خلا میں نو ماہ پھنسے رہنے کے بعد ناسا کے خلاباز زمین پر محفوظ واپس
اشاعت کی تاریخ: 19th, March 2025 GMT
اسلام آباد (اُردو پوائنٹ ۔ DW اردو۔ 19 مارچ 2025ء) ناسا کے خلاباز بیری "بچ" ولمور اور بھارتی نژاد سنیتا ولیمز نو ماہ سے بھی زائد عرصے سے خلا میں پھنسے ہوئے تھے، جو منگل کے روز زمین پر واپس پہنچ گئے۔
منگل کے روز شام کے وقت اسپیس ایکس کیپسول فلوریڈا کے ساحل پر آہستہ آہستہ نمودار ہوا اور پھر اترنے کے لیے پیراشوٹ فضا میں تعینات کیے گئے۔
خلائی اسٹیشن پر پھنسے خلابازوں کی واپسی کی راہ ہموار
بین الاقوامی خلائی اسٹیشن سے زمین تک 17 گھنٹے کے سفر کے بعد خلائی جہاز خلیج میکسیکو کی لہروں سے ٹکرایا، تو گراؤنڈ پر موجود ٹیمیں خوشی سے جھوم اٹھیں۔
اس عملے میں امریکہ کے خلاباز نک ہیگ اور روس سے تعلق رکھنے والے الیگزینڈر گوربونوف بھی شامل ہیں، جنہیں اترنے کے بعد صحت کی جانچ کے لیے ہیوسٹن میں ناسا کے خلائی مرکز لے جایا جائے گا۔
(جاری ہے)
ناسا کے خلابازوں نے آخر کار خلائی اسٹیشن کو الوداع کہااس سے متعلق لائیو فوٹیج میں خلابازوں کو ہنستے، گلے لگاتے اور بین الاقوامی خلائی اسٹیشن (آئی ایس ایس) سے روانہ ہونے سے پہلے اسٹیشن پر اپنے دیگر ساتھیوں کے ساتھ تصویریں بناتے ہوئے دکھایا گیا۔
ماہرین فلکیات نے معلوم کائنات کا سب سے بڑا ڈھانچہ دریافت کر لیا
اس کے بعد انہیں اسپیس ایکس کے ایک کیپسول کے اندر بند کر دیا گیا۔
انہوں نے دوبارہ داخل ہونے والے سوٹ، بوٹ اور ہیلمٹ پہنے اور پھر دو گھنٹے تک آخری پریشر کے لیے کمیونیکیشن اور سیل کا ٹیسٹ کیا گیا۔چار افراد پر مشتمل عملہ باضابطہ طور پر ناسا کے کریو 9 گردش خلاباز مشن کا ایک حصہ تھا۔
کیپسول کے اندر سے کمانڈر نک ہیگ نے کہا، "کریو-9 اب گھر جا رہا ہے۔"
ہیگ نے مزید کہا کہ "انسانیت کے فائدے" کے لیے بین الاقوامی کوششوں کے حصے کے طور پر "اسٹیشن کو گھر کہنا ایک اعزاز کی بات ہے۔
"کیا ناسا سورج کے قریب ترین پہنچنے کی ایک نئی تاریخ رقم کرنے کو ہے؟
طویل مشن جو سیاسی تماشے میں بدل گیاناسا کے دو تجربہ کار خلابازوں اور امریکی بحریہ کے ریٹائرڈ ٹیسٹ پائلٹس کو گزشتہ جون میں اسٹار لائنر کے پہلے عملے کے طور پر خلا میں بھیجا گیا تھا۔
ابتدائی طور پر یہ مشن صرف چند دن پر ہی محیط تھا۔ تاہم اسٹار لائنر کے ایندھن سسٹم میں مسائل کی وجہ سے ان کی وطن واپسی متعدد بار التوا کا شکار ہوئی، جس کی وجہ سے ناسا نے یہ فیصلہ کیا کہ وہ اب اسپیس ایکس کے ایک کرافٹ کے ذریعے زمین پر واپس آئیں گے۔
