دہشتگردی کا نشانہ بنی جعفر ایکسپریس کی بوگیاں کوئٹہ پہنچ گئیں‘ بوگیوں سے 3 دستی بم برآمد
اشاعت کی تاریخ: 19th, March 2025 GMT
کوئٹہ (اُردو پوائنٹ اخبارتازہ ترین - این این آئی۔ 19 مارچ2025ء)کوئٹہ میں دہشت گرد حملے سے متاثرہ جعفر ایکسپریس کی بوگیوں سے 3 دستی بم برآمد کیے گئے ہیں۔ریلوے پولیس کے مطابق ریلوے اسٹیشن کے قریب لوکوشیڈ پر کھڑی ٹرین کی بوگیوں سے برآمد دھماکا خیز مواد کو ناکارہ بنا دیا گیا ہے۔ریلوے حکام کا کہنا ہے کہ جعفر ایکسپریس کی بوگیوں کی مرمت کا کام جاری ہے۔
دہشت گرد حملے میں جعفر ایکسپریس کی 5 بوگیاں متاثر ہوئی تھیں۔(جاری ہے)
ٹرین کی 8 بوگیاں گزشتہ رات کوئٹہ ریلوے اسٹیشن لائی گئی تھیں۔ کچھی کے علاقے مشکاف سے جعفر ایکسپریس کی متاثرہ بوگیوں کو کوئٹہ لایا گیا تھا۔بولان میں دہشتگردی کا نشانہ بننیوالی جعفر ایکسپریس کی بوگیاں 8 روز بعد کوئٹہ پہنچا دی گئیں۔ بوگیوں پر گولیوں کے نشان اور بیشتر کھڑکیوں کے شیشے ٹوٹے ہوئے ہیں۔ریلوے حکام کے مطابق بوگیوں کو مرمت کے بعد سفر کیلئے روانہ کیا جائے گا۔واضح رہے کہ11 مارچ کو بولان میں جعفر ایکسپریس پر دہشتگردوں نے حملہ کیا تھا۔
.ذریعہ: UrduPoint
کلیدی لفظ: تلاش کیجئے جعفر ایکسپریس کی
پڑھیں:
کوئٹہ سے اندورن ملک ٹرین سروس کب بحال ہوگی؟
11 مارچ کو بلوچستان کے علاقے مشکاف میں دہشت گردوں کی جانب سے کوئٹہ سے پشاور جانے والی جعفر ایکسپریس پر حملے میں 398 فٹ ریلوے لائن کو دھماکا خیز مواد سے اڑا دیا گیا تھا، جس کے بعد کوئٹہ کا اندورن ملک سے بذریعہ ریل رابطہ منقطع ہوگیا تھا۔
تاہم گزشتہ روز پارلیمنٹ ہاؤس کے باہر میڈیا نمائندوں سے گفتگو کرتے ہوئے وفاقی وزیر برائے ریلوے حنیف عباسی نے کہا کہ جعفر ایکسپریس حملے کے بعد متاثرہ پٹڑی کی مرمت کردی گئی ہے جبکہ منگل سے پاکستان ریلوے کا آپریشن شروع کر دیا جائے گا۔
یہ بھی پڑھیں: جعفر ایکسپریس حملہ: سیکیورٹی فورسز کا آپریشن آخری مراحل میں داخل، یرغمالیوں کی بڑی تعداد بازیاب، تمام دہشتگرد ہلاک
اس کے علاوہ بلوچستان میں ٹرین کی ڈرون کے ذریعے نگرانی کی جائے گی جبکہ ملک بھر کے ریلوے اسٹیشنز اور حساس مقامات پر سی سی ٹی وی کیمرے نصب کرنے کا فیصلہ کیا گیا ہے۔
حنیف عباسی کی جانب سے ٹرین آپریشن آج سے شروع کیے جانے کا اعلان تو کیا گیا لیکن کوئٹہ سے اندرون ملک ٹرین سروس تاحال بحال نہیں ہو سکی، وی نیوز سے بات کرتے ہوئے ریلوے حکام نے بتایا کہ گزشتہ شب ریلوے انجینیئرنگ ٹیم کی جانب سے پٹڑی کی مرمت کا کام مکمل کر لیا گیا تھا، تاہم ایک سے دو روز کے اندر مسافر ٹرین کا باقاعدہ آغاز کردیا جائے گا۔
ریلوے حکام کا بتانا ہے کہ سیکیورٹی فورسز کی جانب سے کلیئرنس نہ ملنے کی وجہ سے مسافر ٹرین سروس تاحال بحال نہیں کی گئی، تاہم ایک دو روز کے دوران ٹرین سروس بحال کردی جائے گی، مسافر ٹکٹ گھر اور آن لائن ٹکٹ خرید کر اپنی مطلوبہ منزل تک سفر کرسکتے ہیں۔
مزید پڑھیں: جعفر ایکسپریس کا روٹ کب تک بحال ہوجائے گا؟ ریلوے حکام نے بتادیا
سیکیورٹی ذرائع کے مطابق مسافر ٹرین سروس بحال کرنے سے قبل ریلوے ٹریکس کو مکمل طور پر سیکیورٹی کلیئرنس دے کر ہی ٹرین چلائی جائے گی جبکہ ریلوے ٹریکس کا بم ڈسپوزیبل اسکواڈ کی جانب سے معائنہ کروانے کے بعد ٹرین کو ٹریک پر لایا جائے گا اور بوگیوں میں سیکیورٹی اہلکاروں کی نفری میں بھی اضافہ کیا جائے گا۔
دوسری جانب ٹرین سے سفر کرنے والے مسافر اب سفر سے گھبرا رہے ہیں، وی نیوز سے بات کرتے ہوئے پنجاب کے رہائشی ابرار احمد نے بتایا کہ وہ مزدوری کی غرض سے کوئٹہ آئے تھے اور عید کے موقع پر واپس اپنے آبائی علاقے جانا چاہتے ہیں۔
مزید پڑھیں: جعفر ایکسپریس پر حملے سے متاثر ٹریک کی بحالی مکمل، کل سے ٹرین آپریشن بحال ہو جائےگا، وزیر ریلوے حنیف عباسی
’قومی شاہراہوں پر عسکریت پسند ناکے لگا کر اور بعد ازاں شناختی کارڈ دیکھ کر لسانی بنیادوں پر قتل کرتے ہیں جس کی وجہ سے بائی روڈ سفر کرنا مشکل ہو گیا تھا، اس کے بعد ہمارے پاس صرف ٹرین کے سفر کا اختیار تھا لیکن حالیہ حملے نے ہمیں خوفزدہ کردیا ہے۔‘
ابرار احمد کے مطابق ان کے اہل خانہ کہتے ہیں کہ اس بار عید کوئٹہ میں ہی گزار لو اور مستقبل میں کبھی کوئٹہ کا رخ مت کرنا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بم ڈسپوزیبل اسکواڈ پشاور جعفر ایکسپریس حنیف عباسی ریلوے انجینیئرنگ ٹیم ریلوے حکام ریلوے لائن کوئٹہ مسافر ٹرین سروس مشکاف وزیر ریلوے
کے کے ایچ، شاہراہ بلتستان اور شندور روڈ پر ریسکیو سنٹرز قائم کرنے کا فیصلہ