شیعہ علماء کونسل پاکستان کے سینیئر رہنما توقیر حسین بابا انتقال کرگئے
اشاعت کی تاریخ: 19th, March 2025 GMT
مرحوم نے بیوہ، تین بیٹے، تین بیٹیاں سوگوار چھوڑی ہیں۔ توقیر حسین بابا تحریک جعفریہ پاکستان لاہور کے صدر رہے۔ مرحوم توقیر حسین بابا شیعہ علماء کونسل کے مرکزی ڈپٹی سیکرٹری جنرل، صوبائی جنرل سیکرٹری کے عہدوں پر بھی کام کرتے رہے۔ اسلام ٹائمز۔ شیعہ علماء کونسل پاکستان کے سینیئر رہنما توقیر حسین بابا لاہور میں نتقال کرگئے۔ 77 سالہ توقیر حسین بابا مرحوم کچھ عرصہ سے علیل تھے۔ مرحوم نے بیوہ، تین بیٹے، تین بیٹیاں سوگوار چھوڑی ہیں۔ توقیر حسین بابا تحریک جعفریہ پاکستان لاہور کے صدر رہے۔ مرحوم توقیر حسین بابا شیعہ علماء کونسل کے مرکزی ڈپٹی سیکرٹری جنرل، صوبائی جنرل سیکرٹری کے عہدوں پر بھی کام کرتے رہے۔ مرحوم کی نماز جنازہ قومی مرکز شاہ جمال لاہور میں ادا کی گئی، جس کے بعد انہیں فردوسیہ قبرستان میں سپرد خاک کر دیا گیا۔
.ذریعہ: Islam Times
کلیدی لفظ: شیعہ علماء کونسل توقیر حسین بابا
پڑھیں:
پاراچنار، ایم ڈبلیو ایم کی ضلعی کابینہ کا اعلان اور حلف برداری
سابق امید وار صوبائی اسمبلی سید نجات حسین، حاجی محبوب علی، ریٹائرڈ پرنسپل ناصر حسین، سید مفید حسین میاں، حاجی جمشید علی، حاجی امجد علی، کربلائی ممتاز علی، حاجی احمد علی اور ساجد کاظمی کابینہ میں شامل ہیں۔ اسلام ٹائمز۔ مجلس وحدت مسلمین ضلع کرم کی ضلعی کابینہ کا باقاعدہ اعلان کیا گیا اور حلف برداری کا پروگرام ضلعی آفس میں منعقد ہوا۔ پروگرام میں ضلعی مشاورتی کونسل، سیاسی کونسل کے ممبران اور دیگر کارکنان نے شرکت کی۔ طویل مشاورت کے بعد ضلعی کابینہ کا اعلان کیا گیا اور صوبائی صدر علامہ جہانزیب علی جعفری صاحب سے مشاورت کے بعد صوبائی نمائندے سید مسرت کاظمی نے ضلعی کابینہ کے اراکین سے حلف لیا۔ سابق امید وار صوبائی اسمبلی سید نجات حسین، حاجی محبوب علی، ریٹائرڈ پرنسپل ناصر حسین، سید مفید حسین میاں، حاجی جمشید علی، حاجی امجد علی، کربلائی ممتاز علی، حاجی احمد علی اور ساجد کاظمی کابینہ میں شامل ہیں۔
اس موقع پر نو منتخب ضلعی صدر سید معین حسین الحسینی اور نائب صدر سید سرفراز علی شاہ نے کہا کہ تنظیمی ڈھانچے کو مزید فعال کیا جائے گا اور توسیع تنظیم و تنظیم سازی پر خصوصی توجہ دی جائے گی، عنقریب یونین کونسل، نبھرہوڈ کونسل سطح پر اور ہر گاؤں کی سطح پر تنظیمی یونٹس بنائے جائیں گے اور کارکنان کی فعالیت و تربیت کے لئے خصوصی پروگرامات تشکیل دیئے جائیں گے۔ انہوں نے مزید کہا کہ ہم قومی وحدت پر یقین رکھتے ہیں، ضلع کرم میں آباد اقوام کو بھائی چارے اور مذہبی ہم آہنگی کی دعوت دیتے ہیں کیونکہ ضلع کرم کی آمن وآمان کی مخدوش صورتحال باہمی بھائی چارے اور مذہبی ہم آہنگی قائم رکھنے میں مضمر ہے مختلف اقوام کے درمیان تمام تنازعات علاقی معاہدوں کے ذریعے حل کرنے کوشش کی جائے گی۔
وزیراعلیٰ سندھ مراد علی شاہ کا رواں سال گندم نہ خریدنے کا اعلان