پاکستان تحریک انصاف کے مرکزی رہنماعمر ایوب کی ضمانت عدالت نے خارج کردی۔ انسداد دہشت گردی کی خصوصی عدالت راولپنڈی نے 26 نومبر کو پی ٹی آئی احتجاج و لانگ مارچ کے 2 مقدمات میں قائد حزب اختلاف عمر ایوب خان کی عبوری ضمانت درخواستیں خارج کر دیں۔ عدالت نےعمرایوب کی عبوری ضمانت عدم حاضری پر خارج کر دی، جبکہ صنم جاوید، مشال یوسفزئی کے وکیل نےعدالت سے وقت مانگ لیا، عدالت نے وکیل کی استدعا منظور کرتے ہوئے 22 مارچ کو دلائل طلب کرلئے ہیں۔ راولپنڈی میں انسداد دہشت گری کی عدالت کے جج امجدعلی شاہ نے سماعت کی پراسیکوٹر سید ظہیر شاہ نے استغاثہ کی جانب سے دلائل دیئے۔ اپوزیشن لیڈر عمر ایوب کی عبوری ضمانت عدم حاضری پر خارج کر دی گئی۔ عمر ایوب کی جانب سے وکیل ملزم یا حاضری معافی کی درخواست عدالت نہیں پہنچی، جس پر جج امجد علی شاہ نے عدم پیروی پر ان کی عبوری ضمانت خارج کی۔دوسری جانب انسداد دہشت گری عدالت راولپنڈی میں صنم جاوید، مشال یوسفزئی اور احد شاہ کی عبوری ضمانت کی درخواست پر بھی سماعت ہوئی، صنم جاوید، مشال یوسفزئی کے وکیل فیصل ملک نے دلائل کیلئے عدالت سے مزید وقت مانگ لیا۔ جس پر عدالت نے ایڈووکیٹ فیصل ملک سے 22 مارچ کو دلائل طلب کرلئے ہیں۔
.ذریعہ: Nawaiwaqt
کلیدی لفظ: کی عبوری ضمانت عمر ایوب کی عدالت نے
پڑھیں:
26 نومبر احتجاج: بشریٰ بی بی کی دو مقدمات میں عبوری ضمانت میں 5 مئی تک توسیع
اسلام آباد کی انسدادِ دہشتگردی عدالت نے بانی پی ٹی آئی کی اہلیہ بشریٰ بی بی کے خلاف 26 نومبر احتجاج سے متعلق درج دو مقدمات میں عبوری ضمانت میں 5 مئی تک توسیع کر دی۔
انسدادِ دہشتگردی عدالت کے جج ابوالحسنات محمد ذوالقرنین نے ضمانت کی درخواستوں پر سماعت کی۔
بشریٰ بی بی کی جانب سے دونوں مقدمات میں حاضری سے استثنیٰ اور کیسز میں شامل تفتیش کرنے کے حوالے سے درخواستیں دائر کی گئیں جن پر عدالت نے سماعت 5 مئی تک ملتوی کر دی۔
سماعت کے دوران بشریٰ بی بی کے وکیل انصر کیانی ایڈووکیٹ عدالت میں پیش ہوئے۔ بشریٰ بہ بی کے خلاف تھانہ کھنہ اور کوہسار میں مقدمات درج ہیں۔
Post Views: 1
چیمپیئنز ٹرافی کے بعد کھلاڑیوں کی نئی رینکنگ جاری، بابر اعظم اعظم اور شاہین کی پرانی پوزیشن برقرار