بجلی کی قیمت میں 8 روپے فی یونٹ تک کمی کا امکان
اشاعت کی تاریخ: 19th, March 2025 GMT
اسلام آباد ( اُردو پوائنٹ اخبارتازہ ترین۔ 19 مارچ 2025ء ) ملک میں عوام کے لیے بجلی کی قیمت میں 8 روپے فی یونٹ تک کمی کا امکان ظاہر کردیا گیا۔ میڈیا رپورٹس کے مطابق اپریل سے عوام کو بجلی کی قیمتوں میں ریلیف ملنے کی توقع ہے اور اس سلسلے میں 23 مارچ کو وزیر اعظم شہباز شریف آئی ایم ایف کی منظوری کے بعد بجلی کے نرخ میں 8 روپے فی یونٹ کمی کا اعلان کر سکتے ہیں۔
ذرائع کی جانب سے بتایا گیا ہے کہ قیمتوں میں یہ کمی یکم اپریل 2025ء سے مؤثر ہوگی یعنی مئی میں عوام کو قیمت کم کیے جانے والے بل موصول ہوں گے، 8 روپے فی یونٹ میں سے 4 روپے 73 پیسے فی یونٹ کی کمی مستقل بنیادوں پر جاری رہے گی۔ ذرائع سے معلوم ہوا ہے کہ آئی ایم ایف نے حکومت کے اعلیٰ حکام کوتین ماہ تک پیٹرولیم مصنوعات کی قیمتیں کم نہ کرنے کے نتیجے میں 250 ارب روپے تک کے اثرات کے بدلے ریلیف حاصل کرنے کی منظوری دی ہے لیکن اس کے لیے پیٹرولیم مصنوعات کی قیمتوں میں بین الاقوامی مارکیٹ میں کمی ہونا شرط ہے، اس بار حکومت کی طرف سے پیٹرولیم مصنوعات کی قیمتوں میں کمی نہ کرنے کا تخمینہ 168 ارب روپے لگایا گیا ہے جو بجلی کے ٹیرف میں 1 روپے 30 پیسے فی یونٹ کمی کیلئے استعمال ہوں گے۔(جاری ہے)
دوسری طرف آئی پی پیز کے ٹیرف میں کمی کے حوالے سے ایک اور اہم پیش رفت سامنے آئی ہے اور 7 آئی پی پیز اور سی پی پی اے نے ٹیرف نظرثانی کے لئے درخواستیں دائر کردیں، درخواست 2002ء کی پاورپالیسی کے تحت لگنے والے آئی پی پیز نے دائر کی، نشاط چونیاں پاور، نشاط پاور نارووال انرجی لمٹیڈ کی ًجانب سے درخواست دائر کی گئیں، اس کے علاوہ لبرٹی پاورٹیک لمٹیڈ، اینگروپاورجن قادرپور لمٹیڈ نے درخواست دائر کردی۔ بتایا جارہا ہے کہ سیفائر الیکڑک پاور لمٹیڈاور سیف پاور لمٹیڈ کی جانب سے درخواست دائر کی گئی، نیپرا اتھارٹی آئی پی پیز کی درخواست پر 24 مارچ کو سماعت کرے گی، سماعت میں روپے اور ڈالر کی قدر کے فرق کے طریقہ کار پرنظرثانی کے معاملے کا جائزہ لیا جاٰئے گا، سماعت میں ٹیک اینڈ پے سسٹم کے تحت ادائیگیوں کے طریقہ کار کا جائزہ لیا جائے گاًً، ای پی سی لاگت کے 0.90 فیصد انشورنس کیپ پر نظرثانی کا معاملہ زیرغور آئے گا۔
ذریعہ: UrduPoint
کلیدی لفظ: تلاش کیجئے روپے فی یونٹ قیمتوں میں ئی پی پیز
پڑھیں:
بجلی کی قیمت میں کم از کم 10 روپے کمی کی جائے، ایف پی سی سی آئی کا مطالبہ
