خیبر، 25 روز بعد طورخم تجارتی گزرگاہ کی بحالی کا فیصلہ
اشاعت کی تاریخ: 19th, March 2025 GMT
پشاور:
پاکستانی جرگہ کے سربراہ اور فیڈریشن آف پاکستان چیمبرز آف کامرس کے ایڈوائزر سید جواد حسین کاظمی نے ایکسپریس نیوز کو خصوصی انٹرویو میں بتایا کہ افغان جرگہ نے اپنے حکام کو مشترکہ جرگہ کے فیصلے پر راضی کرلیا ہے، جس کے تحت طورخم تجارتی گزرگاہ کو کھولنے کا فیصلہ کیا گیا ہے۔
سید جواد حسین کاظمی کے مطابق، افغان جرگہ نے افغان حکام کے ساتھ ہونے والی ملاقات کے حوالے سے پاکستانی جرگہ کو آگاہ کیا اور فیصلہ کیا گیا کہ طورخم سرحد کو ہرقسم کی آمدورفت کے لئے کھول دیا جائے گا۔
انہوں نے بتایا کہ آج صبح 9 بجے طورخم سرحد پر پاکستان اور افغان سیکورٹی حکام کے درمیان فلیگ میٹنگ کا انعقاد کیا گیا، جس کے بعد تجارتی گزرگاہ کی بحالی کا عمل شروع ہو گیا۔
کاظمی کے مطابق، پاکستانی سیکورٹی حکام اور افغان حکام کے درمیان اس فیصلے پر مکمل اتفاق ہوا اور جرگہ معاہدے کے مطابق فلیگ میٹنگ کے بعد طورخم سرحدی گزرگاہ ہرقسم کی آمدورفت کے لئے کھول دی جائے گی۔
اس فیصلے سے دونوں ممالک کے درمیان تجارتی تعلقات کی بحالی کی امید کی جا رہی ہے۔
سید جواد حسین کاظمی نے مزید بتایا کہ پاک افغان مشترکہ جرگہ نے فائر بندی پر اتفاق کیا ہے اور افغان فورسز کی جانب سے متنازعہ تعمیرات بند کرنے پر بھی رضامندی ظاہر کی ہے۔
متنازعہ تعمیرات کے معاملے پر فیصلہ جوائنٹ کوآرڈینیشن کمیٹی (JCC) کے اجلاس میں کیا جائے گا، جس کے لئے دونوں ممالک وقت کا تعین کریں گے۔
کاظمی نے یہ بھی بتایا کہ 21 فروری کو افغان فورسز کی طرف سے پاکستانی حدود میں تعمیرات پر کشیدگی پیدا ہونے کے بعد طورخم تجارتی گزرگاہ کو بند کر دیا گیا تھا۔
سرحد کی بندش کے باعث روزانہ کی بنیاد پر پاکستانی خزانہ کو 3 ملین ڈالرز کا نقصان ہو رہا تھا۔ گزشتہ 25 دنوں میں تجارتی گزرگاہ کی بندش سے 75 ملین ڈالرز کا نقصان ہوا ہے۔
سید جواد حسین کاظمی نے مزید کہا کہ طورخم کے راستے یومیہ اوسطاً 10 ہزار افراد کی آمدورفت ہوتی ہے، اور تجارتی گزرگاہ کی بندش سے ہزاروں کارگو گاڑیاں دونوں جانب پھنس گئی ہیں۔
آج صبح کسٹم حکام نے عملے کو طلب کر لیا ہے، اور پولیس سمیت تمام متعلقہ حکام کو حاضر ہونے کا حکم دیا گیا ہے تاکہ تجارتی سرگرمیوں کو دوبارہ شروع کیا جا سکے۔
طورخم تجارتی گزرگاہ کی بحالی سے دونوں ممالک کے تجارتی تعلقات میں نئی روح پھونکنے کی توقع کی جا رہی ہے، جس سے پاکستان کو اقتصادی فائدہ حاصل ہو گا اور کشیدگی کا خاتمہ ہو گا۔
.ذریعہ: Express News
کلیدی لفظ: طورخم تجارتی گزرگاہ سید جواد حسین کاظمی تجارتی گزرگاہ کی کی بحالی بتایا کہ کاظمی نے
پڑھیں:
طورخم سرحد پرکشیدگی، تجارتی گزرگاہ 23 ویں روز بھی بند
خیبر(ڈیلی پاکستان آن لائن )طورخم سرحد پر کشیدگی کے باعث تجارتی گزر گاہ آج 23 ویں روز بھی بند ہے۔
نجی ٹی وی جیونیوز کے مطابق کسٹم حکام کی جانب سے بتایا گیا ہے کہ طورخم سرحد سے تجارتی گزرگاہ کے علاوہ پیدل آمدورفت بھی معطل ہے۔کسٹم حکام نے بتایا کہ تجارتی گزرگاہ کی بندش سے یومیہ اوسطاً 30 لاکھ ڈالرز کا نقصان ہو رہا ہے۔
ادھر جرگہ ممبر کے مطابق پاک افغان جرگہ کی کوششوں سے فائر بندی کا معاہدہ برقرار ہے، جرگہ مذاکرات کی بحالی کے لئے افغان جرگہ قیادت سے رابطے میں ہیں۔
واضح رہے پاکستان اور افغانستان کے درمیان تجارتی راہداری طورخم دونوں ممالک کے درمیان کشیدگی کے باعث تین ہفتوں سے زیادہ کا عرصہ گزرنے کے باوجود بند ہے، پاک افغان شاہراہ پر مال سے لدی گاڑیاں مختلف مقامات پر کھڑی ہیں۔
پاکستان اور افغانستان کے درمیان سالانہ تجارتی حجم ڈھائی ارب ڈالر سے کم ہو کر ڈیڑھ ارب ڈالر تک آگیا ہے۔
امریکا کے سب سے بڑے سرکاری خبر رساں ادارے کے ملازمین کو جبری رخصت پر بھیج دیا گیا
مزید :
اقوام متحدہ کے سیکرٹری جنرل کی بلوچستان میں جعفر ایکسپریس پرحملے کی شدید مذمت