’کیا آپ مسلمان نہیں ہیں‘؟، ہانیہ عامر کو بندیا لگا کر ہولی کی مبارکباد دینا مہنگا پڑگیا
اشاعت کی تاریخ: 19th, March 2025 GMT
پاکستان شوبز انڈسٹری کی معروف اداکارہ و ماڈل ہانیہ عامر نے ہندو مداحوں کو ہولی تہوار کی مبارکباد دینے کے لیے بندیا لگا لی جس کی تصاویر انہوں نے فوٹو اینڈ ویڈیو شیئرنگ ایپ انسٹاگرام پر شیئر کیں۔
تصاویر کے کیپشن پر ہانیہ عامر نے لکھا کہ ایک عقل مند آدمی نے ایک بار کہا تھا کہ کوئی برائی سنو نہ کوئی برائی دیکھو، اس لیے میں برا نہیں بولتی، ساتھ ہی انہوں نے لکھا کہ ہولی کا جشن منانے والوں کو مبارک ہو۔
شیئر کی گئی تصاویر میں ہانیہ عامر کے ساتھ دو اور خواتین بھی موجود ہیں اور ان کے ماتھے پر بھی بندیا لگی ہوئی ہے۔
View this post on Instagram
A post shared by Hania Aamir 哈尼亚·阿米尔 (@haniaheheofficial)
تاہم ہانیہ عامر کا انداز پاکستانی مداحوں کو ایک آنکھ نہ بھایا اور انہوں نے اس پوسٹ پر تنقیدی تبصرے شروع کر دیے۔ کئی افراد نے ان پر الزام لگایا کہ وہ اپنے بھارتی مداحوں کو خوش کرنے کی کوشش کر رہی ہیں۔ کئی صارفین نے لکھا کہ وہ آج سے ہانیہ عامر کو ان فالو کر رہے ہیں۔
ایک صارف نے اداکارہ کی پوسٹ پر تبصرہ کرتے ہوئے کہا کہ ایک مذہب کا انتخاب کریں۔ ایک سوشل میڈیا صارف نے کہا کہ آپ ہندو مذہب اختیار کر سکتی ہیں۔ اگر آپ ایسا کرتی ہیں تو آپ کو بالی ووڈ میں بہت پسند کیا جائے گا۔ ایک سوشل میڈیا صارف نے کہا کہ آپ رمضان میں یہ سب کر رہی ہیں۔ تو کسی نے سوال کیا کہ کیا آپ مسلمان نہیں ہیں؟
بسما نامی صارف نے لکھا کہ ’ہم انڈین ہیں پھر بھی ہم یہ سب نہیں کرتے کیونکہ ہم مسلمان ہیں‘ جبکہ عدنان مغل نے لکھا کہ پہلے آپ میری پسندیدہ تھیں لیکن اب نہیں۔
تاہم کئی مداح ایسے بھی تھے جنہوں نے ہانیہ عامر کا ساتھ دیا اور ان کے حق میں آواز اٹھائی، اورکہا کہ یہ بندیا آپ پر بہت پیاری لگ رہی ہے۔ ایک صارف کا کہنا تھا کہ پرامن مذہب والے لوگ ایک بندی لگانے اور ہولی کی مبارکباد دینے پر ہی بھڑک اٹھے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پاکستانی ڈرامے ہانیہ عامر ہولی.ذریعہ: WE News
کلیدی لفظ: بالی ووڈ پاکستانی ڈرامے ہانیہ عامر ہولی ہانیہ عامر نے لکھا کہ کہا کہ
پڑھیں:
جنگ کے وقت سیاست سے بالاتر ہو کر ملک کو اولین ترجیح دینا حب الوطنی کا تقاضہ ہے، بلاول بھٹو
فائل فوٹو۔
پاکستان پیپلز پارٹی (پی پی پی) کے چیئرمین بلاول بھٹو زرداری نے عمران خان کے بغیر پارلیمانی سیکیورٹی کمیٹی کے اجلاس میں پی ٹی آئی کی جانب سے شرکت نہ کرنے کے اعلان پر ردعمل کا اظہار کیا ہے۔
بلاول بھٹو زرداری نے اپنے بیان میں کہا کہ عمران خان نے بطور وزیرِاعظم کبھی بھی کسی پارلیمانی سیکیورٹی اجلاس میں شرکت نہیں کی۔ نہ ہی دہشت گردی پر، نہ کشمیر پر اور نہ ہی بھارتی جارحیت پر ہونے والے اجلاس میں وہ شریک ہوئے۔
ذرائع کے مطابق پارلیمانی کمیٹی کے ان کیمرا اجلاس سے خطاب کرتے ہوئے وزیر دفاع نے اجلاس میں شرکت نہ کرنے پر پی ٹی آئی پر کڑی تنقید کی۔
انہوں نے کہا کہ آج وہ پارلیمنٹ کے رکن بھی نہیں ہیں اور یہ پارلیمنٹ کی قومی سلامتی کمیٹی کا اجلاس تھا۔
بلاول بھٹو کا کہنا تھا کہ افسوسناک بات یہ ہے کہ پی ٹی آئی اب اصرار کر رہی ہے کہ وہ اس اجلاس میں شریک ہوں۔
انہوں نے کہا کہ جنگ کے وقت سیاست سے بالاتر ہو کر ملک کو اولین ترجیح دینا ہر پاکستانی کی حب الوطنی کا تقاضہ ہے۔
اسرائیلی آبادکار اسلحہ کے زور پر وادی اردن میں بدو برادری کی1500 بھیڑیں اٹھا کرلے گئے