چین چاند کے ’چُھپے ہوئے‘ حصے پر مشن بھیجے گا
اس کی وجہ سے خلا باز ولمور اور سنیتا ولیمز کا بین الاقوامی خلائی اسٹیشن پر معیاری چھ ماہ طویل قیام زیادہ دیر تک کھنچتا رہا اور ان دونوں کو نو ماہ سے زیادہ وہاں رکنا پڑا۔
مشن میں اس تاخیر کے سبب ناسا کی ہنگامی منصوبہ بندی کے ساتھ ساتھ بوئنگ کے اسٹار لائنر خلائی جہاز کی ناکامیاں بھی نمایاں ہو گئیں۔
امریکی نجی کمپنی کا خلائی جہاز چاند پر پہنچ گیا
یہاں تک کہ امریکی صدر ڈونلڈ ٹرمپ نے جب ان خلابازوں کی جلد واپسی کا مطالبہ کیا تو یہ مشن سیاسی تماشے کا بھی شکار ہوا۔ ٹرمپ نے الزام لگایا کہ سابق صدر جو بائیڈن نے سیاسی وجوہات کی بنا پر انہیں آئی ایس ایس پر چھوڑ رکھا ہے۔
ص ز/ ج ا (اے ایف پی، روئٹرز)
.ذریعہ: UrduPoint
کلیدی لفظ: تلاش کیجئے خلائی اسٹیشن بین الاقوامی کے خلاباز ناسا کے کے لیے کے بعد
پڑھیں:
حکومت کیخلاف کب میدان میں آنا ہے؟ فضل الرحمان نے واضح اشارہ دیدیا
حکومت کے خلاف کب میدان میں آنا ہے؟ مولانا فضل الرحمان واضح اشارہ دے دیا۔
میڈیا رپورٹ کے مطابق نے کہا ہے کہ موجودہ حالات میں نواز شریف اہم کردار ادا کرسکتے ہیں۔ ساتھ ہی انہوں نے عندیہ بھی دیا کہ یک طرفہ فیصلے بند نہ کیے تو ملکی سیاست میں شدت آئے گی۔
صحافیوں سے بات چیت میں مولونا فضل الرحمان کا کہنا تھا کہ عیدالفطر کے بعد تحریک چلانے کا فیصلہ کریں گے۔
جے یو آئی کے سربراہ کے مطابق حکومت مخالف تحریک میں پی ٹی آئی سے اتحاد کا فیصلہ مشاورتی کونسل کے اجلاس میں ہوگا۔
انہوں نے بلوچستان کے حوالے سے گفتگو کرتے کہا کہ ریاست نے کہا تو افغانستان کے معاملے پر کردار ادا کرنے کا سوچ سکتے ہیں۔
امن و امان کی صورتحال کے حوالے سے مولانا فضل الرحمان نے کہا کہ رمضان المبارک میں روزانہ مساجد میں دھماکے ہو رہے ہیں، علما کی ٹارگٹ کلنگ ہو رہی ہے، پوچھتا ہوں حکومت کہاں ہے؟
فضل الرحمان کے مطابق اگر مساجد اور مدارس محفوظ نہیں تو عام مقامات کیسے محفوظ ہوں گے؟
انہوں نے کہا کہ علما کے پےدرپے قتل کے واقعات افسوس ناک اور مذہبی طبقے کے خلاف گہری سازش ہیں، اگر مساجد اور مدارس محفوظ نہیں تو عام مقامات کیسے محفوظ ہوں گے؟ ہم ممتاز عالم دین مفتی منیر شاکر کے قتل کی مذمت کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان تحریک جے یو آئی حکومت دہشتگردی مولانا فضل الرحمان
60ہزارسےکم تنخواہ والے ملازمین کیلئےاچھی خبر