا نے سنیتا ولیمز کے ساتھ اپنی"ملاقات" کو یاد کیا۔ انہوں نے جولائی 2023 میں واشنگٹن میں اپنی وہ سیلفی بھی شیئر کی، جس میں وہ مکیش امبانی، ورندا کپور اور سنیتا ولیمز کے ساتھ موجود تھے۔
خیال رہے سنیتا ولیمز خلا میں جانے والی بھارتی نژاد پہلی خلاباز نہیں ہیں۔ ہریانہ کی 'ونڈر گرل' کلپنا چاولہ 2003 میں اپنی دوسری خلائی پرواز سے واپس آتے ہوئے ہلاک ہو گئی تھیں، جب خلائی شٹل کولمبیا دھماکے سے اڑ گیا تھا۔ راکیش شرما بھارت کے پہلے خلا باز تھے۔
.ذریعہ: UrduPoint
کلیدی لفظ: تلاش کیجئے سنیتا ولیمز واپسی پر خلا میں نے ایک کیا ہے نو ماہ کہا کہ
پڑھیں:
خلا میں نو ماہ پھنسے رہنے کے بعد ناسا کے خلاباز زمین پر محفوظ واپس
اسلام آباد (اُردو پوائنٹ ۔ DW اردو۔ 19 مارچ 2025ء) ناسا کے خلاباز بیری "بچ" ولمور اور بھارتی نژاد سنیتا ولیمز نو ماہ سے بھی زائد عرصے سے خلا میں پھنسے ہوئے تھے، جو منگل کے روز زمین پر واپس پہنچ گئے۔
منگل کے روز شام کے وقت اسپیس ایکس کیپسول فلوریڈا کے ساحل پر آہستہ آہستہ نمودار ہوا اور پھر اترنے کے لیے پیراشوٹ فضا میں تعینات کیے گئے۔
خلائی اسٹیشن پر پھنسے خلابازوں کی واپسی کی راہ ہموار
بین الاقوامی خلائی اسٹیشن سے زمین تک 17 گھنٹے کے سفر کے بعد خلائی جہاز خلیج میکسیکو کی لہروں سے ٹکرایا، تو گراؤنڈ پر موجود ٹیمیں خوشی سے جھوم اٹھیں۔
اس عملے میں امریکہ کے خلاباز نک ہیگ اور روس سے تعلق رکھنے والے الیگزینڈر گوربونوف بھی شامل ہیں، جنہیں اترنے کے بعد صحت کی جانچ کے لیے ہیوسٹن میں ناسا کے خلائی مرکز لے جایا جائے گا۔
(جاری ہے)
ناسا کے خلابازوں نے آخر کار خلائی اسٹیشن کو الوداع کہااس سے متعلق لائیو فوٹیج میں خلابازوں کو ہنستے، گلے لگاتے اور بین الاقوامی خلائی اسٹیشن (آئی ایس ایس) سے روانہ ہونے سے پہلے اسٹیشن پر اپنے دیگر ساتھیوں کے ساتھ تصویریں بناتے ہوئے دکھایا گیا۔
ماہرین فلکیات نے معلوم کائنات کا سب سے بڑا ڈھانچہ دریافت کر لیا
اس کے بعد انہیں اسپیس ایکس کے ایک کیپسول کے اندر بند کر دیا گیا۔
انہوں نے دوبارہ داخل ہونے والے سوٹ، بوٹ اور ہیلمٹ پہنے اور پھر دو گھنٹے تک آخری پریشر کے لیے کمیونیکیشن اور سیل کا ٹیسٹ کیا گیا۔چار افراد پر مشتمل عملہ باضابطہ طور پر ناسا کے کریو 9 گردش خلاباز مشن کا ایک حصہ تھا۔
کیپسول کے اندر سے کمانڈر نک ہیگ نے کہا، "کریو-9 اب گھر جا رہا ہے۔"
ہیگ نے مزید کہا کہ "انسانیت کے فائدے" کے لیے بین الاقوامی کوششوں کے حصے کے طور پر "اسٹیشن کو گھر کہنا ایک اعزاز کی بات ہے۔
"کیا ناسا سورج کے قریب ترین پہنچنے کی ایک نئی تاریخ رقم کرنے کو ہے؟
طویل مشن جو سیاسی تماشے میں بدل گیاناسا کے دو تجربہ کار خلابازوں اور امریکی بحریہ کے ریٹائرڈ ٹیسٹ پائلٹس کو گزشتہ جون میں اسٹار لائنر کے پہلے عملے کے طور پر خلا میں بھیجا گیا تھا۔
ابتدائی طور پر یہ مشن صرف چند دن پر ہی محیط تھا۔ تاہم اسٹار لائنر کے ایندھن سسٹم میں مسائل کی وجہ سے ان کی وطن واپسی متعدد بار التوا کا شکار ہوئی، جس کی وجہ سے ناسا نے یہ فیصلہ کیا کہ وہ اب اسپیس ایکس کے ایک کرافٹ کے ذریعے زمین پر واپس آئیں گے۔
چین چاند کے ’چُھپے ہوئے‘ حصے پر مشن بھیجے گا
اس کی وجہ سے خلا باز ولمور اور سنیتا ولیمز کا بین الاقوامی خلائی اسٹیشن پر معیاری چھ ماہ طویل قیام زیادہ دیر تک کھنچتا رہا اور ان دونوں کو نو ماہ سے زیادہ وہاں رکنا پڑا۔
مشن میں اس تاخیر کے سبب ناسا کی ہنگامی منصوبہ بندی کے ساتھ ساتھ بوئنگ کے اسٹار لائنر خلائی جہاز کی ناکامیاں بھی نمایاں ہو گئیں۔
امریکی نجی کمپنی کا خلائی جہاز چاند پر پہنچ گیا
یہاں تک کہ امریکی صدر ڈونلڈ ٹرمپ نے جب ان خلابازوں کی جلد واپسی کا مطالبہ کیا تو یہ مشن سیاسی تماشے کا بھی شکار ہوا۔ ٹرمپ نے الزام لگایا کہ سابق صدر جو بائیڈن نے سیاسی وجوہات کی بنا پر انہیں آئی ایس ایس پر چھوڑ رکھا ہے۔
ص ز/ ج ا (اے ایف پی، روئٹرز)
کوئٹہ، ایم ڈبلیو ایم ہزارہ ٹاؤن کا اجلاس، پاراچنار میں امن کا مطالبہ