بجلی کی قیمت میں کم از کم 10 روپے کمی کی جائے، ایف پی سی سی آئی کا مطالبہ WhatsAppFacebookTwitter 0 18 March, 2025 سب نیوز
اسلام آباد: فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے عہدیداران نے نیوز کانفرنس سے خطاب کرتے ہوئے بجلی کی قیمتوں اور پالیسی ریٹ میں فوری کمی کا مطالبہ کیا ہے۔ عہدیداران کا کہنا تھا کہ ملکی معیشت کے استحکام اور برآمدات کے فروغ کے لیے توانائی کی قیمتوں کو خطے کے برابر لانا ناگزیر ہے۔
ای پی سی سی آئی کے صدر عاطف اکرام شیخ نے کہا کہ چیمبرز کی دو سالہ مدت کے حوالے سے گفت و شنید جاری ہے جبکہ حکومت یہ بات سمجھ رہی ہے کہ چار ماہ قبل ہی انتخابات مکمل ہوئے ہیں۔ انہوں نے کہا کہ آئی پی پیز سے متعلق میڈیا اور بزنس کمیونٹی نے مل کر کوششیں کیں جس کے نتیجے میں بجلی کی قیمت میں 4 سے 5 روپے کمی ممکن ہوئی۔
انہوں نے کہا کہ خطے میں بجلی کا ریٹ 6 سے 7 سینٹ فی یونٹ ہے جبکہ پاکستان میں یہ 15 سینٹ تک ہے، جو صنعت کی بحالی اور برآمدات کے لیے نقصان دہ ہے۔ عاطف اکرام شیخ نے مطالبہ کیا کہ پالیسی ریٹ کو فوری طور پر سنگل ڈیجٹ میں، کم از کم 8 فیصد تک لایا جائے تاکہ سرمایہ کاری کو فروغ ملے۔
اس موقع پر یو بی جی کے پیٹرن انچیف ایس ایم تنویر نے کہا کہ ملکی معیشت مثبت سمت میں جا رہی ہے مگر اب بھی ڈالرز کی شدید ضرورت ہے۔ انہوں نے کہا کہ ڈالرز حاصل کرنے کے دو ہی طریقے ہیں؛ یا آئی ایم ایف کے پاس جائیں یا پھر انڈسٹری کو بحال کرکے برآمدات بڑھائی جائیں۔
ایس ایم تنویر نے کہا کہ اگر توانائی کی قیمتوں کو خطے کے برابر نہ لایا گیا تو برآمدات میں اضافہ ممکن نہیں ہوگا۔ انہوں نے بتایا کہ حکومت نے 14 آئی پی پیز سے معاہدے ریوائز کیے ہیں اور 6 آئی پی پیز منسوخ کیے ہیں، جس سے بجلی نرخوں پر 2 روپے 30 پیسے کمی متوقع ہے۔ تاہم، ان کا کہنا تھا کہ یہ کمی ناکافی ہے اور بجلی کی قیمتوں میں کم از کم 10 روپے کمی ہونی چاہیے۔
انہوں نے کہا کہ موجودہ بجلی قیمتوں پر انڈسٹری تباہی کے دہانے پر پہنچ چکی ہے، اور مطالبہ کیا کہ بجلی کی قیمت 26 روپے فی یونٹ مقرر کی جائے۔ ایس ایم تنویر نے پالیسی ریٹ میں کمی پر بھی زور دیتے ہوئے کہا کہ شرح سود 9 فیصد ہونا چاہیے تاکہ معیشت کو سہارا مل سکے۔
عہدیداران کا کہنا تھا کہ حکومت فوری اقدامات کرے تاکہ توانائی بحران پر قابو پایا جا سکے اور برآمدات کے اہداف حاصل کیے جا سکیں۔
اسرائیلی آبادکار اسلحہ کے زور پر وادی اردن میں بدو برادری کی1500 بھیڑیں اٹھا کرلے گئے