وادی کشمیر میں ایک درجن سے زائد مقامات پر بھارتی ایجنسی کے چھاپے
اشاعت کی تاریخ: 19th, March 2025 GMT
ذرائع کے مطابق ان چھاپوں میں ان افراد کو نشانہ بنایا جارہا ہے جن کا تعلق حال ہی میں وجود میں آنے والے کالعدم دہشتگرد تنظیموں کے ذیلی گروہوں اور معاون تنظیموں سے ہے۔ اسلام ٹائمز۔ بھارتی تحقیقاتی ایجنسی (این آئی اے) نے مقبوضہ کشمیر کے صوبہ جموں کے مختلف علاقوں میں 12 سے زائد مقامات پر چھاپے مارے۔ بھارتی ذرائع کے مطابق یہ کارروائیاں پاکستان سے ہندوستان میں عسکریت پسندوں کی دراندازی اور حالیہ سکیورٹی فورسز اور شہریوں پر حملوں کی تحقیقات کے سلسلے میں کی جا رہی ہیں۔ چھاپے مار کارروائی جموں کے مختلف علاقوں میں عسکریت پسند تنظیموں کے ہمدردوں اور کارکنوں کے ٹھکانوں پر مارے جا رہے ہیں۔ ذرائع کے مطابق ان چھاپوں میں ان افراد کو نشانہ بنایا جا رہا ہے جن کا تعلق حال ہی میں وجود میں آنے والے کالعدم دہشت گرد تنظیموں کے ذیلی گروہوں اور معاون تنظیموں سے ہے۔
این آئی اے یہ جاننے کی کوشش کر رہی ہے کہ یہ افراد کس طرح دراندازی میں مدد فراہم کر رہے تھے اور بھارتی سرزمین پر دہشت گردانہ کارروائیوں میں سہولت کار کا کردار ادا کر رہے تھے۔ یہ کارروائی کیس RC-04/2024/NIA/JMU کے تحت کی جا رہی ہے، جو 24 اکتوبر 2024ء کو این آئی اے نے درج کیا تھا۔ یہ کیس لشکرِ طیبہ ( ایل ای ٹی) اور جیشِ محمد کے دہشت گردوں کی بین الاقوامی سرحد آئی بی اور لائن آف کنٹرول ایل او سی کے ذریعے دراندازی سے متعلق خفیہ اطلاعات کی بنیاد پر درج کیا گیا تھا۔ تحقیقات میں انکشاف ہوا ہے کہ جموں کے گاؤں میں موجود دہشت گردوں کے سہولت کار (او جی ڈبلیو ایس) اور دیگر ساتھی ان دراندازوں کو لاجسٹک سپورٹ، خوراک، رہائش اور مالی معاونت فراہم کر رہے تھے۔
ذریعہ: Islam Times
پڑھیں:
بھارت کشمیریوں کی آواز کو طاقت کے بل پر دبانے کی پالیسی پر مسلسل عمل پیرا ہے، حریت کانفرنس
ترجمان حریت کانفرنس کا کہنا ہے کہ بھارت نے ڈیڑھ کروڑ کے لگ بھگ کشمیریوں کو محصور رکھا ہے اور ان کے تمام بنیادی حقوق سلب کر رکھے ہیں۔ بھارتی رہنما کشمیر کے حوالے سے تاریخی حقائق کو مسخ اور تمام اصول اور اخلاقیات پامال کر رہے ہیں۔ اسلام ٹائمز۔ بھارت کے غیر قانونی زیر قبضہ جموں و کشمیر میں کل جماعتی حریت کانفرنس نے اقوام متحدہ پر زور دیا ہے کہ وہ جنوبی ایشیا میں پائیدار امن و استحکام کیلئے تنازعہ کشمیر کو اپنی پاس کردہ قراردادوں کے مطابق حل کرانے کیلئے کردار ادا کرے۔ ذرائع کے مطابق کل جماعتی حریت کانفرنس کے ترجمان ایڈووکیٹ عبدالرشید منہاس نے سرینگر میں جاری ایک بیان میں کہا کہ اقوام متحدہ کی سلامتی کونسل نے کشمیریوں کے حق خودارادیت کے حوالے سے ایک تاریخی قرارداد منظور کر رکھی ہے جس پر بھارت نے بھی دستخط کیے ہیں۔ انہوں نے کہا کہ بھارت اس قرارداد پر عملدر آمد کے بجائے کشمیریوں کی آزادی کی آواز کو طاقت کے بل پر دبانے کی پالیسی پر عمل پیرا ہے او اس نے اپنی ہٹ دھرمی اور غیر حقیقت پسندانہ طرز عمل کیوجہ سے خطے کو مستقل طور پر ایک غیر یقینی صورتحال سے دوچار کر رکھا ہے۔
ترجمان نے کہا کہ بھارت نے جموں و کشمیر پر اپنے غیر قانونی تسلط کو برقرار رکھنے کیلئے علاقے میں دس لاکھ کے قریب فورسز اہلکار تعینات کر رکھے ہیں اور مقبوضہ جموں و کشمیر اس وقت دنیا کا سب سے بڑا فوجی تعیناتی والا خطہ مانا جاتا ہے۔ انہوں نے کہا کہ بھارت نے ڈیڑھ کروڑ کے لگ بھگ کشمیریوں کو محصور رکھا ہے اور ان کے تمام بنیادی حقوق سلب کر رکھے ہیں۔ ترجمان نے کہا کہ بھارتی رہنما کشمیر کے حوالے سے تاریخی حقائق کو مسخ اور تمام اصول اور اخلاقیات پامال کر رہے ہیں۔ انہوں نے کہا کہ عالمی برادری کو مقبوضہ علاقے میں جاری بھارتی ریاستی دہشت گردی اور اس کے جارحانہ طرز عمل کا نوٹس لینا چاہیے۔ ترجمان نے کہا کہ مودی حکومت مقبوضہ علاقے میں مسلمانوں کی اکثریت کو اقلیت میں تبدیل کرنے کے مذموم منصوبے پر عمل پیرا ہے اور وہ کشمیری مسلمانوں کو اپنی شناخت، تہذیب و تمدن سے محروم کرنے پر تلی ہوئی ہے۔
انہوں نے کہا پاکستان تنازعہ کشمیر کا ایک اہم فریق ہے، وہ کشمیریوں کے حق خودارادیت کا ایک زبردست حامی و وکیل ہے جو ہر عالمی فورم پر مقبوضہ علاقے کے لوگوں کی بھرپور ترجمانی کر رہا ہے۔ انہوں نے عالمی برادری پر زور دیا کہ وہ تنازعہ کشمیر کو اقوام متحدہ کی قراردادوں اور کشمیری عوام کی مرضی کے مطابق حل کرانے میں اپنا کردار ادا کرے تاکہ جنوبی ایشیا میں مستقل امن قائم ہو سکے۔ ترجمان نے بھارتی وزیر خارجہ جے شنکر کے پاکستان اور کشمیر سے متعلق حالیہ بیان کی مذمت کرتے ہوئے کہا کہ بھارت نے گزشتہ سات دہائیوں سے زائد عرصے سے جموں و کشمیر پر غیر قانونی قبضہ جما رکھا ہے اور وہ اپنے بے بنیاد اور جھوٹے بیانیے کے ذریعے عالمی برادری کی آنکھوں میں ہرگز دھول نہیں جھونک سکتا۔ دریں اثنا ضلع بارہمولہ کے رفیع آباد اور دیگر علاقوں میں 23 مارچ کو منائے جانے والے ”یوم پاکستان“ کے حوالے سے پوسٹر چسپاں کیے گئے ہیں۔ پوسٹروں کے ذریعے پاکستان کو مبارکباد دیتے ہوئے کہا گیا کہ کشمیری دراصل تکمیل پاکستان کی جدوجہد کر رہے ہیں اور وہ دن دور نہیں جب جموں و کشمیر بھارتی چنگل سے آزاد ہو کر مملکت خداداد کا حصہ بنے گا۔
وزیراعلیٰ سندھ مراد علی شاہ کا رواں سال گندم نہ خریدنے کا اعلان